YEHEZKIEL 48:8 - WUKE SUSI WATTI'U AL᷊AL᷊USASSA

⁸ Wageangnge manansunna wuassu leta'a udde ṛinone iṛṛae ipaatta su hausanna waine. Al᷊o'engnge ṛinone 12,5 kilometere wuassu passarannu sawannakka maddatingngu timukka. Manga passaranna su ra'i wuṛṛu waṛṛatta ṛinone al᷊o'engnge uasul᷊ungnga ringannu manga wageangnge apan nionggolla su manga ṛuangannu Israel. Wal᷊e Mawu sarun iapararisikka su wageangnge udde.

YEHEZKIEL 48:8 Iomraidhean Croise

YESAYA 12:6

Paggiote ei manga tumana'u Sion, pangantarite ringannu lulluassa. Ruata na'ukassu Israel mangke mawantuga, i Tou uatana'a su pattangnganni yamiu.”

YEHEZKIEL 48:21

Leta'a su samba'an waṛṛatta wuṛṛu ra'i wuassu leta'a apan niṛṛae apan nissaddia pa'olaanna Wal᷊e Mawu, manga imam, taumatan Lewi wuṛṛu soa udde, eteudde pussa'an tembonanne apan uaparenta. Su samba'an ra'in leta'a udde natambanna watukku passarannu ra'i, wuṛṛu samba'an waṛṛatta naddatingngu Tahal᷊oangngu Tangngane, wuṛṛu addone suwallattu leta'u Yehuda wuṛṛu leta'u Benyamin.

YEHEZKIEL 48:35

Ahewallu darandunga udde al᷊o'engnge si'o kilometere. Wuṛṛu manatakka orassa indi taumata nanagon soa udde: “PIA Mawu ISUDDE!”

YEHEZKIEL 48:9

Sambageanganna wuassu wageangngu leta'a udde niṛṛae wuattu Mawu, eteudde santampa leta'a su pattangnganne, al᷊o'engnge 12,5 kilometere wuṛṛu al᷊alakke 10 kilometere.

2 KORINTUS 6:16

Apa sul᷊ungnge Wal᷊e Mawu wuṛṛu wal᷊em paal᷊uanna? I ite indi Wal᷊en Mawu, eteudde Ruata apan wiakka. Ruata sassane nabbisara, “I Ya'u sarun matana'a su pattangnganni mangitou, wuṛṛu mabbiakka suadio'a ringanni mangitou. I Ya'u sarun maola'a Ruata mangitou wuṛṛu i mangitou sarun maola'a al᷊aṛṛana-U.

KOLOSE 2:9

Ana waugu ahewallu paa'apulun Duata uatana'a sulal᷊ummi Kristus, eteudde su ola'u taumatane.

SONDAPPA 21:22

I ya'u tawe naasilo Wal᷊en Ruata su soa udde, ana waugu Wal᷊en Ruatane eteudde Mawu sassane, Ruata Lembon Taṛṛino, wuṛṛu Ana'u Domba udde.

SONDAPPA 21:3

See i ya'u naaringikka wuassu adderan araratuanna udde mabbisara ma'ikkatta, “Orassa indi tampa atatanaannu Ruata suadio'a ringannu taumata! I Tou sarun mabbiakka suadio'a ringanni mangitou, wuṛṛu i mangitou sarun maola'a al᷊aṛṛanang-Nge. Ruata sassane sarun matana'a ringanni mangitou wuṛṛu maola'a Ruata mangitou.

SONDAPPA 22:3

Sulal᷊ummu soa udde tawe saran sambau sarannapa apan niaṛṛinoannu wontogu Ruata. Adderan araratuannu Ruata wuṛṛu Ana'u Domba udde sarun iaddo sulal᷊ummu soa udde. Manga allang-Nge sarun mattaṛṛamawu si Tou,