YEHEZKIEL 47:1 - WUKE SUSI WATTI'U AL᷊AL᷊USASSA

¹ Esakka udde nangapi'u apia watukku ngara suttanna su Wal᷊e Mawu. I ya'u naasilo ua'e mangngelekka wuassu al᷊ungngu ngara udde watukku ra'i, ere lai Wal᷊e Mawu uasaruanna watukku ra'i. Ua'e udde mangngelekka wuassu al᷊ungngu puan ngaran Bal᷊e Mawu samba'a timukka sinumabbi sandiṛṛannu timukka wuassu mezbah.

YEHEZKIEL 47:1 Iomraidhean Croise

DARALO 46:4

salaiwe tahal᷊oangnga mallua bal᷊u wuṛṛu mattandi'a, wuṛṛu manga wuidda umio'a ana waugu pappuul᷊anne.

DARALO 46:5

Pia aeheṛṛannu sal᷊ukka apan maal᷊uassa soan Duata, tampa tatanaannu Ruata Apan Lembon Atanggaṛṛane.

DARALO 87:7

I mangitou sarun massal᷊aingnga wuṛṛu mangngantari, “Sion uddewe tampa niariadiangku!”

YESAYA 2:3

i mangitou sarangkanambone mabbisara, “Wette i ite sumaate su Wuiddu Mawu, watukku wal᷊en Duatan Israel. I Tou sarun mangaṛṛa'a si ite manara apan ṛinone olaanni ite. I ite sarun manantuṛṛutta lal᷊an-Ne, ana waugu al᷊aṛṛa'u Mawu darantane wuassu Yerusalem, i Tou mabbisara wuassu Sion.”

YESAYA 30:25

Su allo manga tanda batu seennu nipangaloanna wuṛṛu manga taumatane nipate, suapan bowone wuṛṛu wuidda sarun mapa'elekku eṛṛesannu sal᷊ukka.

YESAYA 55:1

Mawu nabbisara, “Wette i yamiu sarangkanambone apan marou, pa'inumpe, ua'e nasaddiate. Rantate i yamiu apan tawe uatahuanna roitta, panengkampe gandumma apan tawe bawaekke, wuṛṛu ante! Anggore wuṛṛu susu nasaddiate, sengkampe ringannu tawe bawaekke.

YEREMIA 2:13

Uma-U ma'ola'a rosa hatine darua: i mangitou tinumal᷊iudda si Ya'u, al᷊imatang kua'e apan mangngonggollu wiakku taumata; i mangitou nallanginna hunan batanganne tampang kua'e lassutta apan tawe maataṛṛangnga ua'ene.”

YEHEZKIEL 40:6

Wua'udde i tou inaite watukku ngara apan uasaruanna samba'an ra'i. I tou nirumanganna su tuadde wuṛṛu napawe rosote, i tou nanguukka pua ngara udde, al᷊alakke tallu metere.

YEHEZKIEL 41:2

wuṛṛu al᷊alakke lima metere. Darandunge su sandiṛṛanne ruam ba'a aappale darua setenga metere. Ana see i tou nanguukka Tampa Apan Susi udde; al᷊o'engnge 20 metere wuṛṛu al᷊alakke 10 metere.

YEHEZKIEL 46:24

Esakka udde nabbisara si ya'u, “Eteindi manga dapuṛṛanna tampa manga mangangimbe Wal᷊e Mawu mallaha manga sasamba aonggollu tumanangnge.”

YEHEZKIEL 47:12

Su al᷊o'engngu winggin sal᷊ukka ruan ba'a sinumapputta anambon hatin aaluanna mabbua. Rongngu alu udde tawe tumolangnga, wuṛṛu manga wuane tawe masue. Manga aaluanna udde sarun mapasabbangu manga wuane wakku suapan bul᷊anna, ana waugu ua'e apan mangngelekka isudde ua'e wuassu Wal᷊e Mawu. Manga wuane nabbal᷊i anna wuṛṛu manga rongngane mahuna olaanna undamma.”

YEHEZKIEL 47:2

Wua'udde esakka udde nangapi'u sinumabbangnga niummatatu sasuttannu sawannakka wuṛṛu nangehetta si ya'u watukku sasuttannu ra'i. Sal᷊ukka addio'a udde mangngelekka wuassu sandiṛṛannu timukku sasuttanna udde.

YOEL 3:18

Sutempo udde manga wowone sarun mapenen wawail᷊annu anggore. Winatangnga papadul᷊iananna sarun umanna nannal᷊o su manga wuidda apan masuwukka. Manga sal᷊ukka su Yehuda tawe saran passa matti ua'ene. Sambau sal᷊ukka sarun mengelekka wuassu Wal᷊en Mawu, wuṛṛu lumiwanno su Wawal᷊annu Akasia ringannu ua'e apan maal᷊uassa.

ZAKARIA 13:1

Mawu Apan Lembontaṛṛino nabbisara, “Su allo udde sarun sumabbangnga sambau al᷊imatan kua'e ipangukkassa papapulunni Daud wuṛṛu tumana'u Yerusalem wuassu rosa wuṛṛu pasasubba paal᷊uanna apan buatte niola'i mangitou.

ZAKARIA 14:4

Su allo udde i tou sarun dumarisikka su Wuiddu Zaitun, su samba'an ra'in Yerusalem. Ne Wuiddu Zaitun sarun pesangannu wawal᷊anne apan mal᷊alangnga, matanattakka wuassu ra'i maddatingngu waṛṛatta. Sambageanganna wuassu wuidda udde sarun umal᷊ore watukku sawannakka, wuṛṛu sambageanganna lai watukku timukka.

ZAKARIA 14:8

Su allo udde, ua'e wakku sarun mangelekka wuassu Yerusalem; sambageanganna wuassu ua'e udde mangelekka watukku Tahal᷊oangnga Nate wuṛṛu sambageanganna lai watukku Tahal᷊oangnga Tangngane. Ua'e udde sarun mangelekka su al᷊o'engngu tonna, mawae sutempon uranna aroddi lai sutempon paddissa.

SONDAPPA 22:1

Mala'ekatta udde namantingida si ya'u sal᷊ukka apan ua'ene mangngonggolu wiakka. Sal᷊ukka udde sussal᷊endapa naal᷊ihidda kristal wuṛṛu mangngelekka wuassu adderan araratuannu Ruata wuṛṛu Ana'u Domba udde,

SONDAPPA 22:17

Ghaṛṛahon Ruata wuṛṛu Ma'a'awingnga Wawine nabbisara, “Wette!” Suapan taumata apan naaringikka indi ṛinone lai mabbisara, “Wette!” Isai apan marou, ṛinone i tou rumanta! Wuṛṛu isai apan maapulu, ṛinone i tou manganu ua'e apan mangonggolu wiakka udde ringannu tawe bawaekke.