YEHEZKIEL 43:7 - WUKE SUSI WATTI'U AL᷊AL᷊USASSA

⁷ “Ei taumata apan mattate, eteindi adderan araratuang-Ku. Ete isindi i Ya'u sarun matana'a su pattangngu umattu Israel wuṛṛu mamarenta si mangitou saran mal᷊annu-l᷊annu. Mawae ete i mangitou aroddi lai manga ratu mangitou, tate lai mandal᷊eo arang-Ku apan na'ukkassa ringannu massubba paal᷊uanna ara'e ringannu mallabingu winal᷊unannu manga ratu mangitou su tampa indi.

YEHEZKIEL 43:7 Iomraidhean Croise

1 MARARATU 8:13

Orassa indi ta'u niwangunna Si'o wal᷊en apan maṛṛansangnga, maola'a tampa atatanan-Nu saran mal᷊annu-l᷊annu.”

2 MARARATU 16:4

I Ahas nangonggolu sassamba wuṛṛu nanambunnu amania su manga tampa pasasubbanna monganna su manga wowone su al᷊ungu manga aaluanna apan masindumunna rongngane.

1 TAWARIKH 28:2

I Daud dirumarisikka su saruanni mangitou wuṛṛu nabbisara, “Manga tuṛṛangku sambalahanna, paddaringikke! Mal᷊annute i ya'u pia pandumma mapararisikku sambau wal᷊en apan matohassa panahipunanna Wantallu Pa'aire, dararisirannu leddan Mawu Ruatan kite. I ya'u buatte nanaddia aolangnge ipandarisikku sambau wal᷊en apan passubbanna si Tou.

DARALO 132:14

Wisara-Ne, “Ete isindi atatanaang-Ku saran mal᷊annu-l᷊annu, i Ya'u maapulu mamarenta sutampa indi.

DARALO 46:5

Pia aeheṛṛannu sal᷊ukka apan maal᷊uassa soan Duata, tampa tatanaannu Ruata Apan Lembon Atanggaṛṛane.

DARALO 47:8

Ruata uddewe Ratu su ahewallu runia, paddalote si Tou ringanni antari apianne!

DARALO 68:17

Anio wuassu puiddu apan manambo udde i'o ma'ellega ringannu aal᷊uandaga su Wuiddu Sion apan nipilen Duata maola'a tatanaan-Ne? Mawu sarun matana'a poiaroddi saran mal᷊annu-l᷊annu.

DARALO 68:18

Ringannu su mapul᷊o ṛiwune kereta apan matohassa Ruata nirumanta suwallati mangitou sulal᷊ummu awawantu-Ge.

DARALO 99:1

Mawu uddewe Ratu; manga walahanna mangngiladda. I Tou ua'ianna su wowon mala'ekatta, runia niumio'a.

DARALO 99:5

Wantuhete Mawu Ruatan kite, passubbate su saruannu araratuan-Ne. Na'ukkasse i Tou!

SASABANGNGA 25:8

Doloṛṛa'e walahanna udde ma'ola'a rasang-Ku, tadea'u i Ya'u wotongnge matana'a suadio'a ringanni mangitou.

SASABANGNGA 29:45

I Ya'u sarun matana'a su pattangnganu balahannu Israel, wuṛṛu maola'a Ruata mangitou.

YESAYA 6:1

Sulal᷊ummu tonna i Ratu Uzia nate, i ya'u naasilo Mawu. I Tou ua'ianna su adderan araratuan-Ne apan matanggakka wuṛṛu mawantuga. Juba-Ne uataappa ahewallu Wal᷊en Mawu.

YESAYA 66:1

Mawu nabbisara, “Langitta uddewe adderan araratuang-Ku, wuṛṛu runia pangangaddoannu ledda-U. Nariaddi wal᷊en saṛṛene ereapa sarun Ta'u iapararisikka maola'a atatanaang-Ku, wuṛṛu tampa ereapa sarun pamanuang-Ku?

YEREMIA 14:21

Naungete paaire-Nu, ariewe i yami heloan-Nu; pa'aire-Nu si yami ariewe tawe maola'a. Yerusalem tampa bal᷊en araratuan-Nu apan mawantuga, ariewe heloan-Nu.

