YEHEZKIEL 6:10 - WUKE SUSI WATTI'U AL᷊AL᷊USASSA

¹⁰ Ne i mangitou sarun maasingkatta manungku ete i Ya'u Mawu wuṛṛu manungku anambon tataggu apan Ta'u nionggola wal᷊ine wawansaga awusu.”

YEHEZKIEL 6:10 Iomraidhean Croise

YEREMIA 44:28

Tumaba'u manga pira taumata apan sarun masal᷊amatta wuṛṛu mabbelengnga su Yehuda wuassu Mesir. Ne anambon taumatan Yehuda apan su Mesir sarun maasilo tanne wisara mangitou ara'e wisara-U apan matualaga.

YEHEZKIEL 12:25

i Ya'u, Mawu Apan Atanggaṛṛanne sarun mabbisara ringannu walahannu Israel, wuṛṛu anambon wisara-U sarun mariaddi, ringannu tawe iasoṛṛotta lai. Paddaringikka, ei ṛuanganna mal᷊awangnga! Sutempon pabbiaṛṛannu sarun Ta'u olaanna al᷊awo'a apan Ta'u niapanaungnga si yamiu. I Ya'u, Mawu Apan Atanggaṛṛanne buatte nabbisara.”

YEHEZKIEL 22:14

Ta'e waṛṛaniwe ara'e ta'e matohassawe i'o mamatten limanu napawe i Ya'u nuddusse makkuumannu? I Ya'u, Mawu Apan Atanggaṛṛanne buatte nabbisara wuṛṛu i Ya'u sarun mapaamattu apa apan buatte Ta'u niwisara.

YEHEZKIEL 5:13

I'o sarun maapendamma asadattu asasa'u wuṛṛu al᷊al᷊eo naung-Ku ma'oman sara i Ya'u mul᷊ete. Napawe sarangkanambone udde nariaddite, i'o sarun mangimanna atonna manungku i Ya'u, Mawu, buatte nabbisara si'o, ana waugu i Ya'u massa'u su ola'u lal᷊awangngu.

YEHEZKIEL 6:11

Mawu Apan Atanggaṛṛanne nabbisara, “Asusate! Lallal᷊ote! Lalluaite ringannu asasusa ana waugu al᷊awo'u al᷊al᷊eo wuṛṛu ararantinna apan buatte niola'u walahannu Israel. I mangitou sarun mate su pangalo, al᷊aṛṛutumma wuṛṛu ṛiwutta.

YEHEZKIEL 6:7

Suapa-suapa pia taumata apan iapate, wuṛṛu i mangitou apan nasal᷊amatta sarun maasingkatta manungku ete i Ya'u Mawu.

YEHEZKIEL 6:9

poiaroddi i mangitou mabbiakka sulal᷊ummu pamamuanganna. See i mangitou sarun maanaungnga si Ya'u wuṛṛu maasunna manungku i Ya'u makkuumanna wuṛṛu mallobossa si mangitou ana waugu naungngi mangitou tawe satia si Ya'u. I mangitou buatte nanantang-Ku wuṛṛu namile paal᷊uanna maola'a hahanti-U. Wua'udde i mangitou sarun umuallu watanganni mangitou sassane ana waugu al᷊awo'u al᷊al᷊eo wuṛṛu ararantinna apan buatte niola'i mangitou.

DANIEL 9:12

I'o mammanara ringannu naṛṛino ere buatte nipa'ire-Nu si yami wuṛṛu su manga tembonanni yami. Yerusalem buatte niṛṛuman-Nu lembon wahewalla wuassu al᷊awo'u soa su runia indi.

ZAKARIA 1:6

Ringannu nappaattu manga nabi manga allang-Ku udde, i Ya'u namasingkattu manga parenta wuṛṛu manga tataggu su iupungngu al᷊amonanu. Arawe i mangitou tawe maddaringikka na'oman sara i mangitou ṛinone mamasanna pangillul᷊eanne. Wua'udde i mangitou sinumassilla wuṛṛu nanga'u manungku i Ya'u, Mawu Apan Lembontaṛṛino, buatte nakkuumanni mangitou uasul᷊ungngu pasasal᷊a mangitou, wuṛṛu uasul᷊ungngu apa apan buatte nitantung-Ku.”