YEHEZKIEL 40:16 - WUKE SUSI WATTI'U AL᷊AL᷊USASSA

¹⁶ Su darandunga samba'a udde wuṛṛu darandunga uasara manga wabbo'a udde pia manga jandela maradio'a. Manga darandunga su wageangu lal᷊umme apan uasaruanna lal᷊anna, nilogaṛṛannu manga ukirannu alun palem.

YEHEZKIEL 40:16 Iomraidhean Croise

1 MARARATU 6:29

Ahewallu darandungnga wageangngu lal᷊ummu Wal᷊en Mawu nilogaṛṛannu manga mala'ekatta ni'uitta, wuṛṛu manga punnu alu palem, wuṛṛu manga bunga apan matti'akka.

1 MARARATU 6:32

Ruan kul᷊appa ngara udde nilogaṛṛannu ukirannu mala'ekatta, punnu alu palem wuṛṛu manga bunga matti'akka. Rongngu ngara, paal᷊uanna mala'ekatta wuṛṛu ukirannu manga alu palem, sarangkanambone nilapisannu wul᷊awanna.

1 MARARATU 6:35

Manga rongngu ngara udde nilogaṛṛannu ukirannu mala'ekatta, punnu alu palem wuṛṛu bunga apan matti'akka. Anambon ukiranna udde nilapisannu wul᷊awanna.

1 MARARATU 6:4

Su darandungngu wal᷊en udde pia manga loṛṛangngu sungketa apan mal᷊alakka watukku lal᷊umme.

1 MARARATU 7:4

Su darandungnge samba'a aiṛṛi wuṛṛu aikkatannu balai udde pia manga sungketa: tallun daddaga su darandungnge apan sambau uasaruannu tallun dandaga su darandungnge waine. Wingken manga ngara wuṛṛu manga sungketta saṛṛene uataṛṛawu'u appatta mal᷊o'engnga.

2 TAWARIKH 3:5

Wabbo'a paarorone nirandungannu alu cemara apan apianne wuṛṛu nioossu wul᷊awanna maarega. Su aoossu wul᷊awanna udde niuitannu hambarannu alu palem wuṛṛu hambarannu ṛate.

DARALO 92:12

I ya'u naasilo ararugin manga see'u, manga taumata apan buatte nilumawanga si ya'u, hol᷊agi mangitou apan lal᷊eo niaringiṛṛangkute.

YEHEZKIEL 40:12

Su saruannu manga wabbo'a pandiaganna apan uuṛṛane tallu ikalin tatallu metere udde, pia darandunga mawawo apan atanggakke setenga metere, wuṛṛu aappale setenga metere lai.

YEHEZKIEL 40:15

Araune wuassu ngara pasallanganna samba'a liudde maddatingngu darandungu wabbo'a wahewalla su wageange apan uasaruanna Wal᷊e Mawu udde 25 metere.

YEHEZKIEL 40:25

Manga jandela su manga wabbo'ane uasul᷊ungngu lai apan su manga ngara wahewalla waine. Al᷊o'engngu lal᷊annu ngara wahewalla udde 25 metere, wuṛṛu al᷊alakke 12,5 metere.

YEHEZKIEL 40:26

Pitu tal᷊ataddu tuadda mattudda ngara wahewalla udde wuṛṛu wabbo'ane wahewalla udde lai su pentakke, uasaruanna rallakku liudde su Wal᷊e Mawu. Manga darandunge wageangngu lal᷊umme apan uasaruanna lal᷊anna, nilogaṛṛannu ukiranna punnu palem.

YEHEZKIEL 40:29

Manga wabbo'a pandiaganne, wabbo'ane wahewalla, wuṛṛu manga darandungu lal᷊umme uasul᷊ungngu manga sasuttanna waine. Manga wabbo'a su sasuttanna indi lai pia manga jandelane. Lal᷊anna suttanna udde al᷊o'engnge 25 metere wuṛṛu al᷊alakke 12,5 metere.

YEHEZKIEL 40:31

Arawe wabbo'ane wahewalla uasaruanna rallakku liudde. Manga darandunge su wageangngu lal᷊umme apan uasaruanna lal᷊anna, udde nilogaṛṛannu lai ukirannu punnu palem. Ual᷊u tal᷊ataddu tuadda udde mattudda watukku sasuttanna udde.

YEHEZKIEL 40:33

Manga wabbo'a pandiaganne, manga darandunge sulal᷊umme wuṛṛu wabbo'ane wahewalla uuṛṛanne uasul᷊ungnga ere lai su manga sasuttanna waine. Su manga wabbo'a udde wuṛṛu su wabbo'ane wahewalla pia manga jandela. Al᷊o'engngu lal᷊anna udde 25 metere wuṛṛu al᷊alakke 12,5 metere.