YEREMIA 16:18

Rosa wuṛṛu al᷊al᷊eo mangitou sarun Ta'u iwal᷊issa ringannu ṛuumanna paarua anambone, ana waugu i mangitou buatte nandal᷊eo wanua-U ringannu manambo paal᷊uanna. Manga paal᷊uanna udde tawe niawane ere asuangnga.”

YEREMIA 17:12

Wal᷊en Mawu kite ere wal᷊en araratuanna apan mawantuga, su wowone apan matanggakka ro'en paarorone.

YEREMIA 3:17

Sutempo udde soan Yerusalem sarun isaggo, ‘Aianannu Mawu’, wuṛṛu anambon walahanna sarun ma'ammulla su soa udde massubba Mawu. I mangitou tate lai tumuṛṛutta apulu naungngi mangitou apan maattikka wuṛṛu lal᷊eo udde.

YEHEZKIEL 1:26

Al᷊iu rosone su atuppa udde pia sambau saranapa lihidde ere adderan araratuanna wuassu watu nilam, wuṛṛu rosone ua'ianna sangkatou ere taumata.

YEHEZKIEL 10:1

Ana see i ya'u na'ellega watukku atuppa apan roso su pua manga mala'ekatta udde, wuṛṛu i ya'u naasilo sambau apan ere adderan araratuanna wuassu watu nilam.

YEHEZKIEL 20:39

Mawu Apan Atanggaṛṛanne nabbisara, “Ei manga taumatan Israel, orassa indi walate i'o. Asal᷊a'e ma'ola'a rosa ringannu massubba manga paal᷊uannu! Arawe paanaungete manungku wua'udde i yamiu ṛinone tumuṛṛutta si Ya'u wuṛṛu tate lai mallobbossa arang-Ku apan na'ukkassa ringannu mangngapiddu sasamba su manga paal᷊uannu udde.

YEHEZKIEL 39:7

Arawe supattangngannu taumatan Israel, sarun Ta'u iapasingkatta arang-Ku apan na'ukkassa, wuṛṛu arang-Ku udde tate lai lal᷊eoanna. Ne manga walahanna masingkatte manungku ete i Ya'u Mawu, Ruata apan na'ukkassa wuassu Israel.”

YEHEZKIEL 43:9

Arawe manattakka orassa insi mangitou ṛinone mangillol᷊o massubba paal᷊uanna wuṛṛu mangingkattu manga winal᷊unannu manga ratu mangitou. Wua'udde, i Ya'u sarun matana'a su pattangnganni mangitou saran mal᷊annu-l᷊annu.”

YEHEZKIEL 48:35

Ahewallu darandunga udde al᷊o'engnge si'o kilometere. Wuṛṛu manatakka orassa indi taumata nanagon soa udde: “PIA Mawu ISUDDE!”

YEHEZKIEL 6:13

Manga winal᷊unanna sarun uaseṛṛopa suwallatu manga paal᷊uanna wuṛṛu uapal᷊iwutta manga mezbah, uatal᷊eṛṛonga su manga wuidda apan matanggaka, wuṛṛu su pappusungannu manga wowone, su al᷊ungngu manga aaluanna apan masaṛṛihalo wuṛṛu su manga aaluanna apan masallakka; aunne, suapan tampa i mangitou mannambunnu sasamba su paal᷊uanni mangitou. Ne suapan taumata sarun maasingkatta manungku ete i Ya'u Mawu.

YEHEZKIEL 6:5

I Ya'u sarun ma'ola'a manga winal᷊unannu taumatan Israel uasal᷊iawukka; wuṛṛu manga duṛṛi mangitou sarun Ta'u isal᷊iawukka ipamal᷊iwutta mezbah udde.

HOSEA 14:8

I mangitou sarum mabbelengnga ringang-Ku wuṛṛu matana'a sulal᷊ummu lal᷊u'arang-Ku. Ringannu mal᷊ihakka i mangitou sarun aatambanna lal᷊umanangnge, naal᷊ihidda gandumma apan tinumuwo su wawail᷊anna apan masuwukka wuṛṛu naal᷊ihidda wawail᷊annu anggore. Naal᷊ihidda ua'en anggore Libanon aranni mangitou tinumelengnga.

