YEHEZKIEL 48:21 - WUKE SUSI WATTI'U AL᷊AL᷊USASSA

^21-22 Leta'a su samba'an waṛṛatta wuṛṛu ra'i wuassu leta'a apan niṛṛae apan nissaddia pa'olaanna Wal᷊e Mawu, manga imam, taumatan Lewi wuṛṛu soa udde, eteudde pussa'an tembonanne apan uaparenta. Su samba'an ra'in leta'a udde natambanna watukku passarannu ra'i, wuṛṛu samba'an waṛṛatta naddatingngu Tahal᷊oangngu Tangngane, wuṛṛu addone suwallattu leta'u Yehuda wuṛṛu leta'u Benyamin.

YEHEZKIEL 48:21 Iomraidhean Croise

YEHEZKIEL 37:24

I mangitou sarun i'aukka su al᷊ungngu sangkatou ratu ere i Ratu Daud apan sarun mamarenta saran mal᷊annu-l᷊annu. Ringannu satia i mangitou sarun tumuṛṛutta manga tita-U. Wuṛṛu saran mal᷊annu-l᷊annu i mangitou see papapulunni mangitou sarun mamanua su leta'a udde, leta'a apan Ta'u nionggolla si Yakub wuṛṛu niwanuannu iupungngu al᷊amona mangitou.

YEHEZKIEL 48:10

Su wageangngu tangngane leta'a udde sarun iapararisikka Wal᷊e Mawu. Manga imam ṛinone maasomba wageangnga wuassu leta'a apan susi udde. Wageangngi mangitou eteudde 12,5 kilometere wuassu sandiṛṛannu ra'i watukku waṛṛatta, wuṛṛu lima kilometere wuassu sandiṛṛannu sawannakka watukku timukka.

YEHEZKIEL 48:20

Nariaddi, ahewallu leta'a udde, nasutta leta'a apan niṛṛae wuṛṛu leta'a pa'olaanna soa, saṛṛene uataṛṛa wu'u appata uuṛṛanne 12,5 kilometere suapan sandiṛṛanne.

YEHEZKIEL 48:8

Wageangnge manansunna wuassu leta'a udde ṛinone iṛṛae ipaatta su hausanna waine. Al᷊o'engnge ṛinone 12,5 kilometere wuassu passarannu sawannakka maddatingngu timukka. Manga passaranna su ra'i wuṛṛu waṛṛatta ṛinone al᷊o'engnge uasul᷊ungnga ringannu manga wageangnge apan nionggolla su manga ṛuangannu Israel. Wal᷊e Mawu sarun iapararisikka su wageangnge udde.

HOSEA 1:11

Walahannu Yehuda i wuṛṛu walahannu Israel sarun iapaaukka apia. I mangitou sarun manenegu sangkatou piaṛṛa'a, wuṛṛu i mangitou sarun maṛṛite wuṛṛu su lal᷊umanna'a su wanuan mangitou. Atonna, allon Yizreel sarun maola'a allo apan wahewalla!