YEHEZKIEL 44:10 - WUKE SUSI WATTI'U AL᷊AL᷊USASSA

¹⁰ Mawu nabbisara si ya'u, “I Ya'u sarun makkuumannu manga taumatan Lewi apan suadio'a ringannu manga taumatan Israel waine, apan buatte nanantang-Ku wuṛṛu massubba paal᷊uanna.

YEHEZKIEL 44:10 Iomraidhean Croise

PANDARIADDI 4:13

Ne wisaran Kain su Mawu, “Ṛuumanna udde tumaniten mawakkatta, i Ya'u tawe maapasanna.

NEHEMIA 9:34

Al᷊amonan kami, ratu, imam wuṛṛu manga matatimmaddu wanua, nilumawangnga tita-Nu see tawe maddaringikka tita. Al᷊awo'u parenta wuṛṛu tataggu apan I'o buatte nangonggolla, tawe niapaamanne, tawe lai niraringiṛṛanna.

DARALO 38:4

I ya'u maradda'a mawakkata ana waugu asasa'u-Nu; taweddu pia lal᷊umanange su wadangku ana waugu rosa'u.

AMSAL 11:31

Amungkangngu su runia indi taumata mapia lai sarun manarimmattu wawal᷊inne, natantunte taumata lal᷊eo wuṛṛu marosa sarun maasomba ṛuumanna.

YESAYA 53:11

Ana waugu udde Mawu nabbisara, “Napawe buatte natataṛṛangnga sansara i tou sarun su lal᷊umanna'a wuṛṛu ma'al᷊uassa. Allang-Ku udde, apan ma'al᷊uassa naung-Ku, buatte namasanna ṛuumannu taumata nambo; sulal᷊ummi tou i Ya'u sarun mangampungnga si mangitou.

YEREMIA 23:11

Mawu nabbisara, “Nabi wuṛṛu imam maddiri tumuṛṛutta si Ya'u. Ewe'e lai su Wal᷊e-U i Ya'u buatte naasangkalla i mangitou ma'ola'a al᷊al᷊eo.

YEHEZKIEL 14:11

Sarangkanambone udde Ta'u olaanna tadea'u taumatan Israel tate mangindau-U wuṛṛu lai tate malluhudda watanganne ringannu rosa. Ringannu aroddi i mangitou sarun maola'a uma-U, wuṛṛu i Ya'u maola'a Ruata mangitou.” I Ya'u, Mawu Apan Atanggaṛṛanne buatte nabbisara.

YEHEZKIEL 22:26

Manga imam Israel nilumawangnga manga tita-U wuṛṛu nalluhudda manga saranapa apan niṛṛa'e si Ya'u. I mangitou waggate ma'ellega suapa apan botongnge wuṛṛu apa apan isassingadda. Wuṛṛu lai i mangitou tawe mangaṛṛa'a tumanangnge tadea'u masingkatta ma'ellega suapa apan baresi wuṛṛu suapa apan dal᷊eo tumuṛṛuttu atorannu agama. I mangitou tate mangareggan allon Sabat. Ringannu aroddi i Ya'u nilobbosannu walahannu Israel.

YEHEZKIEL 44:12

Arawe ana waugu i mangitou buatte na'ola'a lal᷊aghu pasasubba paal᷊uanna hunan walahannu Israel, wuṛṛu ringannu olangnge udde mangngapiddu walahanna udde sulal᷊ummu rosa, ne i Ya'u, Mawu Apan Atanggaṛṛanne, massalu manungku i mangitou ṛinone iṛṛuumanna.

YEHEZKIEL 44:15

Mawu Apan Atanggaṛṛanne nabbisara, “Sutempo walahannu Israel nanantang-Ku, manga imam Lewi wuassu papapulunni Zadok sidutu satia mangngimbe si Ya'u su Wal᷊e-U. Ana waugu udde ete i mangitou apan orassa indi ṛinone mangimbe si Ya'u wuṛṛu rumanta su saruang-Ku mangapiddu tawa wuṛṛu daṛṛan sapi wuassu manga sasamba.

YEHEZKIEL 48:11

Wageangngu leta'a apan niṛṛae udde sarun maola'a pussa'a manga imam papapulunni Zadok. I mangitou buatte nangimbe Mawu ringannu satia wuṛṛu tawe ere taumatan Lewi apan sanṛuanganni mangitou, apan na'ola'a rosa lai suadio'a ringannu manga taumatan Israel waine.

HOSEA 4:9

Ne i yamiu sarun matataṛṛangnga ere lai tumanangnge! I ya'u sarun makkuumanni amiuuasul᷊ungngu manga inolaannu.

IMAMATTA 19:8

Isai-sai uminassa ṛemessa udde nassal᷊a ana waugu tawe mangaregan saranapa apan niṛṛae si Ya'u. Taumata udde tate mareengnga al᷊aṛṛana'-U.

ZEFANYA 3:4

Manga nabine tawe apendamma mandiaga wuṛṛu tawe apangimananna; manga iman mandal᷊eo apa apan niṛṛae su Mawu wuṛṛu mammal᷊elongngu manga titan Duata ipaddea'a auntunganni mangitou sassane.

MALEAKHI 2:8

Arawe orassa indi, i yamiu, manga imam, buatte nanewadda wuassu lal᷊anna apan naṛṛino. Manga al᷊aṛṛangngu buatte namol᷊engnga manambo taumata ma'ola'a pasasal᷊a. I yamiu buatte nanggohakka paaire apan Ta'u niola'a ringanni yamiu.

REENGANNA 18:23

Manatakka orassa indi tumba'u taumatan Lewi apan botongnge mallu'adda Rasang-Ku wuṛṛu sidutu uariaga su manara udde. Atoranna udde ipappaatta lai su papapulunnu saran mal᷊annu-l᷊annu. Taumatan Lewi tawe pussa'a su Israel,

REENGANNA 5:31

Esakka udde nal᷊iute wuassu pasasal᷊a, arawe awingnge, amungkangngu nasemakke i tou nassal᷊a, ṛinone mamasanna pangillul᷊eanne.

1 TIMOTIUS 5:22

Arie tumaniten mal᷊ihakka mangal᷊amatta sangkatou itenega maola'a mangangimbe su Mawu. Amungkangu taumata waine marosa, arie lai al᷊iuannu rosa udde. Paariagai ririnu tadea'u sidutu waresi.