YEHEZKIEL 36:11 - WUKE SUSI WATTI'U AL᷊AL᷊USASSA

¹¹ Tumanangnge wuṛṛu winatangngu sarun Ta'u tambanna, ma'oman sara mabbal᷊i manambo, mannamboanna wuassu paarorone, wuṛṛu i mangitou sarun ṛumana'a mappulunna manambo. I mangitou sarun mabbiakka poiaroddi ere paarorone wuṛṛu Ta'u olaanna ala, ere lai taambe saran paassa niapendamanni yamiu. Ne i yamiu masingkatte manungku ete i Ya'u Mawu.

YEHEZKIEL 36:11 Iomraidhean Croise

AYUB 42:12

Ayub nial᷊amatannu Mawu ringannu nilumambalanna sulal᷊ummu lamben pabbiaṛṛanne, wuassu sutempo i tou tantal᷊anna taambe niaṛṛiaannu asasilaka. Ayub uatahuanna 14.000 ambingnga domba, 6.000 unta, 2.000 sapi, wuṛṛu 1.000 keledai.

YESAYA 30:26

Wul᷊anna sarun masemakka ere semakku matannallo, wuṛṛu matannallo sarun maola'a paapitu asemakke wuassu wiasane, ere semakku pitu allo niammulla naola'a sambau. Sarangkanambone udde sarun mariaddi sutempo Mawu mami'unna wuṛṛu mapaapia manga lessa uman-Ne apan buatte nipuulle.

YESAYA 51:3

Yerusalem, i Ya'u sarun malluassa si'o, wuṛṛu sarangkanambone apan uatana'a su winalal᷊annu. Manga wadda'a apan mamara Ta'u olaanna wailla, naal᷊ihidda Eden, wawail᷊ang-Ku apan masuwukka. Isudde taumata sarun lumuassa wuṛṛu lumala'a wuṛṛu ma'adiangkamanna ringannu manga aantari.

YEREMIA 23:3

Arawe manga uma-U lambene sarun Ta'u iammulla wuassu manga wanua sutempan mangitou Ta'u niwuangnga. I mangitou sarun Ta'u iapidda mabbelengnga apia watukku leta'a niariaddianni mangitou wuṛṛu papapulunni mangitou sarun a'atambanna anambone.

YEREMIA 23:4

I Ya'u sarun mamile piaṛṛangnge iapapaddul᷊i si mangitou. Uma-U tate mata'utta wuṛṛu lai suminggawangnga; tawe sarana sangkatou wuassi mangitou apan mawul᷊i. I Ya'u, Mawu, buatte nabbisara.”

YEREMIA 30:18

Mawu nabbisara apia: “I yamiu, uma-U sarun Ta'u iakkanna wuṛṛu Ta'u isul᷊e olangnge su wanuanu sassane. Yerusalem sarun iapararisikka apia, wuṛṛu wal᷊en araratuanne apianna.

YEREMIA 31:27

I Ya'u, Mawu, mabbisara manungku sarun a'omanna tempone wanua Israel wuṛṛu Yehuda Ta'u peneannu taumata wuṛṛu winatangnga.

YEREMIA 33:12

Mawu Apan Lembontaṛṛino nabbisara, “Wanua wuṛṛu manga soane apan ere wadda'u anne indi tawe atanaannu taumata ara'e winatangnga. Salaiwe aroddi, su allo addantane sarun pia lai manga wadda'u nannal᷊o tampan taumata mammadul᷊i manga dombane.

YEHEZKIEL 16:55

I mangitou wuṛṛu manga ampungi mangitou sarun mabbal᷊i manambo wiakke apia, see i'o lai wuṛṛu manga ampungu.

YEHEZKIEL 35:9

Wanuanu sarun ta'u olaanna wadda'a mal᷊alangnga saran mal᷊annu-l᷊annu, wuṛṛu manga soanu tate atanaannu taumata apia. Ne i yamiu masingkatte manungku ete i Ya'u Mawu.

