YEHEZKIEL 34:18 - WUKE SUSI WATTI'U AL᷊AL᷊USASSA

¹⁸ Suwallatti yamiu piaddu tawe mawusa tumba'u mangnginsue nannal᷊o apan apianne, arawe mangke maṛṛinda nannal᷊o apan tawe annananni mangitou! I mangitou ma'inumma ua'e apan matilangnga ana see nallabukka ua'e apan tawe inumanni mangitou!

YEHEZKIEL 34:18 Iomraidhean Croise

PANDARIADDI 30:15

I Lea sinumimbakka, “Taambe lai nawusa i'o nanganu awingku? Orassa indi ewe'e i'o lai ma'annamma manganu undamma apan niasangkal᷊annu ana'u.” Unni Rahel, “Amungkangngu i'o ma'apulu mangonggollu sasuanna undammu anangngu udde si ya'u, i'o wotongnge matiilla ringanni Yakub ṛabbi indi.”

2 SAMUEL 7:19

Ewe'e lai inolaannu Mawu nangillembo lai wua isudde, Oh Mawu Apan Atanggaṛṛanne; I'o buatte na'ola'a pa'aire su papapulungku sutempo apan sarun dumanta. Wuṛṛu olangnge udde niapasilo-Nu si ya'u, salaiwe i ya'u tumba'u sangkatou taumata, oh Mawu Apan Atanggaṛṛanne!

AMSAL 25:26

Taumata mapia apan mattingkawaddo su taumata lal᷊eo naal᷊ihidda al᷊imatan kua'e apan mal᷊abbukka ara'e paṛṛihi malabbukka.

YESAYA 32:6

Taumata woddo mappasabbangngu manga wisara apan woddo wuṛṛu manggol᷊agu al᷊al᷊eo. Sarangkanambone apan olaanna ara'e iwisarane maola'a aal᷊uandaga su saruannu Ruata. Tawe saran pa'assa i tou nangonggollu anna su taumata mal᷊unussa ara'e napa'inummu taumata marou.

YESAYA 7:13

Ana see i Nabi Yesaya nabbisara, “Amungkangngu aroddi, paddaringikke ei papapulunni Ratu Daud! Tawe natimu i yamiu mannal᷊u'atta asasabbaren taumata, ma'oman sara i yamiu mannal᷊u'atta lai asasabbaren Duata'u?

YEHEZKIEL 16:20

Wua'udde i'o nangonggollu al᷊aṛṛana'i ite, esakka wuṛṛu wawine, maola'a sasamba su manga paal᷊uanna. Taambe lai natimu manungku i'o tawe satia si Ya'u?

YEHEZKIEL 16:47

Nawusatewe i'o uatantuṛṛutta ual᷊aṛṛeggenna lempangngi mangitou wuṛṛu mangaṛṛussa pallal᷊agu mangitou apan ma'arantinna udde? Taambe! Tate mal᷊annu lai i'o ewe'e a'atambannu al᷊al᷊eone wuassi mangitou.

YEHEZKIEL 32:2

“Ei taumata apan mattate, onggol᷊e'on tatagu apan maṛṛagissa su ratu Mesir. Wal᷊oa'e tanata-U indi si tou, ‘I'o nattanno ere singa parangganga suwallattu manga walahanna, arawe i'o naal᷊ihidda wuala apan mannalangnga sulal᷊ummu ua'e. Leddanu mallabukka wuṛṛu mannapadda al᷊awo'u sal᷊ukka.

YEHEZKIEL 34:19

Manga domba-U apan baine ṛinone umanna nannal᷊o apan buatte niṛṛinda wuṛṛu ma'inumma ua'e apan buatte nilabbukka.

MIKHA 2:2

Amungkangngu i mangitou maapulun sambau wawail᷊anna, i mangitou sarun mangaṛṛo. Amungkangngu i mangitou maapulu sambau wal᷊en, i mangitou manganu wal᷊en udde. Mawae darotongnga ara'e lai amonanna, taweddu matamudda.

REENGANNA 16:13

Taambe nawusa lai i'o nangapiddi yami sinumabbangnga wuassu leta'u Mesir apan masuwukka udde tadea'u mamate si yami su wadda'a indi? Rinonewe i'o mamarenta si yami lai?

REENGANNA 16:9

Apa i yamiu maṛṛingidda manungku indi hatto addio'a manungku Ruatan Israel namile si yamiu wuassu manga taumatan Israel tadea'u i yamiu wotongnge mangundanin Tou, wuṛṛu mammanara su Rasan-Ne, see lai mammanara hunan taumatan Israel wuṛṛu mangimbe si mangitou?

MATIUS 23:13

“Nasilakate i yamiu manga hurun agama wuṛṛu manga taumatan Farisi! Yamiu taṛṛa lilangkamal᷊e'a. I yamiu mannal᷊awa'a taumata ma'apulu maola'a lal᷊oṛṛon araratuannu Ruata. I yamiu sassane madiri maola'a lal᷊oṛṛon araratuannu Ruata, wuṛṛu taumata waine apan maapulu, sassal᷊awaanni yamiu. [

LUKAS 11:52

Nasilakate i yamiu, manga hurun agama! A'unsi ipamu'a ngaran apande sasahipunanni yamiu, arawe i yamiu sassane maddiri sumutta sulal᷊umme maddea'a apande udde. Arawe i yamiu mangngul᷊a'ukku manga taumata apan maapulu sumutta sulal᷊umme!”