YEHEZKIEL 40:5 - WUKE SUSI WATTI'U AL᷊AL᷊USASSA

⁵ Ana see i ya'u naasilo Wal᷊e Mawu apan papal᷊iwutannu darandungnga. Esakka udde mannatakke mangnguukka darandunga udde ringannu alu auukka apan al᷊o'engnge tallu metere. Inauranna darandunga udde atanggakke tallu metere wuṛṛu a'appale lai tallu metere.

YEHEZKIEL 40:5 Iomraidhean Croise

DARALO 125:2

Naal᷊ihidda manga wowone ual᷊indumma Yerusalem, etearoddi Mawu ual᷊u'adda al᷊aṛṛanang-Nge orassa indi maddatingu saran mal᷊annu-l᷊annu.

YESAYA 26:1

Sutempo udde taumata sarun mangngantari antari indi su leta'u Yehuda: “Atohassawe etapa soan kite; Ruata sassane namangunna tanda batu-Ne, isindi i ite masal᷊amatta.

YESAYA 60:18

Tate lai batti'a su ola'u araṛṛagissa su wanuanu, su ola'u araṛṛimunsa'a ahahohakka su wageangngu letangngu. Naal᷊ihidda darandungnga i Ya'u ual᷊u'adda si'o, wuṛṛu i'o sarun maddalo si Ya'u mananal᷊amannu.

YEHEZKIEL 41:8

Darandungngu liuddu manga wabbo'a udde aappale darua setenga metere. Wal᷊en udde pia ngarane apan mattudda watukku manga wabbo'a su samba'a sawannakku Wal᷊e Mawu, wuṛṛu ngara waine apan mattuda manga wabbo'a su samba'an sawannakka. Uapal᷊iwutta Wal᷊e Mawu pia ṛondappa apan al᷊alakke darua setenga metere, addone tallu metere wuassu leta'a, wuṛṛu niola'a uasul᷊ungnga atanggakke ringannu rapappakku manga wabbo'a su darandungu Wal᷊e Mawu. Suwallattu ṛondappa wuṛṛu manga wal᷊en apan nipaattu manga imam, pia ṛondappa al᷊alakke mapul᷊o metere su aiṛṛi aikkatannu Wal᷊e Mawu.

YEHEZKIEL 42:15

Wua'udde eassaka udde nuddusse mangnguukka Wal᷊e Mawu samba'a lal᷊umme, i tou nangapi'u sinumabbangnga niumamattu sasuttanna samba'a ra'i, ana see nanguukka wageangnge apan uapal᷊iwutta Wal᷊e Mawu.

YEHEZKIEL 42:20

Nariaddi, wageangngu leta'u Wal᷊e Mawu saṛṛene uataṛṛa wu'u appata, uuṛṛanne 250 metere suapan sandiṛṛanne. Wageangngu leta'a udde papal᷊iwutannu sambau darandunga nipamallatta wageangngu leta'a apan niṛṛa'e huna Mawu wuassu wageangngu leta'a apan ipattu awadaalla.

YEHEZKIEL 43:13

Eteindi uuṛṛannu mezbah tumuṛṛuttu uuṛṛanna apan ipappaatta nipanguukka Wal᷊e Mawu. Uapal᷊iwutta su leddan mezbah pia sambau hote apan al᷊al᷊umme setenga metere wuṛṛu al᷊alakke setenga metere lai, ringannu winggine su wiwikku liudde atanggakke sepere appatta metere.

ZAKARIA 2:5

Mawu buatte naddiandi manungku i Tou sassane sarun maola'a darandungnga putungnga apan uapal᷊iwutta soa udde tadea'u mallu'adda wuṛṛu i Tou sarun matana'a poiaroddi sulal᷊ummu al᷊awo'u taṛṛino wuṛṛu awawantu-Ne.”

TAHIUL᷊E 3:11

(I Ratu Og uddewe taumatan Refaim panginsueanne. Wasungnge biola'a wuassu watu, al᷊o'engnge appata su meterene wuṛṛu al᷊alakke maranin darua su meterene tumuṛṛuttu uuṛṛanna apan nitantunna. Saran orassa indi ta'e wotongnge ellehanna su Raba, soan taumatan Amon.)

SONDAPPA 21:12

Darandunge uapal᷊iwutta matanggaka wahewalla, ringannu ngarane mapul᷊o dua, wuṛṛu rariagannu sire mapul᷊o dua mala'ekatta. Suapan ngarane uawoṛṛetta manga arannu mapul᷊o dua walahannu Israel.