YEHEZKIEL 34:27 - WUKE SUSI WATTI'U AL᷊AL᷊USASSA

²⁷ Manga aaluanna sarun mabbua, manga wawail᷊anna sarun mangongollu hessine, wuṛṛu anambon taumata sarun matana'a ringannu matammuda su letangnge sassane. Amulangngu ṛate laṛṛapussa uma-U buatte Ta'u niwassutta wuṛṛu i mangitou buatte Ta'u nipallossa wuassu manga taumata apan mangngallanga si mangitou, ne i mangitou masingkatte manungku ete i Ya'u Mawu.

YEHEZKIEL 34:27 Iomraidhean Croise

AYUB 5:23

Wailla apan pajekoannu sarun tawe batune; winatangnga matengnga sarun tawe tumambo si'o.

DARALO 67:6

Antimanna manga walahanna maddalo Si'o, oh Mawu, antimanna anambon walahanna maadiangkamanna Si'o.

DARALO 85:12

Tatuṛṛuttu taumata sarun tumuwo wuassu runia, wuṛṛu atatul᷊iddu Ruata mattembo wuassu langitta.

AMSAL 3:24

I'o sarun matiilla ringannu tawe apendamma matta'utta, wuṛṛu i'o maatilla mal᷊angnga su al᷊o'engngu ṛabbi.

YESAYA 10:27

Sutempo udde i Ya'u sarun mamallossi yamiu wuassu mangangallangu taumatan Asyur, wuṛṛu i mangitou tate lai uataṛṛino si yamiu.”

YESAYA 35:9

Su tampa udde tawe singa, ara'e winatangnga mal᷊aṛṛaga waine. Manga taumata apan nisal᷊amattu Mawu sarun umamatta poiaroddi.

YESAYA 4:2

Sarun dumanta tempone Mawu ma'ola'a suapan sinuananna wuṛṛu aaluanna tumuwo maola'a masallakka wuṛṛu maṛṛansangnga su wanua indi. Su allo udde taumatan Israel apan naralukka sarun mamendamma al᷊al᷊uassa waugu hessin pangitinganna.

YESAYA 61:3

hunan ipangonggollu al᷊al᷊uassa wuṛṛu lal᷊ala'a su taumata apan massusa wuṛṛu lullal᷊o; hunan ipamal᷊u asasusan mangitou maola'a aantarin daralo. I mangitou sarun maola'a ere alu apan nisuannu Mawu sassane. I mangitou sarun pia pallal᷊aghu mapia wuṛṛu naṛṛino, na'oman sara Mawu sarun bantuhanna.

YESAYA 9:4

Sapatun tantara apan tuttaraddalla wuṛṛu laungnge apan napenen daṛṛa, sarun masue iepoddu putungnga.

YEREMIA 2:20

Mawu nabbisara, “Mal᷊annute i'o maddiri mattaṛṛamawu si Ya'u; maddiri tumuṛṛutta ara'e massubba si Ya'u. Su wowon suapan buidda apan matanggakka wuṛṛu su al᷊ungngu manga a'aluanna apan masindumunna i'o massubba manga mongannu asasuwukka.

YEREMIA 23:4

I Ya'u sarun mamile piaṛṛangnge iapapaddul᷊i si mangitou. Uma-U tate mata'utta wuṛṛu lai suminggawangnga; tawe sarana sangkatou wuassi mangitou apan mawul᷊i. I Ya'u, Mawu, buatte nabbisara.”

YEREMIA 25:14

Manga inolaannu taumatan Babel sarun Ta'u wal᷊isanna; i mangitou sarun allangngannu manga ratu wahewalla wuṛṛu anambon balahanna.’ ”

YEREMIA 27:7

Al᷊awo'u walahanna sarun mattaṛṛamawu si tou, su parinsine, wuṛṛu su pulunne maddatingngu tempone araratuanne sassane manawo. Sutempo udde walahannu Babel sarun mattaṛṛamawu su manga walahanna apan matohassa wuṛṛu manga ratu apan bahewalla.

YEREMIA 30:8

Mawu Apan Lembontaṛṛino nabbisara apia su uman-Ne, “Napawe nia'omante allo udde, pasanganna apan niandangnga su pal᷊u'anu sarun Ta'u paddianna, wuṛṛu aiinnu sarun Ta'u wu'anna. I yamiu sarun tawe maola'a allangngu taumata raho apia.

YEHEZKIEL 28:25

Mawu Apan Atanggaṛṛanne nabbisara, “I Ya'u sarun mangammullu manga taumatan Israel wuassu manga wanua marau sutampa i mangitou apan buatte Ta'u nisal᷊iawukka, wuṛṛu anambon balahanna sarun maasingkatta i Ya'u na'ukkassa. Walahannu Israel sarun matana'a apia su leta'i mangitou sassane, leta'a apan buatte Ta'u nionggolla si allang-Ku Yakub.

YEHEZKIEL 30:18

Sutempo i Ya'u manginsue awawantugu Mesir wuṛṛu manganu taṛṛinone apan ipammungane, Tahpanhes sarun oopannu ararandumma wuṛṛu manga wawinene sarun sametanna.

YEHEZKIEL 33:29

Sutempo i Ya'u makkuumannu walahanna udde ana waugu manga rosa mangitou wuṛṛu ma'ola'a wanua udde mal᷊anna-l᷊annabba, i mangitou masingkatte manungku ete i Ya'u Mawu.”

