YEHEZKIEL 37:10 - WUKE SUSI WATTI'U AL᷊AL᷊USASSA

¹⁰ Ne i ya'u nabbisara uasul᷊ungngu parenta Mawu ne anginna lai nattiuppen sasangngo sulal᷊ummu manga waddangnga udde ana see i mangitou nabbiakka wuṛṛu dirumarisikka. Reenganni mangitou tumaniten manambo, wotongnge ipallanginnu sambau ammul᷊annu tantara apan bahewalla.

YEHEZKIEL 37:10 Iomraidhean Croise

DARALO 104:30

Arawe napawe I'o mangonggolu sasangngo, i mangitou olaanna; I'o nangonggolu wiakka wakku su runia.

YEREMIA 30:19

Tumanangnge sarun maddalo si Ya'u ringannu aantari, wuṛṛu u'ui ringannu al᷊al᷊uassa. I Ya'u na'ola'a si mangitou a'addatanna wuṛṛu tate al᷊uandahanna, wuṛṛu reenganni mangitou sidutu aatambanna.

YEREMIA 33:22

I Ya'u sarun manimu papapulunni allang-Ku Daud wuṛṛu manga imam su ṛuanganni Lewi, ma'oman sara anambone maola'a ere anambon anne su winggin sahatta wuṛṛu anumpitanna su langitta apan tawe iareengnga.”

YEHEZKIEL 12:7

Ana see i ya'u tinumuṛṛutte parenta Mawu si ya'u. Su allo udde lai, tantal᷊anna ta'e allattune, i ya'u nandiahite saranapa'u sulal᷊ummu sambau pinampiunanna, ere lai inanaramanne a'olaannu tumatal᷊angnga. Sutempo allo maṛṛabbite, i ya'u nallassutta loṛṛangnga ringannu lima'u su darandungngu wal᷊e'u. Ringannu wawialannu awadaalla, pinampiunanna udde ta'u nipasanna su wambangku, wua'udde i ya'u inaite.

YEHEZKIEL 37:5

“I Ya'u Mawu Apan Atanggaṛṛanne maniuppu singangu sulal᷊ummu waddangnge tadea'u i mangitou mabbiakka apia.

SONDAPPA 11:11

Napawe tallute allo mattangnga, nirumantate sasangngo ipabbiakka wuassu Ruata wuṛṛu sinumutta apia sulal᷊ummu nabi darua udde. Ne i mangitou nabbuatte dirumarisikka, na'oman sara taumata apan naasilo si mangitou nata'utta atonna.