YEHEZKIEL 39:29 - WUKE SUSI WATTI'U AL᷊AL᷊USASSA

²⁹ I Ya'u mallal᷊innu Ghaṛṛaho-U su walahannu Israel, wuṛṛu tawe manantangngi mangitou apia. I Ya'u, Mawu Apan Atanggaṛṛanne buatte nabbisara.”

YEHEZKIEL 39:29 Iomraidhean Croise

YESAYA 32:15

Arawe paassa lai Ruata sarun dumanta ringannu taṛṛino-Ne. Ne wadda'u anne sarun maola'a wawail᷊anna masuwukka, wuṛṛu manga wailla sarun maola'a mahurangnge.

YESAYA 45:17

Arawe Israel niapasal᷊amattu Mawu; asasal᷊aman-Ne sarun mattaṛṛangnga. I ya'u sarun tawe pansilianna wuṛṛu al᷊uandahanna saran mal᷊annu-l᷊annu.’ ”

YEREMIA 32:40

I Ya'u sarun ma'ola'a paaire apan tawe pattaal᷊anne ringanni mangitou. I Ya'u tawe mangillol᷊o ma'ola'a apapia si mangitou. I Ya'u sarun ma'ola'a si mangitou matta'utta wuṛṛu maaddatta si Ya'u ringannu ahewallu naungnga tadea'u i mangitou tawe mangindau-U.

YEHEZKIEL 16:42

Wakkute udde asasa'u-U umompo'a, wuṛṛu sarun maola'a matammuda apia. I Ya'u tate masa'u apia ara'e mallu'adda.

YEHEZKIEL 37:14

I Ya'u sarun maniuppu sasangngo sulal᷊ummu waddangngi mangitou tadea'u ipamiakka si mangitou, ana see i mangitou Ta'u iwala matanata'a su wanuane sassane. Ne i mangitou masingkatte manungku ete i Ya'u Mawu. I Ya'u Mawu buatte nabbisara wuṛṛu atonna sarun ma'ola'a.”

YEHEZKIEL 39:28

Ne uma-U masingkatte manungku ete i Ya'u Mawu Ruata mangitou. Ana waugu ete i Ya'u apan nandolokki mangitou watukku pamamuanganna wuṛṛu i Ya'u lai apan nangapiddi mangitou napul᷊e watukku wanua mangitou sassane, ringannu tawe nanantangngu saran sangkatou wuassi mangitou poiaroddi.

YOEL 2:27

Ne i yamiu masingkatte, Israel, manungku i Ya'u udde su pattangngannu, wuṛṛu manungku i Ya'u, Mawu, uddewe Ruatanu. Tawe Duata waine, tumba'u i Ya'u sassane. Uma-U tate pansilianna apia!”

YOEL 2:28

“Wua'udde sal᷊immurine anambon taumata sarun Ta'u onggol᷊annu ghaṛṛaho-U. Ne manga anangngu umbasanna maṛṛuala sarun mamasingkattu manga tanata-U; manga matatimmade suwallannu sarun maasomba wal᷊iawa sodappa sarun ionggolla su manga umbasanna maṛṛuala.

YOEL 3:1

Mawu nabbisara, “Sutempo udde Yerusalem wuṛṛu Yehuda sarun Ta'u iapawelengnga apia lal᷊umanangnge.

MIKHA 7:19

I'o sarun umakkanni yami apia wuṛṛu mangampungnga si yami. Manga rosan kami sarun ṛussaan-Nu wuṛṛu iwareta-Nu su wantan tahal᷊oangnga!

ZAKARIA 12:10

Wua'udde papapulunni Daud see tumana'u Yerusalem sarun Ta'u onggol᷊annu naungnga masingkatta umakkanna wuṛṛu mappulu umal᷊iomanna. I mangitou sarun ma'ellega si tou apan buatte niusu'i mangitou wuṛṛu lumallu ere taumata lulluain anangnge man sambau. I mangitou sarun lumallu ringannu sussangitta, naal᷊ihidda ere taumata apan niawul᷊iannu ana'a pahul᷊u.

WATTI'U MANGA RASUL 2:33

I Tou nitenega su aiananna apan matanggakka wuṛṛu nionggol᷊annu Ruata taṛṛino, see nanengkamma Ghaṛṛaho Ruata apan suete pina'iren Iamangnga. Wuṛṛu apan niaringiṛṛanna wuṛṛu aellehanni yamiu orassa indi eteudde Ghaṛṛaho apan suete nionggolla si yami.

1 YOHANES 3:24

Anambon taumata apan tuttuṛṛutta manga parentan Duata, mabbiakka uaaukka ringannu Ruata, wuṛṛu Ruata uaaukka ringanni mangitou. Wuṛṛu i ite masingkata manungku Ruata mabbiakka uaaukka ringanni ite, ana waugu i Tou suete nangonggolu Ghaṛṛaho-Ne si ite.