YEHEZKIEL 48:35 - WUKE SUSI WATTI'U AL᷊AL᷊USASSA

³⁵ Ahewallu darandunga udde al᷊o'engnge si'o kilometere. Wuṛṛu manatakka orassa indi taumata nanagon soa udde: “PIA Mawu ISUDDE!”

YEHEZKIEL 48:35 Iomraidhean Croise

PANDARIADDI 22:14

Tampa udde nissagon Abraham “Mawu manaddia apa hagausanna.” Wuṛṛu naddatingngu orassa indi lai taumata mabbisara, “Roso su wowo-Ne Mawu nanaddia apan hagausanna”.

1 TAWARIKH 23:25

I Daud nabbisara, “Mawu Ruatan Israel buatte nangonggolu paddarame su al᷊aṛṛanang-Nge, wuṛṛu i Tou sassane uatana'a su Yerusalem saran mal᷊annu-l᷊annu.

DARALO 132:14

Wisara-Ne, “Ete isindi atatanaang-Ku saran mal᷊annu-l᷊annu, i Ya'u maapulu mamarenta sutampa indi.

DARALO 46:5

Pia aeheṛṛannu sal᷊ukka apan maal᷊uassa soan Duata, tampa tatanaannu Ruata Apan Lembon Atanggaṛṛane.

DARALO 46:6

Ruata uatana'a poiaroddi, ne soa udde tawe mahohakka; I Tou sarun mantul᷊ungnga sutempo marua allo.

DARALO 48:14

Panutukke darandungnge, parikisete tanda'a watune, tadea'u i yamiu wotongnge mabbatti'a su papapulunnu:

DARALO 48:3

Sion, wuiddu Ruata matanggakka maṛṛansanga soan Ratu Mawantuga maal᷊uassa ahewallu runia.

DARALO 68:18

Ringannu su mapul᷊o ṛiwune kereta apan matohassa Ruata nirumanta suwallati mangitou sulal᷊ummu awawantu-Ge.

DARALO 77:13

I ya'u maapulu mannaungnga al᷊awo'a apan buatte niolang-Ngu, wuṛṛu maṛṛingiddu manga manara-Nu apan wahewalla.

DARALO 87:3

Paddaringikke, ei soan Duata, manga inolaanna apan maatiangnga niapasingkan-Ne su olangngu:

SASABANGNGA 15:26

Unnu Mawu, “Paatuṛṛutte si Ya'u ringannu atonna-tonna, wuṛṛu pa'ola'e apa apan aellehang-Ku mapia; paatuṛṛutte anambon parenta-U. Amungkangngu i yamiu ma'ola'a aroddi, yamiu tawe Ta'u iṛṛuumanna ringannu manga radda'a apan Ta'u niaparanta su taumata Mesir. Ete i Ya'u Mawu apan nangapia si yamiu.”

SASABANGNGA 17:15

Ana see i Musa napararisikku sambau mezbah wuṛṛu nisago “Eteudde Mawu Waneṛṛa'u.”

YESAYA 12:6

Paggiote ei manga tumana'u Sion, pangantarite ringannu lulluassa. Ruata na'ukassu Israel mangke mawantuga, i Tou uatana'a su pattangnganni yamiu.”

YESAYA 14:32

Sasimbakka apa apan sarun isimbakki ite su manga daroloṛṛanna apan rumanta wuassu walahannu Filistin? I ite sarun sumimbakka si mangitou manungku Mawu buatte namangunna Sion, wuṛṛu uman-Ne apan uatataṛṛangnga sarun maasomba aontolla isudde.

YESAYA 24:23

Wul᷊anna sarun mabbal᷊i marandumma wuṛṛu matannallo tate lai semakke, ana waugu Mawu Apan Lembontaṛṛino sarun mamarenta maola'a sangkatou ratu. I Tou sarun mamarenta su Yerusalem, su Wuiddu Sion, wuṛṛu mapal᷊iatta'u awawantu-Ge su manga piaṛṛa'u uman-Ne.

YEREMIA 14:9

Anio I'o ere taumata apan niul᷊awune; ere pahlawanna apan tawe ma'ontolla? Arawe, natantunna I'o su pattangnganni yami, Mawu! I yami uman-Nu, ariewe i yami itantang-Ngu!’ ”

YEREMIA 23:6

Napawe i tou mamarenta, taumatan Yehuda sarun masal᷊amatta, wuṛṛu taumatan Israel sarun mabbiakka ringannu mal᷊angnganna. Ratu udde sarun isaggo ‘Mawu Asasal᷊ammatti Ite’.

YEREMIA 3:17

Sutempo udde soan Yerusalem sarun isaggo, ‘Aianannu Mawu’, wuṛṛu anambon walahanna sarun ma'ammulla su soa udde massubba Mawu. I mangitou tate lai tumuṛṛutta apulu naungngi mangitou apan maattikka wuṛṛu lal᷊eo udde.

