YEHEZKIEL 5:17 - WUKE SUSI WATTI'U AL᷊AL᷊USASSA

¹⁷ Wal᷊ine wuassu silaka al᷊aṛṛutumma sarun Ta'u iaparanta lai al᷊aṛṛusa'itta, araṛṛagissa wuṛṛu pangalo ipamate tumanangngu, wuṛṛu manga winatangnga mal᷊aṛṛaga iapapate manga ana'i mangitou. I Ya'u, Mawu, buatte nabbisara.”

YEHEZKIEL 5:17 Iomraidhean Croise

2 MARARATU 17:25

Sutempo i mangitou paarorone natana'a isudde, i mangitou tawe mangadata Mawu; ana waugu udde Mawu nandantan manga singa niapatambo sambageanganna wuassi mangitou.

SASABANGNGA 23:29

I mangitou tawe Ta'u limbuaṛṛanna paassa sulal᷊ummu santonna, tadea'u leta'a udde tawe ma'ahuranganna, wuṛṛu winatangnga mal᷊aṛṛaga tawe walate apulune.

YEREMIA 15:3

I Ya'u, Mawu, buatte nanantunna manungku appatta ṛuumanna apan ma'ata'utta sarun mariaddi si mangitou: i mangitou sarun mate sulal᷊ummu pangalo, winal᷊unanni mangitou sarun wol᷊engannu asu, inasannu manu'u winalanganna, wuṛṛu insueannu winatangnga mal᷊aṛṛaga.

YEHEZKIEL 14:15

Wotongnge mariaddi i Ya'u maparanta manga winatangnga mal᷊aṛṛaga iapatambon tumana'u wanua udde, na'oman sara leta'a udde na'ola'a tehamanna wuṛṛu tawe saran sangkatou waṛṛani umamatta isudde.

YEHEZKIEL 14:19

Wotongnge mariaddi i Ya'u mandantan ṛiwutta su wanua udde, wuṛṛu Ta'u iapasabbangnga asasa'u-U su saruanne ma'oman sara mawae taumata aroddi lai winatangnga sarun mate.

YEHEZKIEL 14:21

Mawu Apan Atanggaṛṛanne nabbisara, “I Ya'u mangema'u appatta ṛuumang-Ku apan asaddatanne su Yerusalem ipamate mawae taumata aroddi lai winatangnga. Ṛuumanna udde eteudde: pangalo, al᷊aṛṛutumma, winatangnga mal᷊aṛṛaga wuṛṛu ṛiwutta.

YEHEZKIEL 17:21

Tantarane apan apianne sarun mate sulal᷊ummu pangalo wuṛṛu ingana'a naatal᷊angnga sarun massal᷊iawukka su anambon tampa. Ne uma-U maasingkatte manungku i Ya'u, Mawu buatte nabbisara.”

YEHEZKIEL 17:24

Al᷊awo'u alu su wanua sarun maasunna manungku ete i Ya'u Mawu. Alu apan al᷊angkasanne Ta'u tuwanganna; alu apan mawawo Ta'u iapatuwo matanggakka. Alu apan mapia ta'u iapaaṛṛagassa; wuṛṛu alu apan naṛṛangu Ta'u onggol᷊annu lal᷊uwo wuṛṛu bungane. I Ya'u, Mawu, buatte nabbisara, al᷊awo'u wisara-U sarun matipussa.”

YEHEZKIEL 21:3

manungku i Ya'u, Mawu, nabbisara arendi, ‘I Ya'u indi seennu. I Ya'u sarun manawutta hal᷊ele-U wuṛṛu mamate si yamiu sarangkanambone, apan dal᷊eo ara'e lai mapia.

YEHEZKIEL 21:32

I yamiu sarun masue iepoddu putungnga. Daṛṛanu sarun mangelekka su wanuanu sassane, wuṛṛu tawe saran sangkatou lai apan ta'e maanaungnga si'o. I Ya'u Mawu buatte nabbisara.’ ”

YEHEZKIEL 22:14

Ta'e waṛṛaniwe ara'e ta'e matohassawe i'o mamatten limanu napawe i Ya'u nuddusse makkuumannu? I Ya'u, Mawu Apan Atanggaṛṛanne buatte nabbisara wuṛṛu i Ya'u sarun mapaamattu apa apan buatte Ta'u niwisara.

YEHEZKIEL 23:47

Wala'e itarua tuntungannu watu wuṛṛu pangaloannu hal᷊ele. Wala'e manga ana'i tarua ṛatanna wuṛṛu manga wal᷊en tarua soṛṛowanna.

YEHEZKIEL 26:14

Apan Ta'u itantangnga tumba'u sambau watu apan lol᷊okka, tampa manga samakka mammatin soma mangitou. Soa udde ta'e iapararisikka apia. I Ya'u, Mawu Apan Atanggaṛṛanne buatte nabbisara.”

