YEHEZKIEL 40:6 - WUKE SUSI WATTI'U AL᷊AL᷊USASSA

⁶ Wua'udde i tou inaite watukku ngara apan uasaruanna samba'an ra'i. I tou nirumanganna su tuadde wuṛṛu napawe rosote, i tou nanguukka pua ngara udde, al᷊alakke tallu metere.

YEHEZKIEL 40:6 Iomraidhean Croise

1 TAWARIKH 9:18

Naddatingngu sara allo indi manga taumata wuassu amonanni mangitou, manarane mandiaga Ngara Pasallanganne Ratu su samba'an ra'i. Dorone manga taumata wuassu amonanni mangitou niapamanara mandiaga manga ngara pasallanganna mattudda paddasanannu taumatan Lewi.

1 TAWARIKH 9:24

Ngarane 4: sambau su samba'an sawannakka, sambau su samba'an timukka, sambau su samba'an ra'i, sambau su samba'an waṛṛatta. Suapan ngarane udde pia sangkatou taumatan Lewi apan naola'a tembonannu mandariaga.

DARALO 84:10

Al᷊amatewe ratun kami, oh Ruata, lu'arewe taumata apan buatte nipile-Nu.

YEREMIA 19:2

tadea'u inai suadio'a ringanni mangitou watukku Wawal᷊annu Hinom umamattu Ngara Pasallangannu Beling. Poiaroddi i ya'u ṛinone mangal᷊iata tanata Mawu si ya'u.

YEHEZKIEL 10:18

Wua'udde semakka lullansiangnga apan mammasingkattu darantam Mawu nanantangngu ngara sasuttanna su Wal᷊en Mawu wuṛṛu nangingkkatta ringannu manga mala'ekatta udde.

YEHEZKIEL 11:1

Ana see i ya'u niwengkettu Ghaṛṛahon Duata wuṛṛu niapidda su ngara samba'an Ra'i su Wal᷊en Mawu. Isudde i ya'u naasilo 25 su atoune, suwallatti mangitou pia ruan katou piaṛṛa'u walahanna, eteudde Yaazanya ana'i Azur wuṛṛu Pelaca ana'i Benaya.

YEHEZKIEL 40:20

Wua'udde esakka udde nanguukka ngara pasallangannu sawannakka apan mattudda watukku rallakku lal᷊umme.

YEHEZKIEL 40:22

See lai wabbo'ane wahewalla, manga jandelane, wuṛṛu manga ukirannu allun palem uasul᷊ungngu apan pia su ngara pasallanganna samba'an ra'i. Pitu tal᷊attadu tuaddu mattudda watukku ngara pasallanganna udde, wuṛṛu pentakke poi su wabbo'a wahewalla apan uasaruanna rallakku liuddu Wal᷊e Mawu.

YEHEZKIEL 40:24

Wua'udde, esakka udde nangapi'u watukku ngara pasallanganna samba'an timukka wuṛṛu niuuṛṛanne. Inauranna ngara pasallanganna udde uasul᷊ungngu manga ngara wahewalla apan baine.

YEHEZKIEL 40:26

Pitu tal᷊ataddu tuadda mattudda ngara wahewalla udde wuṛṛu wabbo'ane wahewalla udde lai su pentakke, uasaruanna rallakku liudde su Wal᷊e Mawu. Manga darandunge wageangngu lal᷊umme apan uasaruanna lal᷊anna, nilogaṛṛannu ukiranna punnu palem.

YEHEZKIEL 40:5

Ana see i ya'u naasilo Wal᷊e Mawu apan papal᷊iwutannu darandungnga. Esakka udde mannatakke mangnguukka darandunga udde ringannu alu auukka apan al᷊o'engnge tallu metere. Inauranna darandunga udde atanggakke tallu metere wuṛṛu a'appale lai tallu metere.

