YEHEZKIEL 48:1 - WUKE SUSI WATTI'U AL᷊AL᷊USASSA

^1-7 Passarannu leta'a su samba'an sawannakka makkatadda watukku ra'i manattakka wuassu Tahal᷊oangngu Tangngane mabatukku soan Hetlon, lal᷊anna suttanna watukku Hamat, soa Hazar-Enan, maddatingngu passaranna suwallattu soa Damsyik wuṛṛu soan Hamat. Manga ṛuanganna manansunna indi sambau-sambau ṛinone maasomba santampa leta'a apan mal᷊al᷊angnga wuassu passarannu ra'i mabbatukku waṛṛatta maddatingngu Tahal᷊oangngu Tangngane, sulal᷊ummu atokke manansunna indi wuassu sawannakka watukku timukka: Dan Asyer Naftali Manasye Efraim Ruben Yehuda

YEHEZKIEL 48:1 Iomraidhean Croise

2 SAMUEL 24:2

Ana see i Daud nabbisarate si Yoab tembonannu tantarane, “Roote suadio'a ringannu manga piaṛṛa'u tantaranu su anambon walahannu Israel su ahewallu wanua wuṛṛu pa'ola'e pandareengnga. I ya'u mappulu maasingkatta anambon mangitou.”

YEHEZKIEL 47:13

Mawu Apan Atanggaṛṛanne nabbisara, “Eteindi manga passarannu leta'a apan sarun tahianna su mapul᷊o dua ṛuangannu Israel. Ṛuanganni Yusuf manarimattu darua wageangnga.

YEHEZKIEL 47:20

Passaranna su samba'an baṛṛatta niola'u Tahal᷊oangngu Tangngane, ana see mabbatukku sawannakka su sambau tampa su samba'a waṛṛattu lal᷊anna sumutta watukku Hamat.

YEHEZKIEL 47:23

Suapan tumana'u raho ṛinone onggol᷊annu leta'a suadio'a ringannu walahannu Israel suapa i tou uatana'a. I Ya'u, Mawu Apan Atanggaṛṛanne buatte nabbisara.”

YOSUA 19:48

Manga soa wuṛṛu manga ampungnga udde addone su lal᷊ummu leta'a apan nionggola su manga amonanna su lal᷊ummu ṛuanganni Dan apan maola'a pussa'a mangitou.