YEHEZKIEL 5:2 - WUKE SUSI WATTI'U AL᷊AL᷊USASSA

² Sepertatallu ṛinone tutungannu su pattangngannu soa udde napawe pallal᷊iwunna udde nasuete. Sepertatallu lai ṛinone pototannu hal᷊elenu lapiddu mamal᷊iwutta soa udde. Wuṛṛu sepertatallu panginsueanne ṛinone i'o manal᷊iawukka su winalanganna, ana see i Ya'u mangenggenna ringannu hal᷊ele-U.

YEHEZKIEL 5:2 Iomraidhean Croise

YEREMIA 13:24

I Ya'u sarun manongkakki yamiu ere wal᷊a'a apan nitiuppu anginna wuassu wadda'u anne.

YEREMIA 15:2

Amungkangngu i mangitou maiwal᷊o si'o watukku apa i mangitou massal᷊iu, simbakke arendi, ‘Mawu nabbisara, apan nitantunna mate ana waugu maradda'a wala'e i tou mate ana waugu sa'itta. Apan nitantunna mate sulal᷊ummu pangalo wala'e i tou mate sulal᷊ummu pangalo! Apan nitantunna mate ana waugu mal᷊unussa wala'e i tou maten al᷊al᷊unussa! Apan nitantunna maola'a tawananna wala'e i tou iluranna maola'a tawananna!’

YEREMIA 24:10

I Ya'u sarun mandanta si mangitou pangalo, ṛutumma, wuṛṛu sa'itta ma'oman sara i mangitou sarangkanambone mate wuṛṛu taweddu matantangnga su wanua indi apan buatte Ta'u nionggolla si mangitou wuṛṛu al᷊amona mangitou.”

YEREMIA 39:1

Su wul᷊anna appul᷊one tonna assione i ratu Zedekia uaparenta Yehuda, i Nebukadnezar ratun Babel ringannu anambon tantaran pangalone nirumanta wuṛṛu namangalo Yerusalem.

YEREMIA 39:2

Su allo assione wul᷊anna aiappanne tonna mapul᷊o assa sutempo i Ratu Zedekia uaparenta, darandungngu soa nihohakku seetta,

YEREMIA 9:15

Ana waugu udde, paddaringikke apa apan i Ya'u, Mawu Apan Lembontaṛṛino, Ruatan Israel, sarun ma'ola'a: uma-U sarun Ta'u onggol᷊annu sasuanna mapetta annananna wuṛṛu pasangkadda iapa'inumma.

YEREMIA 9:16

I mangitou sarun Ta'u isal᷊iawukka suwallattu manga walahanna apan awagananni mangitou ara'e al᷊amona mangitou. I Ya'u sidutu sarun mandolokku tantara apan mammangalo si mangitou ma'oman sara i Ya'u mamate si mangitou abbi.”

YEHEZKIEL 12:14

Anambon lal᷊oṛṛon bal᷊en araratuanna, nasutta manga mananantiro wuṛṛu mandariaga ratu sarun Ta'u isal᷊iawukka su al᷊awo'u tampa. I mangitou sarun Ta'u enggenanna wuṛṛu Ta'u pateanna.

YEHEZKIEL 17:21

Tantarane apan apianne sarun mate sulal᷊ummu pangalo wuṛṛu ingana'a naatal᷊angnga sarun massal᷊iawukka su anambon tampa. Ne uma-U maasingkatte manungku i Ya'u, Mawu buatte nabbisara.”

YEHEZKIEL 5:10

Timmadde sarun uminassa anangnge sassane wuṛṛu ana'a sarun uminassa hagurangnge. Etearoddi i mangitou sarun Ta'u iṛṛuumanna, wuṛṛu iapa ta'e wiakka Ta'u isal᷊iawukka su al᷊awo'u tampa.

YEHEZKIEL 5:12

Sepertatallu wuassu lal᷊oṛṛon soanu sarun mate ana waugu ṛiwutta see al᷊aṛṛutumma apan maṛṛia'a su soa. Sepertatallu sarun pototannu hal᷊ele su liuddu soa, wuṛṛu sepertatallu lai sarun Ta'u ital᷊eṛṛonga su al᷊awo'u tampa wuṛṛu sarun Ta'u enggenannu hal᷊ele.

YEHEZKIEL 5:3

Tantanga'e addio'a wuassu utangngu udde wuṛṛu pi'unte sulal᷊ummu pallapuannu jubanu.

IMAMATTA 26:33

I Ya'u sarun mandantan papangalo su wanuanu wuṛṛu manal᷊iawukki yamiu su manga wanua waine. Manga wawail᷊annu tate lu'aranna, wuṛṛu manga soanu niwalate naola'a tuidda.

AMOS 9:4

Amungkangngu i mangitou niatawannu seetta, i Ya'u sarun mamarenta tadea'u i mangitou pateanna. I Ya'u naddiandi tadea'u manginsue si mangitou, wuṛṛu sarun tawe massumbala si mangitou.”

ZAKARIA 13:8

wuṛṛu su ahewallu wanua darua per tatallu wuassu tumanangnge sarun mate.