YEHEZKIEL 36:35

Ne anambon taumata sarun tumiangnga, ana waugu leta'a apan tanginna maṛṛasa udde orassa indi nawal᷊ute nabbal᷊i wawail᷊annu Eden, wuṛṛu manga soa apan tanginna mal᷊annabba, naṛṛimunsa'a wuṛṛu naola'e manga winalal᷊anna, orassa indi naola'e manga soa apan matohassa taṛṛapane wuṛṛu manambo tumanangne.

YEHEZKIEL 37:13

Napawe i Ya'u buatte na'ola'a sarangkanambone udde, uma-U sarun maasingkatta manungku ete i Ya'u Mawu.

YEHEZKIEL 37:26

I Ya'u sarun makkiinnu sambau pa'aire ringanni mangitou apan manohassa atatammudi mangitou saran mal᷊annu-l᷊annu. I Ya'u sarun mangal᷊amatta wuṛṛu manamba reenganni mangitou. Su leta'i mangitou sarun Ta'u iapararisikka Wal᷊e-U apan sidutu poiaroddi saran mal᷊annu-l᷊annu.

YEHEZKIEL 37:6

Ta'u iaddo lantikka wuṛṛu ṛemessa si'o wuṛṛu i yamiu Ta'u wa'isannu pisi. I yamiu Ta'u onggol᷊annu singangu ma'oman sara mabbiakka. Ne i yamiu masingkatte manungku ete i Ya'u Mawu.”

HOSEA 2:1

Ana waugu udde waggoite sansul᷊ungngu ringannu aranna “Umattu Ruata” wuṛṛu “Niakkannu Mawu.”

HOSEA 2:20

Ere buatte pina'ire-U, i'o sarun Ta'u iawingnga. I'o sarun manga'u mangungku i Ya'u maola'a Mawunu sassane.

AMOS 9:11

Mawu nabbisara, “Sarun a'omanna tempone i Ya'u manul᷊en araratuanni Daud. Orassa indi araratuanna udde nabbal᷊ite ere wal᷊en apan naṛṛa'a. Arawe manga darandungnge sarun Ta'u apianna wuṛṛu iapararisikka apia ma'oman sara mabbal᷊i ere paarorone.

AMOS 9:15

I Ya'u sarun mapatana'u uma-U su wanua apan buatte Ta'u nionggolla si mangitou. I mangitou tate lai wambanganna wua poiaroddi. I Ya'u Mawu Ruatan mangitou buatte nabbisara.”

MIKHA 7:14

Oh Mawu, lu'arawe uman-Nu, umatta nipile-Nu. I mangitou uatana'a marau su mahurangnge, su pattangngannu leta'a apan masuwukka. Wala'ewe i mangitou maasomba anna su wadda'u nannal᷊on Basan wuṛṛu su Gilead ere sutempo dorone.

ZAKARIA 10:8

Uma-U sarun Ta'u waggoanna wuṛṛu iammulla mabbal᷊i sambau. I mangitou Ta'u ipallossa wuṛṛu anambon Ta'u olaanna dorone.

ZAKARIA 2:8

Isai apan mamangalo si yamiu, namangalo tatuno naungku.” Ne Mawu Apan Lembontaṛṛino nandalo'u mamasingkattu tanata indi su manga walahanna apan buatte nangaṛṛo uman-Ne,

TAHIUL᷊E 30:5

Ne i yamiu wotongnge maatahuanna apia leta'a dorone wawanuannu iupungngu al᷊amonanu. Wuṛṛu wiakki yamiu olaanna lembon ala, wuṛṛu reengannu mannamboanna wuassu al᷊amonanu.

IBRANI 11:40

ana waugu Ruata pia pandumanna apan lembon apianne si ite. Pandumanne eteudde manungku tumba'u uaaukka su sambau ringanni ite i mangitou sarun masuungnga.

1 YOHANES 5:20

I ite masingkatta manungku Ana'u Ruata suete nirumanta wuṛṛu suete nangonggolu pasasunna si ite, tadea'u i ite maaillal᷊a Ruata apan naṛṛino. I ite mabbiakka uaaukka ringannu Ruata apan naṛṛino wuṛṛu mabbiakka uaaukka ringannu Anang-Nge Yesus Kristus. Ete indi Ruata apan naṛṛino, wuṛṛu ete indi wiakka tutune wuṛṛu saran mal᷊annu-l᷊annu.