YEHEZKIEL 5:14 - WUKE SUSI WATTI'U AL᷊AL᷊USASSA

¹⁴ I'o sarun maola'a manga tuidda wuṛṛu manga walahanna maraninu sarun mangal᷊uandaga si'o; suapan taumata apan sumabbi sarun mangindaunu.

YEHEZKIEL 5:14 Iomraidhean Croise

NEHEMIA 2:17

Arawe wua'udde i ya'u nabbisara si mangitou, “Pa'ellege pabbiaṛṛanni ite apan susa indi! Yerusalem ete nallambe winal᷊alanna wuṛṛu manga ngarane wahewalla nasue niepoddu putungnga. Wette i ite mapararisikku apia manga darandungngu soa Yerusalem tadea'u i ite tate lai lobbosanna.”

YEREMIA 19:8

I Ya'u sarun maṛṛia'u asasilaka apan wahewalla su soa indi, ma'oman sara suapan taumata apan sumabbi isudde sarun ṛumindu'a wuṛṛu mata'utta.

YEREMIA 23:40

I Ya'u sarun mamansili si mangitou wuṛṛu mallobbossa saran mal᷊annu-l᷊annu wuṛṛu nasippi mangitou udde tawe abbul᷊ianannu taumata.”

YEREMIA 42:18

Su ereapa i Ya'u, Mawu Ruatan Israel napasabbangngu asasa'u wuṛṛu araṛṛagi-U su tumana'u Yerusalem, aroddi lai Ya'u mapasabbangngu araṛṛagi-Ku si yamiu apan inai watukku Mesir. Taumata sarun marantinna maasilo si yamiu; i yamiu sarun heloanna, wuṛṛu arannu tate ipaatta maola'a wawontoga. I yamiu tate maasilo apia leta'a niariaddiannu indi.”

LAL᷊ALLU 1:4

Su manga allo wahewalla tawe saran sangkatou apan nirumanta su Wal᷊en Duata. Manga maṛṛuala mangangantari poiaroddi uatataṛṛanga susa, wuṛṛu manga imam sussal᷊ande. Tawe taumata su manga ngara wahewalla, Soa Sion papal᷊iwutannu asasusa.

LAL᷊ALLU 1:8

Yerusalem malluhudda watanganne sassane ringannu ma'ola'a manambo rosa apan maarantinna. Sarangkanambone apan dorone mangngaddatta si tou, orassa indi mangngal᷊uandaga ana waugu naasilo uatantol᷊ene. I tou sussal᷊iomanna, ana waugu inawul᷊ianten hatine.

YEHEZKIEL 12:20

Manga soa apan orassa indi napenen tumanangnge sarun ṛimunsaanna wuṛṛu manga wawail᷊anna sarun mabbal᷊i wadda. Ne i mangitou maasingkatte manungku ete i Ya'u Mawu.”

YEHEZKIEL 16:57

wuṛṛu al᷊al᷊eonu taambe niasingkatanna? Orassa indi i'o nassul᷊ungken tou; i'o naola'a ipallal᷊agen taumatan Edom, taumatan Filistin wuṛṛu manga al᷊indongannu waine apan maddantinnu.

YEHEZKIEL 23:32

Mawu Apan Atanggaṛṛanne nabbisara, “Lal᷊oṛṛo mangkon iaangngu ṛinone allupannu. Mangko wahewalla wuṛṛu mal᷊al᷊umma. Lal᷊oṛṛone napenen aal᷊uandaga wuṛṛu hahelo, apan ṛinone pasannannu wuassu anambon taumata.

YEHEZKIEL 33:28

Wanua udde sarun Ta'u olaanna wadda'u anne apan mal᷊annabba, wuṛṛu taṛṛino apan ipammunga mangitou sarun masue. Manga wowone su Israel sarun mabbal᷊i mal᷊annabba ma'oman sara tawe saran sangkatou waṛṛani umamatta isudde.

YEHEZKIEL 36:34

Dorone manga taumata apan u'amatta su manga wadda'i yamiu naasilo aroddi aṛṛasane leta'a udde, arawe i Ya'u sarun mamalang kamiu mamanara leta'a udde.

YEHEZKIEL 6:6

Anambon soa su Israel sarun ihohakka, al᷊awo'u mezbahne wuṛṛu paal᷊uanne ṛimunsaanna iapasal᷊iawukka, manga panambunannu amaniane pasi tal᷊eṛṛonga, wuṛṛu al᷊awo'a apan a'olaanni mangitou sarun mawul᷊i.

DANIEL 9:16

I'o buatte nanahekki yami sutempon dorone, ana waugu udde ariete masa'u apia su Yerusalem, soa-Nu sassane, wuiddu Mawu apan susi. Ana waugu rosan kami wuṛṛu al᷊al᷊eo na iupungngu al᷊amonan kami, ne anambon taumata maranin kami mangngaddio'a Yerusalem wuṛṛu uman-Nu.

MIKHA 3:12

Ana waugu al᷊aleonu udde, Sion sarun pajekoanna ere wawail᷊anna, Yerusalem sarun maola'a ombon winalal᷊anna, wuṛṛu wuiddu Wal᷊en Mawu mabbal᷊i mahurangnge.

TAHIUL᷊E 28:37

Su manga wanua tampan kamiu nisal᷊iawukku Mawu, manga taumata sarun mata'utta maasilo si yamiu; yamiu sarun al᷊uandahanna wuṛṛu ilagge mangitou.