YEHEZKIEL 5:12 - WUKE SUSI WATTI'U AL᷊AL᷊USASSA

¹² Sepertatallu wuassu lal᷊oṛṛon soanu sarun mate ana waugu ṛiwutta see al᷊aṛṛutumma apan maṛṛia'a su soa. Sepertatallu sarun pototannu hal᷊ele su liuddu soa, wuṛṛu sepertatallu lai sarun Ta'u ital᷊eṛṛonga su al᷊awo'u tampa wuṛṛu sarun Ta'u enggenannu hal᷊ele.

YEHEZKIEL 5:12 Iomraidhean Croise

YESAYA 1:24

Ana waugu udde Mawu Apan Lembontaṛṛino, Ruatan Israel nabbisara: “Ei, manga se'e-Ku, i Ya'u sarun mabbal᷊issa si yamiu, ma'oman sara i yamiu tate mapaasusa-U apia.

YEREMIA 13:24

I Ya'u sarun manongkakki yamiu ere wal᷊a'a apan nitiuppu anginna wuassu wadda'u anne.

YEREMIA 14:12

Salaiwe i mangitou mappuasa, i Ya'u maddirite maddaringikka sasal᷊ande mangitou ma'intolla; wuṛṛu salaiwe i mangitou mangonggolla si Ya'u sasamba itattambunna ara'e sasamba gandumma, i Ya'u tawe mal᷊uassa si mangitou. Arawe mawal᷊i'a, i Ya'u sarun mamate si mangitou ringannu pangalo, al᷊aṛṛutumma wuṛṛu al᷊aṛṛusa'itta.”

YEREMIA 15:2

Amungkangngu i mangitou maiwal᷊o si'o watukku apa i mangitou massal᷊iu, simbakke arendi, ‘Mawu nabbisara, apan nitantunna mate ana waugu maradda'a wala'e i tou mate ana waugu sa'itta. Apan nitantunna mate sulal᷊ummu pangalo wala'e i tou mate sulal᷊ummu pangalo! Apan nitantunna mate ana waugu mal᷊unussa wala'e i tou maten al᷊al᷊unussa! Apan nitantunna maola'a tawananna wala'e i tou iluranna maola'a tawananna!’

YEREMIA 15:9

Inangnga apan niawul᷊ianni siri pitu umbasanna napinsanna ana waugu sasangngone maautta. Allon pabbiaṛṛanne nabbal᷊ite marandumma, i tou ereola'u haggeloanna wuṛṛu pappansilianna. Manga seennu Ta'u irolokka iapapate apan ta'e wiakka suwallatti yamiu. I Ya'u, Mawu, buatte nabbisara.”

YEREMIA 21:9

Suapan taumata apan uatana'a sulal᷊ummu soa sarun mate ana waugu pangalo, ṛutumma, al᷊aṛṛusa'itta. Arawe i mangitou apan sinumabbangnga nanantillu watanganne su taumatan Babel apan tantal᷊anna mammangalo soa indi, sarun mal᷊iu wuṛṛu tawe pateanna.

YEREMIA 24:10

I Ya'u sarun mandanta si mangitou pangalo, ṛutumma, wuṛṛu sa'itta ma'oman sara i mangitou sarangkanambone mate wuṛṛu taweddu matantangnga su wanua indi apan buatte Ta'u nionggolla si mangitou wuṛṛu al᷊amona mangitou.”

YEREMIA 42:22

Ana waugu udde, naungete: su wanua apan rantanni yamiu wuṛṛu matana'a isudde, i yamiu sarun mate sulal᷊ummu pangalo, ara'e waugu ṛutumma ara'e al᷊aṛṛusa'itta.”

YEREMIA 44:27

I Ya'u sarun maddea'a lal᷊anne tadea'u i yamiu masilaka wuṛṛu tawe su lal᷊umanna'a, ma'oman sara i yamiu mate abbi, mawae sulal᷊ummu pangalo aroddi lai ana waugu al᷊aṛṛusa'itta.

YEREMIA 9:15

Ana waugu udde, paddaringikke apa apan i Ya'u, Mawu Apan Lembontaṛṛino, Ruatan Israel, sarun ma'ola'a: uma-U sarun Ta'u onggol᷊annu sasuanna mapetta annananna wuṛṛu pasangkadda iapa'inumma.

