YEHEZKIEL 39:21 - WUKE SUSI WATTI'U AL᷊AL᷊USASSA

²¹ Mawu nabbisara, “I Ya'u sarun mapaellegu awawantu-U su manga walahanna. I mangitou sarangkanambone sarun maasilo ereapa i Ya'u mappaattu taṛṛino-U mapaamattu manga manara-U apan matul᷊idda.

YEHEZKIEL 39:21 Iomraidhean Croise

DARALO 32:4

Allo ṛabbi I'o mannasa'u, Mawu, i ya'u niasueannu ikkata niiṛṛuppu matannallo.

DARALO 94:10

I Tou apan mangngaṛṛa'a manga walahanna, apa i Tou tawe makkuumanna? I Tou apan nabbal᷊i mananantiron anambon taumata, apa i Tou tawe uatahuanna asingkatta?

SASABANGNGA 14:4

I Ya'u sarun mapaatikku naungngi tou, na'oman sara i tou mangenggenna si yamiu. Arawe I Ya'u sarun mapal᷊iatta'u taṛṛino-U su ratu Mesir wuṛṛu tantarane, wuṛṛu i mangitou sarun maasingkatta manungku ete i Ya'u Mawu.” Ana see taumatan Israel na'ola'a ere buatte nirolokku Mawu si mangitou.

SASABANGNGA 7:4

Ana waugu udde i Ya'u sarun makkuumannu Mesir ringannu manga ṛuumanna apan mawakkata, wua'udde Ta'u iapidda balahannu Israel sarangkanambone al᷊aṛṛana-U, sumabbangnga wuassu wanua udde.

SASABANGNGA 8:19

na'oman sara manga taṛṛa wal᷊iimata udde nabbisara ratu, “Indi inolaannu Ruata.” Arawe ratu udde maatikka naungnge, wuṛṛu ere buatte niwisara Mawu, ratu udde maddiri maddaringikka wisara i Musa wuṛṛu i Harun.

SASABANGNGA 9:16

Arawe i yamiu Ta'u iwala wiakka, tadea'u i Ya'u wotongnge mapaal᷊iatta'u taṛṛino-U si'o, na'oman sara arang-Ku tinumelengke su ahewallu runia.

YESAYA 26:11

Mawu, I'o nasaddiate makkuumannu seen-Nu, arawe i mangitou waggate. Wala'ewe i mangitou masili maasilo darangngu-Nu su uman-Nu. Wala'ewe i mangitou masue maṛṛadda'a ringannu ṛuumanna apan buatte nisaddia-Nu si mangitou.

YESAYA 37:20

Oh, Mawu Ruatan kami, pallosaawe i yamiu wuassu manga taumatan Asyur udde, tadea'u al᷊awo'u walahanna su runia maasingkatta manungku tumba'u I'o Mawu.”

YEHEZKIEL 36:23

I Ya'u sarun mapal᷊iatta'u awawantugu arang-Ku apan bahewalla udde, aranna apan buatte nilal᷊eong kamiu suwallattu manga walahanna, ne i yamiu masingkatte manungku i Ya'u Mawu. I Ya'u Mawu Apan Atanggaṛṛanne buatte nabbisara. I Ya'u sarun mappaatti yamiu tadea'u iapa'ellega su manga walahanna manungku i Ya'u indi na'ukkassa, Mawu Apan Lembonna'ukkassa.

YEHEZKIEL 38:16

Wua i'o namangalo uma-U Israel naal᷊ihidda anginna lakkuti nanggohakka runia. Napawe tempone nia'omante, i'o sarun Ta'u irolokka mamanua su leta-U. Ringannu inolaang-Ku nirolokka si'o ei Gog, manga walahanna sarun maasingkatta isai i Ya'u, eteudde Ruata apan na'ukkassa.

YEHEZKIEL 38:23

Ringannu olangnge udde sarun Ta'u iapal᷊iatta'a si mangitou al᷊awo'u walahanna manungku i Ya'u indi mawantuga wuṛṛu na'ukkassa. Ne i mangitou masingkatte manungku ete i Ya'u Mawu.”

YEHEZKIEL 39:13

Anambon tumana'u wanua sarun massumbala manara pallal᷊abinga udde; wuṛṛu ringannu udde i mangitou sarun manengkamma lal᷊antakke su allo sutempo i Ya'u naauntunga. I Ya'u, Mawu Apan Atanggaṛṛanne buatte nabbisara.

MIKHA 2:9

Manga wawine suwallattu uma-U nilimbuaṛṛanni yamiu wuassu wal᷊en apan arangnguanne, wuṛṛu niaṛṛon kamiu saran mal᷊annu-l᷊annu al᷊amatta apan Ta'u nionggolla su manga ana'i mangitou.

MALEAKHI 1:11

I Ya'u aaddatannu manga walahanna su ahewallu runia. Suapan tampa itattambunna amania iapangaddatta arang-Ku wuṛṛu nionggolla manga sasamba apan suṛṛinone, ana waugu anambon balahanna mangngaddatta si Ya'u!

MALEAKHI 1:5

Walahannu Israel sarun ma'ellega udde sassane wuṛṛu mabbisara, “Atonna wahewalla taṛṛinon Mawu; taṛṛino-Ne naddatingngu leta'a su liuddu leta'u Israel!”

1 SAMUEL 5:11

Ana waugu udde i mangitou namaggo anambon ratun Filistin tadea'u ma'ammulla, ana see nabbisara, “Welenga'e Wantallu Pa'airen Mawu Ruatan Israel udde sutampane paarorone tadea'u i ite wuṛṛu amonanni ite tawe mate.” Su ahewallu soa nariaddi atata'utta ana waugu Ruata nakkumannu tumanangnge ringannu radda'a apan tumaniten mawakkatta.

1 SAMUEL 5:7

Napawe i mangitou naapendamma sarangkanambone apan nariaddite si mangitou udde, i mangitou nabbisara, “Ruatan Israel nakkuumanni ite wuṛṛu monganni ite i Dagon. I ite imbaṛṛangnga mamalan Wantallu Pa'aire-Ne uaraddo isindi mal᷊annu lai.”

1 SAMUEL 6:9

Paatutuṛṛe lal᷊anne; amungkangu Wantallu Pa'aire udde niapidda watukku wanuane sassane, eteudde soa Bet-Semes, udde atappasanne manungku ete Ruatan taumatan Israel apan buatte nadantan asasilaka apan bahewalla indi si ite. Arawe amungkangu roda udde tawe mattuddan tampa udde, i ite sarun maasingkatta manungku asasilaka udde wal᷊ine wuassu Ruatan Israel, ewe'e etearoddi nariaddite.”