YEHEZKIEL 33:9 - WUKE SUSI WATTI'U AL᷊AL᷊USASSA

⁹ Amungkangngu i'o mapanaungngu taumata lal᷊eo udde wuṛṛu i tou maddiri mangillol᷊o ma'ola'a al᷊al᷊eo, i tou sarun nate ere sangkatou apan marosa, arawe i'o sassane sarun masal᷊amatta.”

YEHEZKIEL 33:9 Iomraidhean Croise

AMSAL 15:10

Taumata apan ma'ola'a al᷊al᷊eo sarun sansaranna, taumata apan maddiri tagguanna sarun mate.

AMSAL 29:1

Isai sidutu lullawangnga awungkangngu tantiroanna, su sambau tempo sarun mawinasa wuṛṛu tate maola'a apia.

YEHEZKIEL 3:19

Amungkangngu i'o mapanaungngu taumata lal᷊eo udde wuṛṛu i tou maddiri umaddo ma'ola'a al᷊al᷊eo, i tou sarun mate ere sangkatou taumata marosa, arawe i'o sassane sarun masal᷊amatta.

YEHEZKIEL 3:21

Amungkangngu taumata mapia udde i'o mapanaungnga tadea'u arie ma'ola'a rosa, wuṛṛu i tou naddaringikka al᷊aṛṛangngu, ne i tou tawe Ta'u iṛṛuumanna, wuṛṛu i'o sarun masal᷊amatta.”

YEHEZKIEL 33:3

Amungkangngu mandariaga udde maasilo seetta rumanta, i tou mapatuntingikku tatialan asasilaka tadea'u anambon taumata mandiahite.

YEHEZKIEL 33:4

Isai-sai apan maaringikka tatialan silaka udde arawe tawe maddaringikka, wuṛṛu seetta nirumantate wuṛṛu mamate si tou, ne i tou nate ana waugu sal᷊ane sassane. Unnu wisara i tou nangareggan tatialan silaka udde, i tou sarun masal᷊amatta.

YEHEZKIEL 33:6

Arawe amungkangngu mandariaga udde naasilo seetta nirumanta wuṛṛu i tou tawe napantuntingikku tatialan silaka, see seetta namate manga taumata marosa udde, winabbawa su ola'u papate mangitou Ta'u ipandansilanna si tou.

LUKAS 12:47

Mangangimbe apan masingkattu apulu mawune, arawe tawe uasasaddia wuṛṛu maddiri tumuṛṛutta apulu mawune udde sarun heseṛṛanna ringannu ma'ikkatta.

YOHANES 8:24

Ana waugu udde i Ya'u mabbisara si yamiu, manungku i yamiu sarun mate sulal᷊ummu manga rosanu. Wuṛṛu atonna i yamiu sarun mate sulal᷊ummu manga rosanu, amungkangngu i yamiu tawe mangngimanna manungku, ‘ete i Ya'u i Tou apan isassago I YA'U INDI’. ”

WATTI'U MANGA RASUL 13:40

Ana waugu udde ṛinone i yamiu manutukka mapia-pia, arie ma'oman sara mariaddi si yamiu apa apan iwabbisara manga nabi indi,

WATTI'U MANGA RASUL 13:41

‘Panutukka paapia-pia, ei yamiu manga taumata apan ma'apulu mangal᷊uandaga! I yamiu sarun maherangnga see mate! Ana waugu su tempo indi ya'u tantal᷊anna ma'ola'a manga apa apan tawe pangimananni yamiu sassane salaiwe pia taumata mannal᷊a'a si yamiu.’ ”

WATTI'U MANGA RASUL 13:46

Arawe ringannu lembon waṛṛani lai i Paulus wuṛṛu i Barnabas nabbisara uahahati. I mangitou nabbisara, “Wisaran Ruata atonna ṛinone iwal᷊o si yamiu rorone. Arawe ana waugu i yamiu maddiri madaringikka, i yamiu suete namile sassane manungku i yamiu tawe ṛinone manengkamma wiakka tutune wuṛṛu saran mal᷊annu-l᷊annu. Wuṛṛu orassa indi yami manantangngi yamiu wuṛṛu inaite ringannu walahanna waine.

WATTI'U MANGA RASUL 20:26

Ana waugu udde ringannu atonna i ya'u mabbisara si yamiu allo indi manungku amungkangngu su wallatti yamiu apan piaddu mate, udde wal᷊ine sal᷊a'u.

1 TESALONIKA 5:14

I yami maddoronga lai, manga tuṛṛangnga, taggue ringannu paddarame taumata apan maddiri mammanara; tohassa naungngu taumata apan matta'utta; tul᷊unga'a taumata apan wotongnge iatul᷊unga, wuṛṛu paasabare su saruannu awadaalla.

IBRANI 12:25

Ana waugu udde, paatehamma arie ma'oman sara i yamiu maddiri maddaringikka si Tou apan mabbisara udde. I mangitou apan maddiri maddaringikka si Tou apan nirumanta su runia wuṛṛu namasingkatu watti'u Ruata, tawe maatal᷊angngu watanganne. Lembonete lai i ite indi apan uararingikka si Tou mabbisara wuassu surga! Amungkangu i ite maddiri maddaringikka si Tou, i ite tawe maatal᷊angnga wuassu ṛuumanna!

IBRANI 2:3

Apa lai ringannu asasal᷊amatta apan maggewal᷊anne wuassu manga tanata udde! Amungkangu i ite tawe mangngimanna su asasal᷊amatta udde, i ite sarun tawe mal᷊iu wuassu ṛuumanna. Ana waugu ete Mawu sassane apan paarorone namasingkattu asasal᷊amatta udde, wuṛṛu manga taumata apan paarorone naaringikka suete napaatualagu atatul᷊iddu watti'a udde si ite.