YEHEZKIEL 44:24 - WUKE SUSI WATTI'U AL᷊AL᷊USASSA

²⁴ Amungkangngu nariaddi pattatiakka su hatton pallaṛṛuungnga, i mangitou ṛinone manginsue udde ringannu manga tita-U. I mangitou ṛinone maddamea manga andeangngu agama, tumuṛṛuttu atorannu manga tita-U, see lai mangaddatta Sabatta sambau allo apan niṛṛae si Ya'u.

YEHEZKIEL 44:24 Iomraidhean Croise

1 TAWARIKH 23:4

Ana see 24.000 su atoune suwallati mangitou niapamanara mallu'adda Wal᷊en Mawu, 6.000 su atoune manarane mangngatokku pamamoṛṛetta wuṛṛu manga hatto pallaruungnga,

EZRA 2:63

Gubernuren wageangngu leta'u Yehuda naningaddi mangitou umanna anna apan niola'a sasamba su Ruata, na'oman sara pia sangkatou imam apan wotongnge maddorongnga tatantiro ringannu nappaattu Urim wuṛṛu Tumim.

DARALO 119:34

Olaawe i ya'u maasunna tita-Nu ana see i ya'u tuttuṛutta, wuṛṛu ta'u iapaamatta ringannu ahewallu naungnga.

YEHEZKIEL 20:12

I mangitou Ta'u nirolokka mamantuga allon Sabat maola'a sambau tialan paaire-Ku si mangitou, tadea'u mapanaungnga si mangitou manungku i Ya'u Mawu, buatte naṛṛae mangitou si Ya'u.

YEHEZKIEL 20:20

Pangaddate allon Sabat tadea'u maola'a tatialan paaire-U si yamiu, tadea'u mapanaungngi yamiu manungku ete i Ya'u Mawu Ruatanu.’

YEHEZKIEL 22:26

Manga imam Israel nilumawangnga manga tita-U wuṛṛu nalluhudda manga saranapa apan niṛṛa'e si Ya'u. I mangitou waggate ma'ellega suapa apan botongnge wuṛṛu apa apan isassingadda. Wuṛṛu lai i mangitou tawe mangaṛṛa'a tumanangnge tadea'u masingkatta ma'ellega suapa apan baresi wuṛṛu suapa apan dal᷊eo tumuṛṛuttu atorannu agama. I mangitou tate mangareggan allon Sabat. Ringannu aroddi i Ya'u nilobbosannu walahannu Israel.

YEHEZKIEL 46:9

Nawal᷊i'a, amungkangngu su manga allo wahewalla tumanangnge rumanta mattaṛṛamawu su Mawu, ne i mangitou apan sinumutta niumamattu sasuttanna su sawannakka, mapul᷊e ṛinone umamattu sasuttannu timukka napawe i mangitou nuddusse mattaṛṛamawu. Wuṛṛu i mangitou apan sinumutta su sasuttannu timukka, mapul᷊e ṛinone sumabbangngu sasuttanu sawannakka. Manga taumata imbaṛṛangnga mapul᷊e umamattu lal᷊anna apan niamatanna sutempo sinumutta; i mangitou ṛinone mapul᷊e umamattu sasuttanna su sambaane.

TAHIUL᷊E 19:17

itarua ṛinone inai su tampan pattataṛṛamawuanna apan tinantunnu Mawu, tadea'u parikisannu manga imam, wuṛṛu mallaṛṛuungnga apan mammanara orassa udde.

TAHIUL᷊E 21:5

Manga imam Lewi ṛinone lai inai isudde, ana waugu i mangitou ṛinone mangonggolu ṛaṛṛawessa sulal᷊ummu hatton pamamate udde. I mangitou nipilen Mawu Ruatanu tadea'u mattaṛṛamawu si Tou wuṛṛu massinaukku al᷊amatta sulal᷊ummu aran-Ne.

1 TIMOTIUS 3:15

tadea'u amungkangu i ya'u mal᷊annu, i'o masingkate ereapa i ite mabbiakka maola'a walahannu Ruata, eteudde jamaattu Ruata apan wiakka. Ete jamaatta indi apan naola'a alu tatungkale wuṛṛu rapappaku al᷊aṛṛa'a apan naṛṛino wuassu Ruata.