YEREMIA 33:16

Taumatan Yehuda wuṛṛu tumana'u Yerusalem sarun iapaasal᷊amatta wuṛṛu mabbiakka ringannu mal᷊angnganna. Soan Yerusalem sarun isaggo ‘Mawu Mananal᷊amatti Ite’.

YEREMIA 8:19

Paddaringikka! Su ahewallu wanua pia sanseongnga aintul᷊i lal᷊uain balahangku apan ma'iwal᷊o, “Mawu tate lai su Sion? Suapate ratune orassa indi?” Sasimbakku Mawu, ratu mangitou, “Anio i'o massubba manga monganna apan mangke tawe gunane? Anio i'o mannaddu'a naung-Ku? ringannu massubba manga paal᷊uanna?”

YEHEZKIEL 35:10

I yamiu mabbisara manungku mawae Yehuda ara'e Israel ringannu letangnge sambau-sambau uddewe pussa'anu, wuṛṛu manungku i yamiu sarun manahuanna salaiwe i Ya'u, Mawu, uddewe Ruata mangitou.

YEHEZKIEL 37:26

I Ya'u sarun makkiinnu sambau pa'aire ringanni mangitou apan manohassa atatammudi mangitou saran mal᷊annu-l᷊annu. I Ya'u sarun mangal᷊amatta wuṛṛu manamba reenganni mangitou. Su leta'i mangitou sarun Ta'u iapararisikka Wal᷊e-U apan sidutu poiaroddi saran mal᷊annu-l᷊annu.

YEHEZKIEL 37:28

Napawe Wal᷊e-U uddete su pattangnganni mangitou saran mal᷊annu-l᷊annu, ne manga walahanna waine masingkatte manungku i Ya'u, Mawu apan buatte namile Israel maola'a uma-U sassane.”

ZAKARIA 14:21

Anambon awali su Yerusalem wuṛṛu su ahewallu Yehuda sarun iṛṛae maola'a pussa'an Mawu Apan Lembontaṛṛino. Tumanangnge apan mangonggollu sasamba sarun mappaattu awali udde pallahanna ṛemessu sasamba. Napawe tempo udde nio'omante, tate lai mabbawal᷊u'a su Wal᷊en Mawu Apan Lembontaṛṛino.

ZAKARIA 2:10

Mawu nabbisara, “Pangantarite ringannu lullala'a ei tumana'u Yerusalem! I ya'u sarun matana'a su pattangngannu!”

ZAKARIA 8:3

I Ya'u sarun mabbelengnga su Yerusalem, soa-Ku apan susi udde. Yerusalem sarun tumelengnga sambau soa apan satia, wuṛṛu wuiddu Mawu Apan Lembontaṛṛino sarun isaggo Wuidda susi.

REENGANNA 23:21

Si Yakub tawe nasiloanna al᷊al᷊eo; si Israel tae niasiloanna asasusa, Mawu, Ruata mangitou, uarundinganna si mangitou. I mangitou lullala'a: Tumba'u i Tou Ratu!

SONDAPPA 21:3

See i ya'u naaringikka wuassu adderan araratuanna udde mabbisara ma'ikkatta, “Orassa indi tampa atatanaannu Ruata suadio'a ringannu taumata! I Tou sarun mabbiakka suadio'a ringanni mangitou, wuṛṛu i mangitou sarun maola'a al᷊aṛṛanang-Nge. Ruata sassane sarun matana'a ringanni mangitou wuṛṛu maola'a Ruata mangitou.

SONDAPPA 22:3

Sulal᷊ummu soa udde tawe saran sambau sarannapa apan niaṛṛinoannu wontogu Ruata. Adderan araratuannu Ruata wuṛṛu Ana'u Domba udde sarun iaddo sulal᷊ummu soa udde. Manga allang-Nge sarun mattaṛṛamawu si Tou,

SONDAPPA 3:12

Taumata apan naa'untunga, sarun Ta'u olaanna ere sambau diṛṛi sulal᷊ummu Wal᷊e Susi Ruata-U, wuṛṛu i tou sarun matana'a su tampa udde saran mal᷊annu-l᷊annu. Arannu Ruata-U, wuṛṛu arannu soan Ruata-U – eteudde Yerusalem wakku apan sarun umonto'a wuassu surga, wuassu Ruata-U – sarun Ta'u iwoṛṛeta su wadangu taumata udde. Wuṛṛu lai arang-Ku apan wakku sarun Ta'u iwoṛṛeta su waddange.

MAL᷊AṚṚUUNGNGA 6:24

Ana see i Gideon napararisikku sambau mezbah poiaroddi wuṛṛu nisaggo “Mawu Punnu Al᷊al᷊uassa”. Mezbah udde sara orassa indi ta'e poi su Ofra, eteudde soan taumatan Abiezer.