YEREMIA 9:16

I mangitou sarun Ta'u isal᷊iawukka suwallattu manga walahanna apan awagananni mangitou ara'e al᷊amona mangitou. I Ya'u sidutu sarun mandolokku tantara apan mammangalo si mangitou ma'oman sara i Ya'u mamate si mangitou abbi.”

YEHEZKIEL 12:14

Anambon lal᷊oṛṛon bal᷊en araratuanna, nasutta manga mananantiro wuṛṛu mandariaga ratu sarun Ta'u isal᷊iawukka su al᷊awo'u tampa. I mangitou sarun Ta'u enggenanna wuṛṛu Ta'u pateanna.

YEHEZKIEL 14:17

Wotongnge mariaddi i Ya'u mandantan pangalo su wanua udde, wuṛṛu i Ya'u mangirimmu manga ahidda lutangnga apan apianne ipamate mawae taumata aroddi lai winatangnga.

YEHEZKIEL 14:19

Wotongnge mariaddi i Ya'u mandantan ṛiwutta su wanua udde, wuṛṛu Ta'u iapasabbangnga asasa'u-U su saruanne ma'oman sara mawae taumata aroddi lai winatangnga sarun mate.

YEHEZKIEL 14:21

Mawu Apan Atanggaṛṛanne nabbisara, “I Ya'u mangema'u appatta ṛuumang-Ku apan asaddatanne su Yerusalem ipamate mawae taumata aroddi lai winatangnga. Ṛuumanna udde eteudde: pangalo, al᷊aṛṛutumma, winatangnga mal᷊aṛṛaga wuṛṛu ṛiwutta.

YEHEZKIEL 16:42

Wakkute udde asasa'u-U umompo'a, wuṛṛu sarun maola'a matammuda apia. I Ya'u tate masa'u apia ara'e mallu'adda.

YEHEZKIEL 21:22

Inauranna manungku anaanna apan nianun lima aikkatanne pia tatialan Yerusalem! Udde atappasanne manungku ratu ṛinone mamangalo soan Yerusalem, manggoressan pangalo wuṛṛu mandolokku tantarane mangatokku ahidda ipanggohakka, itaingnga su manga ngaran Yerusalem, mangombon leta'a maola'a darandungnga pamangaloanna wuṛṛu maal᷊i manga hote.

YEHEZKIEL 24:13

Ei Yerusalem, manga inolaannu apan dal᷊eo buatte nalluhuda watangannu. Ia'o buatte na'annamma mamaresi si'o, arawe tawe gunane, waugu i'o sidutu lal᷊eo. I'o tate mawaresi apia ma'oman sara i Ya'u mapasabbangngu asasa'u-U si'o.

YEHEZKIEL 33:27

Waugu i Ya'u, Ruata apan biakka Mawu Apan Atanggaṛṛanne, manga taumata apan uatana'a su manga tuiddu soa udde sarun maten hal᷊ele. I mangitou apan uatana'a su manga wadda'a sarun inasannu winatangnga mal᷊aṛṛaga. I mangitou apan uaimbuni su manga wowone wuṛṛu manga loṛṛangnga sarun mate ana waugu al᷊aṛṛusa'itta.

YEHEZKIEL 36:19

I mangitou Ta'u niṛṛuumanna uasul᷊ungngu ringannu ola'u pabbiaṛṛanna wuṛṛu ala'uanni mangitou, ana see i mangitou Ta'u nisal᷊iawukka watukku manga wanua waine.

YEHEZKIEL 43:8

Dorone manga ratu mangitou ma'ola'a manga pua ngara wuṛṛu manga diṛṛi ngaran bal᷊en araratuanni mangitou su liuddu manga pua ngara wuṛṛu manga diṛṛin Bal᷊e-U, na'oman sara tumba'u pia samba'u darandunga su wallanne. I mangitou buatte nandal᷊eo arang-Ku apan na'ukkassa ringannu manga inolaanni mangitou apan maarantinna. Ana waugu udde i mangitou Ta'u nipate sulal᷊ummu asasa'u-U.