YEHEZKIEL 34:10

I Ya'u, Mawu Apan Atanggaṛṛanne mabbisara si yamiu, manungku i Ya'u indi seennu. Manga domba-U udde sarun Ta'u anuanna apia wuassi yamiu wuṛṛu tate lai Ta'u iapariaga si yamiu; i yamiu tate lai Ta'u iwala maṛṛingiddu hausannu sassane. Manga domba-U sarun Ta'u iapaasal᷊amatta wuassi'o ma'oman sara i mangitou tate lai mabbal᷊i a'inasannu.’ ”

YEHEZKIEL 34:25

I Ya'u sarun makkiinnu pa'aire ringanni mangitou, apan uariaga atatammudi mangitou. I Ya'u sarun mallimbuakka anambon binatangnga mal᷊aṛṛaga wuassu ahewallu wanua, ma'oman sara manga domba-Ku wotongnge matana'a ringannu matammuda su manga wadda'a wuṛṛu matiilla su manga mahurangnge.

YEHEZKIEL 34:29

I Ya'u sarun mapaasuwukku manga wawail᷊anni mangitou ma'oman sara tate tempon ṛutumma lai su wanua udde. I mangitou tate al᷊uandahannu manga walahanna waine.

YEHEZKIEL 36:29

I yamiu sarun Ta'u iliu wuassu al᷊awo'u al᷊al᷊eonu. I Ya'u sarun mangonggollu parenta su gandumma tadea'u tumuwo ringannu masuwukka ma'oman sara i yamiu tate lai aṛṛiaannu ṛutumma.

YEHEZKIEL 36:30

I Ya'u sarun manamba asasuwukku aaluannu wuanu wuṛṛu hessi manga wawail᷊annu, ma'oman sara i yamiu tate lai maapendamma ṛutumma apan mandal᷊eo arannu suwallattu manga walahanna.

YEHEZKIEL 36:8

Arawe si yamiu Ta'u iwal᷊o ei manga wowon Israel, manga aaluannu sarun massolla wuṛṛu mabbua apia hunan uma-U Israel apan mal᷊ihakke mapul᷊e.

YEHEZKIEL 38:11

I'o nakkawessa inai mamangalo wanua apan tawe tanda batune udde, suapa tumanangnge mabbiakka ringannu matammuda wuṛṛu mal᷊angnganna su manga soa apan tawe darandungnge wuṛṛu tawe ahiddu pangalo.

YEHEZKIEL 38:8

Manga pira tonna lai i tou sarun Ta'u parentanna iapapangalo sambau wanua ringannu tumanangnge apan buatte niammulla apia wuassu wallattu manambo walahanna wuṛṛu apan wua'udde natana'a su wanua udde ringannu matammudda. Gog sarun mangaṛṛo manga wowonen Israel apan mal᷊annute mal᷊annabba wuṛṛu napenen bilal᷊anna, arawe orassa indi tatanaannu tumanangnge apan mabbiakka ringannu paddarame.

YEHEZKIEL 39:26

Napawe i mangitou matana'e apia ringannu matammudda su wanua mangitou sassane, tate saran sangkatou apan mamansaggi mangitou, i mangitou sarun maabul᷊i ereapa i mangitou buatte nipansilianna ana waugu nallobbossa si Ya'u.

YEHEZKIEL 39:28

Ne uma-U masingkatte manungku ete i Ya'u Mawu Ruata mangitou. Ana waugu ete i Ya'u apan nandolokki mangitou watukku pamamuanganna wuṛṛu i Ya'u lai apan nangapiddi mangitou napul᷊e watukku wanua mangitou sassane, ringannu tawe nanantangngu saran sangkatou wuassi mangitou poiaroddi.

YEHEZKIEL 47:12

Su al᷊o'engngu winggin sal᷊ukka ruan ba'a sinumapputta anambon hatin aaluanna mabbua. Rongngu alu udde tawe tumolangnga, wuṛṛu manga wuane tawe masue. Manga aaluanna udde sarun mapasabbangu manga wuane wakku suapan bul᷊anna, ana waugu ua'e apan mangngelekka isudde ua'e wuassu Wal᷊e Mawu. Manga wuane nabbal᷊i anna wuṛṛu manga rongngane mahuna olaanna undamma.”

HOSEA 11:11

Wuassu Mesir i mangitou sarun dumanta ere al᷊ihakku manu'u winalanganna, wuṛṛu wuassu Asyur Tau iapidda mabbelengnga watukku wal᷊en mangitou. I Ya'u, Mawu, apan nabbisara.”

HOSEA 2:20

Ere buatte pina'ire-U, i'o sarun Ta'u iawingnga. I'o sarun manga'u mangungku i Ya'u maola'a Mawunu sassane.

IMAMATTA 26:13

I Ya'u, Ruatanu, apan nangapiddi yamiu sinumabbangnga wuassu Mesir tadea'u i yamiu tawe mabbal᷊i allangnga apia. Taṛṛino apan uaumpisanna si yamiu buatte Ta'u nipaddi, wuṛṛu i yamiu Ta'u niola'a taumata apan napallosse.”

IMAMATTA 26:4

I Ya'u sarun manossokku uranna su tempone, ma'oman sara leta'a mangonggolu hessine wuṛṛu manga aaluanna mabbua.

IMAMATTA 26:6

I Ya'u sarun mallu'adda wanuanu ma'oman sara i yamiu wotongnge matiilla ringannu matammudda wuṛṛu tawe mata'utti sai-sai. Manga winatangnga mal᷊aṛṛaga sarun Ta'u iapaawul᷊i wuassu wanua udde, wuṛṛu tate lai pangalo su wanuanu.

ZAKARIA 8:12

I mangitou sarun mangasi'u wualanna ringannu paddarame. Manga punnu anggori mangitou sarun mabbua, leta'a sarun mangonggollu hessine, wuṛṛu uranna sarun mangansalla ringannu manambo-nambo. Al᷊awo'u al᷊amatta Ta'u iionggolla su manga taumata apan ta'e wiakka wuassu walahanna indi.