YEHEZKIEL 44:7 - WUKE SUSI WATTI'U AL᷊AL᷊USASSA

⁷ I mangitou buatte nalluhudda Wal᷊e-U, ana waugu tantal᷊anna tawa wuṛṛu daṛṛan sasamba ia'onggolla si Ya'u, i mangitou namalan sinumutta sulal᷊umme manga taumata raho apan tawe nisunatta, wuṛṛu tawe tumuṛṛutta si Ya'u. Ringannu manga inolaanni mangitou apan maarantinna udde, i mangitou buatte nilumawangnga paaire-U si mangitou.

YEHEZKIEL 44:7 Iomraidhean Croise

PANDARIADDI 17:14

Suapan taumata esakka apan tawe nisunatta tate lai mareengnga al᷊aṛṛana-U ana waugu i tou tawe uaaggassa pa'aire udde.”

SASABANGNGA 12:43

Mawu nabbisara si Musa wuṛṛu si Harun, “Eteindi atorannu ramean Paskah. Taumata raho tawe wotongnge uminassa ṛemessu domba apan nionggola sasamba su allon Paskah.

SASABANGNGA 12:48

Taumata apan tawe nisunatta tawe wotongnge umanna su andeangnga udde. Amungkangngu sangkatou taumata raho apan uatana'e ringanni yamiu maapulu mallaghun Paskah ipangaddata si Ya'u, Mawu, anambon esakka sulal᷊ummu amonanne ṛinone sunatanna dorone. Wua'udde i mangitou naola'e taumatan Israel tutune, wuṛṛu wotongnge mallaghun ramean Paskah.

YESAYA 24:5

Runia mabbal᷊i lal᷊eo ana waugu tumanangnge lullawangnga manga parentan Duata, mammal᷊u manga atoranna wuṛṛu massinaaddu riandi apan niolangnge ringanni mangitou saran mal᷊annu-l᷊annu.

YEREMIA 11:10

I mangitou buatte na'ola'a rosa apan niola'u al᷊amona mangitou apan maddiri tumuṛṛutta si Ya'u, i mangitou massubba mawu waine wuṛṛu maddiri tumuṛṛutta parenta-U. Mawae Israel aroddi lai Yehuda lullawangnga paaire apan buatte Ta'u niola'a ringannu al᷊amonan mangitou.

YEREMIA 31:32

Arawe pa'aire udde wal᷊ine ere pa'aire apan Ta'u niola'a ringannu al᷊amona mangitou sutempo Ta'u ni'ehetta i mangitou sinumabbangnga wuassu Mesir. Salaiwe i Ya'u ere sangkatou awingngi mangitou, arawe i mangitou nassinaaddu pa'aire-U si mangitou.

YEREMIA 4:4

Agasse pa'airenu si Ya'u, Mawunu, wuṛṛu ṛaea'e watangannu tumba'u huna-U, ei tumana'u Yehuda wuṛṛu Yerusalem. Amungkangngu tawe, ne asasa'u-U sarun ṛumopa wuṛṛu manoṛṛobba ere putungnga apan tawe iapaddummu isai-sai. Sarangkanambone udde sarun maṛṛia'a su watangannu ana waugu manga inolaannu apan dal᷊eo.”

YEREMIA 9:25

Mawu nabbisara, “Sarun a'omanna tempone i Ya'u makkuumannu taumata Mesir, Yehuda, Edom, Amon, Moab wuṛṛu tumana'u wadda'u anne apan namol᷊o utangnge. I mangitou sarangkanambone sunatanna ere taumatan Israel, arawe mawae i mangitou ara'e walahannu israel maola'a ere manga taumata apan tawe nisunatta, ana waugu i mangitou tawe tumuṛṛutta su pa'aire apan niwal᷊on sunatta udde.”

