YEHEZKIEL 40:21 - WUKE SUSI WATTI'U AL᷊AL᷊USASSA

²¹ Su ngara pasallanganna udde, tatallu wabbo'a pandiaganna su tiappu sandiṛṛannu lal᷊anne, manga darandungnga sasarane see wabbo'a ahewal᷊anne, sarangkanambone nassul᷊ungnga uuṛṛanne ringannu apan pia su ngara pasallanganna samba'a ra'i. Anambon dal᷊anna mal᷊oangnga udde al᷊o'engne 25 metere wuṛṛu al᷊alakke 12,5 metere.

YEHEZKIEL 40:21 Iomraidhean Croise

YEHEZKIEL 40:24

Wua'udde, esakka udde nangapi'u watukku ngara pasallanganna samba'an timukka wuṛṛu niuuṛṛanne. Inauranna ngara pasallanganna udde uasul᷊ungngu manga ngara wahewalla apan baine.

YEHEZKIEL 40:33

Manga wabbo'a pandiaganne, manga darandunge sulal᷊umme wuṛṛu wabbo'ane wahewalla uuṛṛanne uasul᷊ungnga ere lai su manga sasuttanna waine. Su manga wabbo'a udde wuṛṛu su wabbo'ane wahewalla pia manga jandela. Al᷊o'engngu lal᷊anna udde 25 metere wuṛṛu al᷊alakke 12,5 metere.

YEHEZKIEL 40:34

Wabbo'ane wahewalla uasaruanna watukku rallakku liudde. Manga darandunge su wageangngu lal᷊umme apan uasaruanna lal᷊anna, nilogaṛṛannu manga ukiranna punnu palem. Ual᷊u tal᷊attadu tuada apan mattudda watukku sasuttanna udde.