YEHEZKIEL 40:34

Wabbo'ane wahewalla uasaruanna watukku rallakku liudde. Manga darandunge su wageangngu lal᷊umme apan uasaruanna lal᷊anna, nilogaṛṛannu manga ukiranna punnu palem. Ual᷊u tal᷊attadu tuada apan mattudda watukku sasuttanna udde.

YEHEZKIEL 40:36

See lai manga wabbo'a pandiaganne, manga darandungngu lal᷊umme wuṛṛu wabbo'ane wahewalla uasul᷊ungngu lai su manga sasuttanna waine. Su manga wabbo'ane wuṛṛu su wabbo'ane wahewalla pia manga jandela. Al᷊o'engngu lal᷊anna udde 25 metere wuṛṛu al᷊alakke 12,5 metere.

YEHEZKIEL 40:37

Wabbo'a su saruanne lai uasaruanna raallakku liudde. Manga darandunga wageangu lal᷊umme apan uasaruanna lal᷊anna, nilogaṛṛannu manga ukirannu punnu palem. Ual᷊u tal᷊attadu tuadda mattudda watukku sasuttanna udde.

YEHEZKIEL 40:7

Su liuddu ngara udde pia sambau lal᷊anna wuṛṛu suapan sandiṛṛanne pia tatallu wabbo'a pandariaganna. Suapan wabbo'a udde uasul᷊ungnga ahewalle; saṛṛene uataṛṛa wu'u appatta, wuṛṛu al᷊o'engngu manga sandiṛṛanne udde tallu metere. Darandunga sasarannu manga wabbo'a uasul᷊ungnga aappale, darua setenga metere. Lal᷊anna udde nal᷊o'engnga tallu metere lai wuṛṛu mattudda watukku wabbo'a wahewalla udde wuṛṛu inauranna al᷊oangnge appattu metere; tampane su pentakku ngara pasallanganna, samba'an dal᷊umme, eteudde apan aranianne ringannu Wal᷊e Mawu. Manga darandunga su wageangnge apan uasaruanna Wal᷊e Mawu, aappale satu metere.

YEHEZKIEL 41:18

punnu palem wuṛṛu mala'ekatta, sangkalu punnu palem suwallattu mala'ekatta darua. Mala'aekatta udde uatahuanna hati darua,

YEHEZKIEL 41:25

Manga ngaran Tampa Apan Susi nilogaṛṛannu ukiranna punnu palem wuṛṛu manga mala'ekatta, ere lai su manga darandunge. Su saruannu panumbal᷊e eteudde samba'a liudde, pia ṛondappa wuassu alu.

YEHEZKIEL 41:26

Su sandiṛṛanne ruam ba'an darandunga pia manga jandela, wuṛṛu darandunge nilogaṛṛannu ukiranna punnu palem.

YEHEZKIEL 41:3

Wua'udde i tou sinumutta su wabbo'an dal᷊umme. I tou nanguukka lal᷊anna apan mattudda isudde: al᷊o'engnge satu metere, al᷊alakke tallu metere, wuṛṛu darandunga su sandiṛṛanne ruam ba'a tatallu setenga metere.

YEHEZKIEL 42:3

Sandiṛṛanne sambau wuassu wal᷊en udde uasaruanna ṛondappa apan al᷊alakke 10 metere udde, arawe sandiṛṛanne waine uasaruanna watukku apampakka watu su rallakku liudde. Wal᷊en udde ṛengkenne tatallu; suapan ṛengkenne maddioanna wuassu ṛengkenne al᷊iu wowane.

YOHANES 5:2

Su Yerusalem marani “Ngaran Domba” pia sambau li'u, apan su wisaran Ibrani isassago Betesda. Isudde pia lima panumbal᷊e.

1 KORINTUS 13:12

Apa apan aasiloanni ite orassa indi eteudde nassul᷊ungngu lintau mal᷊abukka su saṛṛuminanna. Arawe i ite sarun maasilo ringannu matilangnga. Orassa indi ya'u ta'e waggan sarangkanambone, arawe sal᷊immurine i ya'u sarun maasingkata sarangkanambone ere lai Ruata namasingkatu sarangkanambone su ola'u riri'u.

SONDAPPA 7:9

Wua'udde i ya'u na'ellega apia, see niasiloanna taumata tumanite manambo – tawe saran sangkatou taumata apan wotongnge maareengngu anambone. I mangitou udde manga taumata wuassu al᷊awo'u walahanna, ṛuanganna, araratuanna, wuṛṛu wahasa. Ringannu uapeddetu jubah mawira-wira wuṛṛu ringannu uaaggasa manga rannang kalu palem su limane, manga taumata manambo udde dirumarisikka sinumaruanna adderan araratuanna wuṛṛu sinumaruanna Ana'u Domba udde.