YEHEZKIEL 22:26

Manga imam Israel nilumawangnga manga tita-U wuṛṛu nalluhudda manga saranapa apan niṛṛa'e si Ya'u. I mangitou waggate ma'ellega suapa apan botongnge wuṛṛu apa apan isassingadda. Wuṛṛu lai i mangitou tawe mangaṛṛa'a tumanangnge tadea'u masingkatta ma'ellega suapa apan baresi wuṛṛu suapa apan dal᷊eo tumuṛṛuttu atorannu agama. I mangitou tate mangareggan allon Sabat. Ringannu aroddi i Ya'u nilobbosannu walahannu Israel.

YEHEZKIEL 44:15

Mawu Apan Atanggaṛṛanne nabbisara, “Sutempo walahannu Israel nanantang-Ku, manga imam Lewi wuassu papapulunni Zadok sidutu satia mangngimbe si Ya'u su Wal᷊e-U. Ana waugu udde ete i mangitou apan orassa indi ṛinone mangimbe si Ya'u wuṛṛu rumanta su saruang-Ku mangapiddu tawa wuṛṛu daṛṛan sapi wuassu manga sasamba.

YEHEZKIEL 44:9

I Ya'u, Mawu Apan Atanggaṛṛanne, mamasingkatta manungku manga taumata raho apan tawe nisunatta wuṛṛu taumata apan tawe tumuṛṛutta si Ya'u, tawe iwala sumutta su Wal᷊e-U. Udde iapaamatta lai su taumata raho apan uatana'a su pattangngannu walahannu Israel.”

YEHEZKIEL 7:20

Dorone i mangitou lulluassu permata apan maṛṛamaga, arawe ana waugu i mangitou mapaatta ipa'ola'a manga paal᷊uanna apan maarantinna, Mawu na'ola'a darotongngi mangitou udde nabbal᷊i sambau apan maata'utta.

IMAMATTA 17:11

Niawan al᷊awo'u riadinanna udde sulal᷊ummu daṛṛane. Ana waugu udde Mawu namarenta tadea'u anambon daṛṛa iwokka su wowon mezbah tadea'u manga rosan ṛuanganna pappasanna. Daṛṛa udde niawa, ma'apappassa rosa.

IMAMATTA 21:17

iapapasingkattu indi si Harun, “Sangkatou papulunnu apan pia sangkulle wadangnge tawe wotongnge mangonggohe sasamba anna si Ya'u. Udde iappaamatta saran mal᷊annu-l᷊annu.

IMAMATTA 21:21

Suapan papapulunni Imam Harun apan pia sangkule wadangnge tawe wotongnge mangonggolu sasamba anna si Ya'u.

IMAMATTA 21:6

I tou pussaa-U apan niṛṛae wuṛṛu tawe wotongnge mandal᷊eo arang-Ku. I tou mangonggolu sasamba anna si Ya'u, nariaddi i tou ṛinone susi.

IMAMATTA 21:8

Walahannu Israel ṛinone manga'u imam naola'a sangkatou taumata apan niṛṛae si Ya'u ana waugu i tou mangngonggolu sasamba anna si Ya'u. Ete i Ya'u Mawu; i Ya'u indi susi wuṛṛu i Ya'u napaasusi al᷊aṛṛana-U.

IMAMATTA 22:25

Winatangnga apan niasombanganna wuassu taumata raho tawe wotongnge ionggola maola'a sasamba anna. Winatangnga udde ere pia sangkulle wuṛṛu tawe wotongnge sengkamanna.

IMAMATTA 26:15

amungkangngu i yamiu lumawangnga pa'aire apan Ta'u niola'a ringanni yamiu wuṛṛu maddiri tumuṛṛutta manga ṛarawessa wuṛṛu manga titale,

IMAMATTA 26:41

na'oman sara i Ya'u lumawanga si mangitou wuṛṛu mallimbuakka si mangitou watukku pamuanganna su wanuan manga seetti mangitou. Panginsueanne, amungkangngu papapulunnu niawadote wuṛṛu buatte napaamattu ṛuumanna ana waugu rosan wuṛṛu lal᷊awangi mangitou,

MALEAKHI 1:7

Ringannu mangonggollu anna sasamba apan tawe suṛṛinone maola'a sasamba su wowon mezba-Ku. Wua'udde i yamiu maiwal᷊o, ‘Ringannu olangnge ereapa i yami mangngaddio'a Si'o?’ Ringannu nandal᷊eo mezbah-U.

