YEHEZKIEL 44:19 - WUKE SUSI WATTI'U AL᷊AL᷊USASSA

¹⁹ Amungkangngu i mangitou inaite su rallakku liudde, suapa umatta uaammulla, manga imam udde ṛinone malluatta laubbu manaran mangitou sulal᷊ummu manga wabbo'a na'ukkassa su Wal᷊e-U, ana see malluṛṛen laubba waine, tadea'u laubbu manara udde tawe manilaka umatta.

YEHEZKIEL 44:19 Iomraidhean Croise

SASABANGNGA 29:37

Ola'e udde miallo-miallo al᷊annune pitu allo. Ne ahewallu mezbah mabbal᷊i susi; sarangkanambone apan ma'eṛṛetta su mezbah udde ṛinone itantilla su Mawu, wuṛṛu isai-sai apan nangeṛṛetta, sarun maasomba asasilaka ana waugu atatohassu asasusine.”

SASABANGNGA 30:29

Ringannu olangnge udde ṛinone iṛṛaenu manga saranapa-U, tadea'u sarangkanambone mabbal᷊i susi. Al᷊awo'a apan na'eṛṛetta su mezbah udde ṛinone itantilla su Mawu, wuṛṛu isai-sai apan naaeṛṛetta sarun maasomba asasilaka ana waugu atatohassu asasusine.

YEHEZKIEL 46:20

wuṛṛu nabbisara, “Su tampa indi manga imam ṛinone mallaha sasamba ipamappassa rosa wuṛṛu sasamba wawaekka arugianna see mallaha sasamba gandumma, tadea'u saran addio'a wuassu sasamba apan susi udde tawe iapidda su rallakku liudde ma'oman sara maasilaka tumanangnge.”

IMAMATTA 16:23

Wua'udde i Harun sumuttate sulal᷊ummu Rasanna, malluatta laubbu imam apan niluṛṛen tou su tempo sinumutta su Wabbo'a Lembon Susi, wuṛṛu manantangngu laubba udde poiaroddi.

IMAMATTA 16:4

Wua'udde i Harun ṛinone manutukka manga atoranna indi. Tantal᷊anna taambe sinumutta su Wabbo'a Lembon Susi i tou ṛinone mandeno ana see mabbansalla laubbu imam, eteudde laubba, sal᷊ana maautta, papeṛṛetta wuṛṛu paporongnga, sarangkanambone wuassu linen.

IMAMATTA 6:27

Salaiwe isai ara'e salaiwe manga apa apan nangeṛṛetta ṛemessu winatangnga udde sarun maasomba asasilaka ana waugu atatohassu asasusine. Amungkangngu sambau laubba niaṛṛente'annu daṛṛan binatangnga udde, laubba udde ṛinone wansal᷊anna su tampa apan buatte niṛṛae.

IMAMATTA 6:4

Taumata apan nassal᷊a udde ṛinone mamaekka apia sarangkanambone apan niasombanganne ringannu tawe su ṛinone. Su tempu i tou niasangkal᷊anna nassal᷊a, i tou ṛinone mamaekka sarangakanambone su tatahuanne, tambannu lai darua pul᷊o persenna.

HAGAI 2:12

Unnu wisara pia taumata nanganu ṛemessa sanduru wuassu sasamba apan nionggolla su Mawu, ana see niapidde napul᷊e sulal᷊ummu lappin jubane, wuṛṛu wua'udde ringannu jubane i tou nangeṛṛetta roti ara'e pabbawiakka waine, ara'e anggore, ara'e lanan zaitun, ara'e al᷊awo'u anna, apa sarangkanambone udde mabbal᷊i susi lai?” Sutempo i Hagai nangapiddu aiwal᷊o udde, manga imam sinumimbakka, “Tawe.”