YEHEZKIEL 43:19 - WUKE SUSI WATTI'U AL᷊AL᷊USASSA

¹⁹ Tumba'u imam papapulunni Zadok wuassu ṛuangannu Lewi apan botongnge rumanta su saruannu adderan araratuang-Ku mapaamattu patataṛṛamawu. I Ya'u, Mawu Apan Atanggaṛṛanne apan namarentan olangnge udde. Onggol᷊a'e si mangitou sambau sapi esakka saṛṛen tumuwo su sasamba ipangampungnga rosa.

YEHEZKIEL 43:19 Iomraidhean Croise

1 MARARATU 2:27

Ana see i Salomo napaaddo Abyatar wuassu imam. Ringannu inolaanni Salomo udde apa apan buatte niwal᷊o Mawu su Silo su ola'u papalunni Imam Eli naola'e niasingkatanna.

1 MARARATU 2:35

Wua'udde ratu namile si Benaya naola'a tembonannu tantara pinallol᷊ossa si Yoab, wuṛṛu i Zadok nitenega na'ola'a imam pinallol᷊ossa si Abyatar.

YESAYA 61:6

I yamiu sarun isaggo allangngu Ruata wuṛṛu isaggo imam wuassu Mawu kite. I yamiu sarun maatemma pa'aala manga walahanna wuṛṛu maapendamma lulluassa ana waugu darotongngi mangitou.

YESAYA 66:22

Naal᷊ihidda langitta wakku wuṛṛu runia wakku sarun matatana'a ana waugu taṛṛino-U, aroddi lai pallaṛṛitenu wuṛṛu arannu sarun sidutu matatana'a.

YEHEZKIEL 40:46

wuṛṛu lai sabbua apan uasaruanna watukku sawannakka nisaddia su manga imam apan mammanara su mezbah. Anambon imam udde ṛinone wuassu papapulunni Zadok. Ana waugu wuassu ṛuanganni Lewi tumba'u papapulunni Zadok apan botongne sumaruanna Mawu wuṛṛu mangimbe si Tou sulal᷊ummu patataṛṛamawu.

YEHEZKIEL 43:23

Napawe i'o buatte na'ola'a sarangkanambone udde, panganute sambau sapi esakka saṛṛen tumuwo wuṛṛu sambau ambinga mendangenna, darua udde tawe sangkulle,

YEHEZKIEL 44:15

Mawu Apan Atanggaṛṛanne nabbisara, “Sutempo walahannu Israel nanantang-Ku, manga imam Lewi wuassu papapulunni Zadok sidutu satia mangngimbe si Ya'u su Wal᷊e-U. Ana waugu udde ete i mangitou apan orassa indi ṛinone mangimbe si Ya'u wuṛṛu rumanta su saruang-Ku mangapiddu tawa wuṛṛu daṛṛan sapi wuassu manga sasamba.

YEHEZKIEL 45:4

Leta'a udde na'ukkassa, wuṛṛu nisaddia huna manga imam apan mammanara mammiaṛṛa'u patataṛṛamawu su Wal᷊e Mawu. Sambageanganna wuassu leta'a udde sarun maola'a tampa pa'olaanna wal᷊en mangitou, wuṛṛu sambageanganna lai hunan Bal᷊e Mawu.

YEHEZKIEL 48:11

Wageangngu leta'a apan niṛṛae udde sarun maola'a pussa'a manga imam papapulunni Zadok. I mangitou buatte nangimbe Mawu ringannu satia wuṛṛu tawe ere taumatan Lewi apan sanṛuanganni mangitou, apan na'ola'a rosa lai suadio'a ringannu manga taumatan Israel waine.

REENGANNA 16:40

Udde maola'a sambau pananaunganna su walahannu Israel manungku wal᷊ine wuassi Harun, tawe saran sangkatou apan botongnge rumanta watukku mezbah manutungnga amania hunan Mawu. Taumata apan nilumawangnga atoranna udde sarun pateanna ere i Korah wuṛṛu manga mallal᷊aṛṛenggene. Sarangkanambone udde olaanna ere nirolokku Mawu si Eleazar apan nitanata si Musa.

REENGANNA 16:5

Ana see i tou nabbisara si Korah wuṛṛu mallal᷊aṛṛenggene, “Tiṛṛabbi marua allo Mawu sarun mapal᷊iatta'a si ite isai pussa'a-Ne, wuṛṛu isai apan niṛṛaen Tou. Taumata apan nipile-Ne sarun iwala mangundanin Tou.

REENGANNA 18:5

Tumba'u i'o, Harun, wuṛṛu al᷊aṛṛanangngu apan ṛinone mammanara su Wabbo'a Na'ukkassa wuṛṛu su mezbah, tadea'u i Ya'u tate lai masa'u su walahannu Israel.

2 KORINTUS 5:21

Kristus tawe pasasal᷊ane, arawe Ruata na'ola'a si Tou uapasanna rosan kite, tadea'u i ite maaukka apia ringannu Ruata ana waugu susambau ringanni Kristus.

IBRANI 7:27

I Tou tawe ere manga imam wahewa waine, apan miallo-miallo ṛinone mangapiddu sasamba ana waugu manga rosane sassane rorone, wua'udde ana waugu rosan walahanna. Mawu Yesus nangapiddu sasamba tumba'u paassa ma'oman sara mal᷊annu-l᷊annu, su tempo i Tou nattingkaola'u wadang-Nge sassane naola'a sambau sasamba.

1 PETRUS 2:5

I yamiu naal᷊ihida manga watu apan wiakka. Ana waugu udde ṛinone i yamiu pia apulu ipaatta ipa'ola'a Wal᷊en Duata apan pia ghaṛṛaho. Ringannu aroddi yamiu naola'a manga imam, apan mabbiakka tumba'u hunane su Ruata, wuṛṛu sulal᷊ummi Yesus Kristus mangonggola su Ruata, sasamban pangangimanna apan ipaapulun Duata.

1 PETRUS 2:9

Arawe i yamiu udde walahanna apan niapile, manga imam apan mangngimbe ratu, walahanna naukkassa, tumba'u hunan Duata, walahannu Duata sassane. Ruata namile si yamiu wuṛṛu namaggo si yamiu sinumabangnga wuassu araranduma sumutta su asasemakke apan mal᷊endappa ringannu pandumma tadea'u i yamiu mamasingkatu watti'a su ola'u manga inolaan-Ne apan wahewalla.