MALEAKHI 2:4

Ne i yamiu masingkatte manungku parenta indi buatte Ta'u nionggolla, tadea'u paaire-U ringannu manga imam, papapulunni Lewi, sidutu iappaatta.

MALEAKHI 2:8

Arawe orassa indi, i yamiu, manga imam, buatte nanewadda wuassu lal᷊anna apan naṛṛino. Manga al᷊aṛṛangngu buatte namol᷊engnga manambo taumata ma'ola'a pasasal᷊a. I yamiu buatte nanggohakka paaire apan Ta'u niola'a ringanni yamiu.

WATTI'U MANGA RASUL 21:28

lapiddu u'ui, “Ei, manga taumatan Israel, ontol᷊e! Ete indi taumatane apan mammal᷊intadu al᷊awo'u wanua mangngaṛṛa'a anambon taumata manga al᷊aṛṛa'a apan ipannompolla walahannu Israel, wuṛṛu mannompola Tita Musa wuṛṛu mannompolla Wal᷊e Mawu indi. Wuṛṛu orassa indi ewe'e i tou lai mangapiddu manga taumata apan wal᷊ine Yahudi su mutta sulal᷊ummu Wal᷊e Mawu wuṛṛu mandal᷊eo tampa na'ukkassa indi!” (

WATTI'U MANGA RASUL 7:51

Wal᷊ine hampa aatikku puan manga tuṛṛangnga, wuṛṛu aroddi asahadde tumuṛṛutta Ruata! Tal᷊inganu wengella ipadaringikka wisaran Ruata! I yamiu naal᷊ihida ere iupungngu al᷊amonanu; sidutu lullawangnga Ghaṛṛahon Ruata!

TAHIUL᷊E 10:16

Nariaddi manattakka orassa indi yamiu ṛinone matuṛṛutta su Mawu wuṛṛu puanu tate mangattikka lai.

TAHIUL᷊E 30:6

I yamiu wuṛṛu papapulunnu sarun onggol᷊annu naungnga matuṛṛutta, ma'oman sara i yamiu marangngu Mawu Ruatanu ringannu ahewallu naungngu wuṛṛu wotongnge sidutu matana'a su wanua udde.

TAHIUL᷊E 31:16

Wisaran Mawu si Musa, “Papatenu maranite. Su apapul᷊enu walahannu Israel maddirite tumuṛṛutta si Ya'u wuṛṛu lumawangke pa'aire apan Ta'u niola'a si mangitou. I mangitou sarun manantang-Ku wuṛṛu massubba manga Mawu apan sassubbanna su wanua apan tate mal᷊annu lai suttanni mangitou.

TAHIUL᷊E 31:20

I mangitou sarun Ta'u iapidda watukku wanua apan ala wuṛṛu masuwukka, ere buatte Ta'u pina'ire su iupungngu al᷊amonan mangitou. Isudde i mangitou sarun mabbiakka ringannu mal᷊uassa wuṛṛu maasomba al᷊awo'u anna apan pappandumanni mangitou. Arawe wua'udde i mangitou sarun tumal᷊iudda wuṛṛu massubba manga Mawu waine. I Ya'u sarun itol᷊a'i mangitou wuṛṛu lumawangnga paaire-U,

IBRANI 8:9

Wal᷊ine ere pa'aire apan niola'u Ruata su iupungngu al᷊amona mangitou su tempo i Ya'u mangngehetta si mangitou sumabangnga wuassu leta'u Mesir. I mangitou mal᷊awangnga su pa'aire apan suete Ta'u niola'a ringanni mangitou; ana waugu udde i Ya'u tate mappanduma si mangitou.