YEHEZKIEL 40:7

Su liuddu ngara udde pia sambau lal᷊anna wuṛṛu suapan sandiṛṛanne pia tatallu wabbo'a pandariaganna. Suapan wabbo'a udde uasul᷊ungnga ahewalle; saṛṛene uataṛṛa wu'u appatta, wuṛṛu al᷊o'engngu manga sandiṛṛanne udde tallu metere. Darandunga sasarannu manga wabbo'a uasul᷊ungnga aappale, darua setenga metere. Lal᷊anna udde nal᷊o'engnga tallu metere lai wuṛṛu mattudda watukku wabbo'a wahewalla udde wuṛṛu inauranna al᷊oangnge appattu metere; tampane su pentakku ngara pasallanganna, samba'an dal᷊umme, eteudde apan aranianne ringannu Wal᷊e Mawu. Manga darandunga su wageangnge apan uasaruanna Wal᷊e Mawu, aappale satu metere.

YEHEZKIEL 41:16

nilogaṛṛannu wingke alu, wuassu apampakke naddatingngu manga jandelane. Manga jandela udde wotong ṛappingannu pampelene.

YEHEZKIEL 42:15

Wua'udde eassaka udde nuddusse mangnguukka Wal᷊e Mawu samba'a lal᷊umme, i tou nangapi'u sinumabbangnga niumamattu sasuttanna samba'a ra'i, ana see nanguukka wageangnge apan uapal᷊iwutta Wal᷊e Mawu.

YEHEZKIEL 43:1

Wua'udde esakka udde nangapi'u watukku sasuttanna apan uasaruanna watukku ra'i,

YEHEZKIEL 43:17

Wageangngu tangngane lai uataṛṛa wu'u appatta, suapan sandiṛṛanne uuṛṛanne pitu metere, ringannu sambau wiwikke su winggine su liudde apan atanggakke sepere appatta metere. (Al᷊alakku hotene setenga metere.) Su sandiṛṛanne samba'a ra'i pia tuadda apan mattudda watukku puiddu mezbah.

YEHEZKIEL 43:8

Dorone manga ratu mangitou ma'ola'a manga pua ngara wuṛṛu manga diṛṛi ngaran bal᷊en araratuanni mangitou su liuddu manga pua ngara wuṛṛu manga diṛṛin Bal᷊e-U, na'oman sara tumba'u pia samba'u darandunga su wallanne. I mangitou buatte nandal᷊eo arang-Ku apan na'ukkassa ringannu manga inolaanni mangitou apan maarantinna. Ana waugu udde i mangitou Ta'u nipate sulal᷊ummu asasa'u-U.

YEHEZKIEL 44:1

Wua'udde esakka udde nangapi'u apia watukku sasuttannu liudde samba'an ra'i wageangngu Wal᷊e Mawu. Sasuttanna udde uaṛṛu'udda.

YEHEZKIEL 46:12

Amungkangngu tembonanne mappulu mangonggollu aonggolla apulun naungnga su Mawu, mawae ete sasamba itattambunna aroddi lai sasamban paddarame, ne sasuttanna ra'i apan mabbatukku rallakku lal᷊umme ṛinone wu'anna si tou. I tou ṛinone mangonggollu sasamba udde ringannu olangnge apan uasul᷊ungnga ere apan niolangnge su allon Sabat, arawe napawe i tou mapul᷊ete, sasuttanna udde iṛṛuuda apia.”

YEHEZKIEL 47:1

Esakka udde nangapi'u apia watukku ngara suttanna su Wal᷊e Mawu. I ya'u naasilo ua'e mangngelekka wuassu al᷊ungngu ngara udde watukku ra'i, ere lai Wal᷊e Mawu uasaruanna watukku ra'i. Ua'e udde mangngelekka wuassu al᷊ungngu puan ngaran Bal᷊e Mawu samba'a timukka sinumabbi sandiṛṛannu timukka wuassu mezbah.

YEHEZKIEL 8:16

I ya'u niapid-De watukku rallakka sulal᷊ummu Wal᷊en Mawu. Marani ngara sasuttanna watukku wabbo'a susi, suwallattu mezbah wuṛṛu lal᷊anna, pia duan pul᷊o l᷊ima su atoune taumata. I mangitou uatal᷊iudda wabbo'a na'ukkassa, wuṛṛu ual᷊intudda watukku ra'i massubba matannallo sumabbangnga.