YEHEZKIEL 28:23

I Ya'u sarun mandantan al᷊aṛṛusa'itta, wuṛṛu mamalan daṛṛa mangngelekka su manga lal᷊annu. I'o sarun pangaloannu seetta wuassu al᷊awo'u pappi'uanne, wuṛṛu tumanangngu sarun pateanna. Ne i'o masingkatte manungku ete i Ya'u Mawu.’ ”

YEHEZKIEL 30:12

I Ya'u sarun mapaamaran Sal᷊ukku Nil wuṛṛu manantillu ahewallu Mesir su manga taumata lal᷊eo. Manga taumata raho sarun Ta'u irolokka iapaṛṛimunsa'a wanua udde. I Ya'u, Mawu, buatte nabbisara.”

YEHEZKIEL 33:27

Waugu i Ya'u, Ruata apan biakka Mawu Apan Atanggaṛṛanne, manga taumata apan uatana'a su manga tuiddu soa udde sarun maten hal᷊ele. I mangitou apan uatana'a su manga wadda'a sarun inasannu winatangnga mal᷊aṛṛaga. I mangitou apan uaimbuni su manga wowone wuṛṛu manga loṛṛangnga sarun mate ana waugu al᷊aṛṛusa'itta.

YEHEZKIEL 37:14

I Ya'u sarun maniuppu sasangngo sulal᷊ummu waddangngi mangitou tadea'u ipamiakka si mangitou, ana see i mangitou Ta'u iwala matanata'a su wanuane sassane. Ne i mangitou masingkatte manungku ete i Ya'u Mawu. I Ya'u Mawu buatte nabbisara wuṛṛu atonna sarun ma'ola'a.”

YEHEZKIEL 38:22

I tou sarun Ta'u iṛṛuumanna ringannu al᷊aṛṛusa'itta wuṛṛu uapapate. Uranna masassaga wuṛṛu uranna eisse, putungnga wuṛṛu beleranga sarun Ta'u iwoso si tou wuṛṛu tantarane wuṛṛu su anambon balahanna apan buatte naammulli tou.

YEHEZKIEL 5:15

Amungkangngu i Ya'u masa'u wuṛṛu mannaungnga lal᷊eo si'o see makkuumannu, anambon araratuanna uapal᷊iwutta si'o sarun maapendamma atata'utta. I mangitou sarun mangal᷊uandaga si'o wuṛṛu mammuta maasilo si'o.

YEHEZKIEL 5:16

I Ya'u sarun makkimunsa'a wal᷊ingkakku annu wuṛṛu mamalan tumanangngu amal᷊unusanna. I mangitou sarun mamendamma aroddi asasusane mal᷊unussa, ere anaanna apan maṛṛoro nallappassa wuṛṛu namate si'o.

YEHEZKIEL 6:1

Mawu nabbisara si ya'u,

YEHEZKIEL 6:12

I mangitou sarangkanambone sarun maapendamma asasa'u-U somopa. Manga taumata apan marau su pamuanganna sarun rumada'a lapiddu nate; iapa marani sarun nate sulal᷊ummu pangalo, wuṛṛu lambene sarun nate amal᷊unusanna.

IMAMATTA 26:22

I Ya'u sarun mandantan manga winatanga mal᷊aṛaga su pattangnganni yamiu. Manga winatanga udde sarun tumambo manga anangu, mamate winatanga papadul᷊ianannu wuṛṛu mamate si yamiu, na'oman sara reengannu mabbal᷊i addio'a, wuṛṛu manga lal᷊anna su wanuanu mabbal᷊i mal᷊annaba.

MATIUS 24:35

Langitta wuṛṛu runia sarun mawul᷊i, arawe wisara-U ma'oman sara mal᷊annu-l᷊annu.”

TAHIUL᷊E 32:24

I mangitou sarun mate ana waugu sal᷊iubba wuṛṛu al᷊al᷊unussa, wuṛṛu ana waugu radda'a apan ma'ata'utta. Ta'u iwala i mangitou aṛṛatannu winatangnga mal᷊aṛṛaga, wuṛṛu pul᷊isannu atoanna mawisa.

SONDAPPA 6:8

I ya'u na'ellega, see niasiloangku sambau awal᷊o hatine namillosa. Sumasa'ene aranne Papate. Wuassu liudde, i tou tatantalongannu Runiam Papate marani-rani. Taṛṛino su wageangnge aiappane su runia indi tinantilla si mangitou, tadea'u i mangitou wotongnge mamate sulal᷊ummu pangalo, sulal᷊ummu ṛutumma, ara'e al᷊aṛṛusa'itta wuṛṛu wuassu manga winatangnga mal᷊aṛṛaga.