YOEL 3:17

“Ei Israel, orassa indi i yamiu massingatte, manungku ete i Ya'u Mawu Ruatanu. I Ya'u uatana'a su Sion, wowone-U apan susi. Ne Yerusalem lai sarun maola'a soa apan susi, taumata raho tate maasutta isudde apia.

IMAMATTA 26:30

I Ya'u sarun makkimunsa'a manga tampa patataṛamawuanu su wowon manga wuidda, manggohakku manga mezbahnu tampa panutunganna amania, wuṛṛu mallombo manga winal᷊unannu su manga mongannu apan naṛaate udde. Ringannu maddantinna

MIKHA 4:7

I mangitou buatte niapal᷊ome wuṛṛu marau wuassu ampungnga inasungkanganne. Arawe, wuassu manga taumata apan nalambe udde i Ya'u sarun manattakku sambau pallaṛṛite apan wakku. I mangitou sarun maola'a walahanna apan wahewalla wuṛṛu matohassa. I Ya'u sarun mamarenta si mangitou su Wuiddu Sion saran mal᷊annu-l᷊annu.”

ZAKARIA 13:2

Su allo udde sarun Ta'u pappasanna arannu manga paal᷊uanna wuassu leta'a indi, na'oman sara tate saran sangkatou apan mannaungnga. Anambon taumata apan mangnga'u watanganne nabi sarun Ta'u limbuaṛṛanna suadio'a ringanni mangitou apan niasuttanu ghṛṛaho mallinga.

ZAKARIA 13:3

Wuṛṛu amungkangngu ta'e pia taumata apan mabbisara manungku i tou mammasingkattu tanata, iamangnge inangnge sassane sarun mabbal᷊o si tou manungku i tou ṛinone iṛṛuumanna pateanna, ana waugu apan niwisarane uddewe awusu. Amungkangngu i tou sidutu mangnga'u watanganne sangkatou nabi lai, i tou sarun usu'annu iamangnge inangngene sassane ma'oman sara nate.

MATIUS 28:20

Aṛṛa'ete i mangitou tuttuṛṛutta anambon parenta apan suete niparenta-U si yamiu. Wuṛṛu paanaunge, i Ya'u sarun maṛṛundinganna si yamiu saran panginsueannu runia indi.”

YOHANES 1:14

Ṛengetanna naola'e taumata, I Tou uatana'a su wallatti ite, wuṛṛu i ite suete naasilo awawantu-Ge. Awawantuga udde suete sinengkammi Tou Ana'u Iamangnga tinggassa. Sulal᷊ummi Tou i ite naasilo Ruata wuṛṛu darangngu-Ne si ite.

YOHANES 14:23

Mawu Yesus sinumimbakka, “Taumata apan mandangngu si Ya'u, sarun tumuṛṛutta al᷊aṛṛa-U. Iamang-Ku sarun mandangngu si tou. Iamang-Ku wuṛṛu i Ya'u sarun rumanta ringanni tou wuṛṛu matana'a su sampunna ringanni tou.

2 KORINTUS 6:16

Apa sul᷊ungnge Wal᷊e Mawu wuṛṛu wal᷊em paal᷊uanna? I ite indi Wal᷊en Mawu, eteudde Ruata apan wiakka. Ruata sassane nabbisara, “I Ya'u sarun matana'a su pattangnganni mangitou, wuṛṛu mabbiakka suadio'a ringanni mangitou. I Ya'u sarun maola'a Ruata mangitou wuṛṛu i mangitou sarun maola'a al᷊aṛṛana-U.

SONDAPPA 22:3

Sulal᷊ummu soa udde tawe saran sambau sarannapa apan niaṛṛinoannu wontogu Ruata. Adderan araratuannu Ruata wuṛṛu Ana'u Domba udde sarun iaddo sulal᷊ummu soa udde. Manga allang-Nge sarun mattaṛṛamawu si Tou,