YEHEZKIEL 43:15 - WUKE SUSI WATTI'U AL᷊AL᷊USASSA

¹⁵ Wageangnge atallune indi eteudde tampa pannambunannu sasamba; atanggakke dua metere. Su appatta pabbuuanne piaddu wageangnge apan ual᷊ondo'a ere tatandu'a.

YEHEZKIEL 43:15 Iomraidhean Croise

1 MARARATU 1:50

Ne i Adonia lembon matta'utte si Salomo, na'oman sara i tou tinumal᷊angnga watukku Rasannu Mawu wuṛṛu nangaggassa manga pentakku mezbah isudde.

1 MARARATU 2:28

I Yoab naaringikka sarangkanambone apan buatte nariaddi udde. I tou mangke nata'utta ana waugu i tou uasamba'a si Adonia. Arawe, dorone i tou tawe uasamba'a si Absalom. Ne i tou tinumal᷊angnga su Rasannu Mawu wuṛṛu nangaggassa manga pentakku mezbah.

DARALO 118:27

Mawu uddewe Ruata, i Tou naungnge masaṛṛionto'a si ite. Inaite amatte suadio'a ringannu rannan kalu aagasanna, wuṛṛu pamal᷊iwutte mezbah Mawu.

SASABANGNGA 27:1

“Pa'ola'e sambau mezbah wuassu alu akasia. Saṛṛene uataṛṛawu'u, al᷊o'engnge wuṛṛu al᷊alakke sambau-sambau 2,2 metere wuṛṛu atanggakke 1,3 metere.

SASABANGNGA 27:2

Suapan buune al᷊iurosone ṛinone olanna manga tatandu'a apan uaṛṛaidda sambau ringannu mezbah. Sarangkanambone ṛinone oosannu witu'a.

YESAYA 29:7

Wua'udde anambon tantara waine apan mamangalo Yerusalem, soa mezbah Duata, sarangkanambone apan ual᷊iwunna wuṛṛu mammangalo soa udde, sarun mawul᷊i ere wal᷊iawa sutempo ṛabbi.

YEHEZKIEL 43:20

Panganute addio'a daṛṛa wuṛṛu apua'e su manga tatandu'a su wuune appatta su puiddu mezbah udde, aroddi lai su manga wuune wageangngu tangngane see su uapal᷊iwutta winggi mezbah udde. Ringannu olangnge udde i'o napa'ukkassu mezbah udde wuṛṛu naṛṛae mezbah udde tumba'u si Ya'u.

IMAMATTA 9:9

Manga ana'i Harun nanogokku daṛṛan binatangnga udde si Harun, wuṛṛu i tou nangammon tal᷊imaddone sulal᷊ummu daṛṛa udde, apiddu namuṛṛa su manga tatandu'a su mezbah pabbuuanne appata. Wua'udde daṛṛa lambene niwokka su apampakku mezbah.