YEHEZKIEL 5:10

Timmadde sarun uminassa anangnge sassane wuṛṛu ana'a sarun uminassa hagurangnge. Etearoddi i mangitou sarun Ta'u iṛṛuumanna, wuṛṛu iapa ta'e wiakka Ta'u isal᷊iawukka su al᷊awo'u tampa.

YEHEZKIEL 5:17

Wal᷊ine wuassu silaka al᷊aṛṛutumma sarun Ta'u iaparanta lai al᷊aṛṛusa'itta, araṛṛagissa wuṛṛu pangalo ipamate tumanangngu, wuṛṛu manga winatangnga mal᷊aṛṛaga iapapate manga ana'i mangitou. I Ya'u, Mawu, buatte nabbisara.”

YEHEZKIEL 5:2

Sepertatallu ṛinone tutungannu su pattangngannu soa udde napawe pallal᷊iwunna udde nasuete. Sepertatallu lai ṛinone pototannu hal᷊elenu lapiddu mamal᷊iwutta soa udde. Wuṛṛu sepertatallu panginsueanne ṛinone i'o manal᷊iawukka su winalanganna, ana see i Ya'u mangenggenna ringannu hal᷊ele-U.

YEHEZKIEL 6:8

Sangkawageanganna addio'a wuassi mangitou sarun Ta'u iapaal᷊iu wuassu pamamate udde, arawe i mangitou sarun isal᷊iawukka su wallattu manga araratuanna;

YEHEZKIEL 7:15

Su manga lal᷊annu soa pia pangalo, su manga wal᷊en pia ṛiwutta wuṛṛu al᷊al᷊unussa. Suapan taumata apan su liuddu soa sarun mate sulal᷊ummu pangalo, wuṛṛu isai uatana'a su soa sarun naten radda'a wuṛṛu lunussa.

YEHEZKIEL 7:3

Mawu nabbisara, “Ei Israel, orassa indi nia'omante pangudusannu. I'o sarun maapendamma asasa'u-U. I'o Ta'u iṛṛuumanna uasul᷊ungngu inolaannu apan dal᷊eo.

IMAMATTA 26:33

I Ya'u sarun mandantan papangalo su wanuanu wuṛṛu manal᷊iawukki yamiu su manga wanua waine. Manga wawail᷊annu tate lu'aranna, wuṛṛu manga soanu niwalate naola'a tuidda.

AMOS 9:4

Amungkangngu i mangitou niatawannu seetta, i Ya'u sarun mamarenta tadea'u i mangitou pateanna. I Ya'u naddiandi tadea'u manginsue si mangitou, wuṛṛu sarun tawe massumbala si mangitou.”

AMOS 9:9

I Ya'u sarun mangonggollu parenta wuṛṛu mattappa walahannu Israel ere taumata mattappa gandumma sulal᷊ummu niṛṛu. Su ipanahangginna sarangkanambone apan tawe gunane suwallatti yamiu, i Ya'u sarun malluakki mangitou suwallattu manga walahanna.

ZAKARIA 7:14

Naal᷊ihidda tandi'a, i Ya'u nanahangginna si mangitou na'oman sara i mangitou niwata'a mamanua su manga wanua waine. Leta'a apan masuwukka indi nabbal᷊ite mal᷊annabba tawe tumatanangnge wuṛṛu lol᷊okka.”

TAHIUL᷊E 28:65

Suwallatu manga walahannu udde i yamiu tawe maasomba atatammudda, wuṛṛu tawe apan botongnge isaggo pussaanu; Mawu sarun ma'ola'a si yamiu sussal᷊impawakka wuṛṛu naungnga maadio'a tawe antimma.

SONDAPPA 6:8

I ya'u na'ellega, see niasiloangku sambau awal᷊o hatine namillosa. Sumasa'ene aranne Papate. Wuassu liudde, i tou tatantalongannu Runiam Papate marani-rani. Taṛṛino su wageangnge aiappane su runia indi tinantilla si mangitou, tadea'u i mangitou wotongnge mamate sulal᷊ummu pangalo, sulal᷊ummu ṛutumma, ara'e al᷊aṛṛusa'itta wuṛṛu wuassu manga winatangnga mal᷊aṛṛaga.