YEHEZKIEL 36:2 - WUKE SUSI WATTI'U AL᷊AL᷊USASSA

^2-6 ‘Sutempo manga walahanna su al᷊indongannu namangalo wuṛṛu nangaṛṛo si yamiu, i mangitou buatte nallobbossa ahewallu Israel. Ringannu lulluassa i mangitou mabbisara manungku orassa indi manga wuiddu al᷊amona udde nabbal᷊ite pussa'a mangitou. Ana waugu udde ei manga wowone wuṛṛu manga wuidda, manga sungene wuṛṛu wawal᷊anne, ei manga soa apan naola'e winalal᷊anna wuṛṛu apan buatte nitantangngu manga mamanuane see nipangaṛṛoanna wuṛṛu nial᷊uandahannu manga walahanna al᷊indonganne, paddaringikke wisara Mawu Apan Atanggaṛṛanne si yamiu: Sulal᷊ummu sasopan asasa'u-U i Ya'u mammasagu manga walahanna su al᷊indongannu wuṛṛu lembonete Edom, ana waugu i mangitou ringannu mal᷊uassa wuṛṛu mallobbossa, buatte nanganu leta-U wuṛṛu nangaṛṛo manga wadda'u nannal᷊one. Orassa indi i Ya'u massa'u wuṛṛu mandona ana waugu walahanna udde tumaniten manggelo see nangaddio'a si yamiu.

YEHEZKIEL 36:2 Iomraidhean Croise

DARALO 78:69

I Tou napararisikku Wal᷊en-Ne ere tatanaan-Ne su surga, wuṛṛu ere runia, matohassa saran mal᷊annu-l᷊annu.

DARALO 83:13

ana waugu i mangitou buatte nabbisara, “Wette anuanni ite leta'a tatanaannu Ruata.”

YESAYA 58:14

Ne i yamiu sarun lumuassa ana waugu tuttuṛṛutta si Ya'u. Ya'u sarun ma'ola'a si yamiu aaddatanna su ahewallu runia. I yamiu sarun mabbiakka mal᷊uassa ringannu hessin leta'a puassa'an Yakub, iupungngu al᷊amonanu, i Ya'u, Mawu buatte nabbisara.”

YEREMIA 49:1

Eteindi wisara Mawu su ola'u Amon, “Anio leta'u ṛuangannu Gad niaṛṛo wuṛṛu niatanaannu manga taumata apan massubba si Monganna Milkom? Apa piate lai taumatan Israel apan botongnge manahekku leta'a udde?

YEHEZKIEL 25:3

Doloṛṛa'e walahanna udde maddaringikka apa apan i Ya'u, Mawu Apan Atanggaṛṛanne mabbisara si mangitou, ‘I yamiu mal᷊uassa ma'ellega Wal᷊e-U nilal᷊eo wuṛṛu leta'u Israel nohohakka see walahannu Yahudi niṛṛootta watukku pamamuanganna.

YEHEZKIEL 26:2

“Ei taumata apan mattate, tumana'u Tirus buatte naggio lapiddu mabbisara, ‘Yerusalem naṛṛimunsa'e! Auatanne sulal᷊ummu madagangnga nawul᷊ite! I tou tate maola'a ro'appi ite lai!’ ”

YEHEZKIEL 35:10

I yamiu mabbisara manungku mawae Yehuda ara'e Israel ringannu letangnge sambau-sambau uddewe pussa'anu, wuṛṛu manungku i yamiu sarun manahuanna salaiwe i Ya'u, Mawu, uddewe Ruata mangitou.

YEHEZKIEL 35:12

Ne i yamiu masingkatte manungku i Ya'u, Mawu, naaringikke aal᷊uandagu sutempo i yamiu mabbisara: Manga wowon Israel nabbal᷊ite mal᷊annabba wuṛṛu nitantilla maola'a pabbawiakki ite.

YEHEZKIEL 36:1

Mawu nabbisara, “Ei taumata apan mattate, pabbisarate su manga wowon Israel wuṛṛu doloṛṛa'e i mangitou maddaringikka sasinaukku Mawu Apan Atanggaṛṛanne,

OBAJA 1:13

Tawe su lal᷊anne i'o sumutta su soan uma-U, wuṛṛu mangngintul᷊in manga taumata apan tantal᷊anna uatataṛṛanga, nangillembote lai mangaṛṛo darotongnge su allon asasusane!

HABAKUK 3:19

I'o nangonggollu atatohassa si ya'u ere leddan rusa, ledda'u nitohan-Nu. I'o mangngehetta si ya'u tadea'u matammudda sutempo umamatta su panenteanna.

TAHIUL᷊E 32:13

I Tou na'ola'a si mangitou uataṛṛino manga wowone; i mangitou u'anna hessin manga wawail᷊anna wuṛṛu ma'inumma pul᷊an ahuranganna wuassu wuiddu watu. I mangitou naasomba lana wuassu punnu alun zaitun apan tinumuwo su leta'a wabbatuanna.