YEHEZKIEL 6:11 - WUKE SUSI WATTI'U AL᷊AL᷊USASSA

¹¹ Mawu Apan Atanggaṛṛanne nabbisara, “Asusate! Lallal᷊ote! Lalluaite ringannu asasusa ana waugu al᷊awo'u al᷊al᷊eo wuṛṛu ararantinna apan buatte niola'u walahannu Israel. I mangitou sarun mate su pangalo, al᷊aṛṛutumma wuṛṛu ṛiwutta.

YEHEZKIEL 6:11 Iomraidhean Croise

YESAYA 58:1

Mawu nabbisara, “Pangintul᷊ite ringannu ahewallu auatanna! Pasingkata'e su uma-U manga rosa mangitou.

YEREMIA 16:4

I mangitou sarun mate amatannu sa'itta apan mangipiddi mangitou su papate, wuṛṛu i mangitou sarun mate sulal᷊ummu pangalo ara'e maten al᷊aṛṛutumma. Tawe saran sangkatou apan lumuai ara'e mallabbingngi mangitou. Winal᷊unanni mangitou sarun massal᷊iawukka ere pupukka su leta'a, wuṛṛu inasannu manu'u winalanganna wuṛṛu winatangnga mal᷊aṛṛaga.

YEREMIA 24:10

I Ya'u sarun mandanta si mangitou pangalo, ṛutumma, wuṛṛu sa'itta ma'oman sara i mangitou sarangkanambone mate wuṛṛu taweddu matantangnga su wanua indi apan buatte Ta'u nionggolla si mangitou wuṛṛu al᷊amona mangitou.”

YEREMIA 30:7

Allo ma'ata'utta nia'omante allo apan tawe sul᷊ungnge. Su uma-U udde allo apan maasinggawanga; arawe i Ya'u manal᷊amatta si mangitou.”

YEREMIA 42:22

Ana waugu udde, naungete: su wanua apan rantanni yamiu wuṛṛu matana'a isudde, i yamiu sarun mate sulal᷊ummu pangalo, ara'e waugu ṛutumma ara'e al᷊aṛṛusa'itta.”

YEREMIA 9:1

Apiawe eteapa amungkangngu pua'u ere paṛṛihi apan napeneng kua'e, wuṛṛu mata'u ere sal᷊ossogga apan sidutu mangngelekka! Ne i ya'u wotongnge lumuai allo wuṛṛu ṛabbi, lullalu manga taumata sambalahangku apan nipaten ro'appa.

YEREMIA 9:10

I ya'u, Yeremia, nabbisara, “I ya'u lumuaite wuṛṛu lumal᷊o ana waugu nannal᷊o su wadda'a wuṛṛu su manga wowone apan naṛṛangute wuṛṛu naṛṛaggassa see lai tate amatannu taumata. Tingikku winatangnga tate aringiṛṛanna lai, manu'u winalanganna wuṛṛu manga winatangnga waine tinumalangke wuṛṛu nawul᷊ite.”

YEHEZKIEL 14:21

Mawu Apan Atanggaṛṛanne nabbisara, “I Ya'u mangema'u appatta ṛuumang-Ku apan asaddatanne su Yerusalem ipamate mawae taumata aroddi lai winatangnga. Ṛuumanna udde eteudde: pangalo, al᷊aṛṛutumma, winatangnga mal᷊aṛṛaga wuṛṛu ṛiwutta.

YEHEZKIEL 21:19

“Ei taumata apan mattate, hambara'e darua lal᷊anna apan botongne amatannu ratun Babel apan mangapiddu hel᷊elene. Lal᷊anna darua udde ṛinone manattakka wuassu wanua apan sambau; lal᷊anna sambau mabatukku Raba, soan Amon; wuṛṛu sambau lai watukku Yerusalem, soa apan pia tanda'a batune su Yehuda. Elea'e papappalla ipamiaṛṛa'u umaamatta su lal᷊anna apan mappengate.

YEHEZKIEL 25:6

Mawu Apan Atanggaṛṛanne nabbisara, “i yamiu mattal᷊o'appa lapiddu massal᷊aingnga lulluassa. I yamiu mangngadio'a leta'u Israel.

YEHEZKIEL 33:27

Waugu i Ya'u, Ruata apan biakka Mawu Apan Atanggaṛṛanne, manga taumata apan uatana'a su manga tuiddu soa udde sarun maten hal᷊ele. I mangitou apan uatana'a su manga wadda'a sarun inasannu winatangnga mal᷊aṛṛaga. I mangitou apan uaimbuni su manga wowone wuṛṛu manga loṛṛangnga sarun mate ana waugu al᷊aṛṛusa'itta.

YEHEZKIEL 5:12

Sepertatallu wuassu lal᷊oṛṛon soanu sarun mate ana waugu ṛiwutta see al᷊aṛṛutumma apan maṛṛia'a su soa. Sepertatallu sarun pototannu hal᷊ele su liuddu soa, wuṛṛu sepertatallu lai sarun Ta'u ital᷊eṛṛonga su al᷊awo'u tampa wuṛṛu sarun Ta'u enggenannu hal᷊ele.

YEHEZKIEL 6:10

Ne i mangitou sarun maasingkatta manungku ete i Ya'u Mawu wuṛṛu manungku anambon tataggu apan Ta'u nionggola wal᷊ine wawansaga awusu.”

YEHEZKIEL 7:12

Tempone mal᷊ihakke rumanta, allone maranite! Mamamalli wuṛṛu mabbawal᷊u'a tawe naasomba auntunganne apa-apa, ana waugu ṛuumannu Ruata maṛṛia su anambon taumata.

YEHEZKIEL 7:15

Su manga lal᷊annu soa pia pangalo, su manga wal᷊en pia ṛiwutta wuṛṛu al᷊al᷊unussa. Suapan taumata apan su liuddu soa sarun mate sulal᷊ummu pangalo, wuṛṛu isai uatana'a su soa sarun naten radda'a wuṛṛu lunussa.

YEHEZKIEL 9:4

“Roote watukku al᷊awo'u pappi'uannu soa wuṛṛu tialaite pakkannu manga taumata apan uapendamma asiangnga wuṛṛu massusa ana waugu anambon inolaanna maarantinna apan niola'a su soa udde.”

YOEL 1:15

Allon Mawu maranite, allo apan maata'utta; sutempo Apan Lembon Taṛṛino mandantan araṛṛimunsa'a.

AMOS 5:16

Mawu Apan Lembontaṛṛino nabbisara, “Su manga lal᷊annu soa, taumata sarun sumangitta wuṛṛu sumal᷊iomanna ana waugu masusa. Ewe'e lai manga mabbawailla lai sarun waggoanna iapal᷊uai suadio'a ringannu manga taumata apan niwaeṛṛanna lumuain taumata nate.

REENGANNA 24:10

Ṛingannu nasa'u i Balak naṛṛammiddu angkumma wuṛṛu nabbisara si Bileam, “I'o ta'u niwagoanna iapawontoga manga see'u, arawe i'o nangal᷊amatta si mangitou na'oman sara paatallu.

SONDAPPA 18:10

I mangitou sarun rumarisikka wuassu marau ana waugu i mangitou matta'uttu asasusane. I mangitou nabbisara, “Uare, wal᷊ine hampa silakane soa apan tinumelengke indi – soam Babel apan matohassa! Tumba'u sulal᷊ummu sangkaorassa ṛuumannu suete niapaamatta!”