YEHEZKIEL 33:4 - WUKE SUSI WATTI'U AL᷊AL᷊USASSA

^4-5 Isai-sai apan maaringikka tatialan silaka udde arawe tawe maddaringikka, wuṛṛu seetta nirumantate wuṛṛu mamate si tou, ne i tou nate ana waugu sal᷊ane sassane. Unnu wisara i tou nangareggan tatialan silaka udde, i tou sarun masal᷊amatta.

YEHEZKIEL 33:4 Iomraidhean Croise

2 SAMUEL 1:16

I Daud nabbisara taumatan Amalek udde, “I'o sassane apan nangema'u ṛuumanna pateanna indi su ririnu ringannu nanga'u manungku ratu apan nipilen Mawu buatte nipatenu!”

1 MARARATU 2:37

Amungkangngu i'o waṛṛani sumabbangnga wuṛṛu inai sumabbi ana'u Sal᷊ukku Kidron, i'o sarun pateanna; wuṛṛu ete i'o sassane apan mamasanna pasasal᷊a udde.”

2 TAWARIKH 25:16

“Paal᷊annabba,” unni Amazia, “Amungkangu tawe, yami sarun mamate si'o! Tawe saran paassa yami namile si'o maola'a mananantiron datu!” Ne nabi udde nallannabbe, arawe paarorone i tou naawisara, “Orassa indi ya'u masingkatta manungku Ruata buatte nakkawessa mamate si Tuangnga ana waugu inolaanni Tuangnga udde, wuṛṛu ana waugu i Tuangnga maddiri maddaringikka tatantiro'u.”

AMSAL 29:1

Isai sidutu lullawangnga awungkangngu tantiroanna, su sambau tempo sarun mawinasa wuṛṛu tate maola'a apia.

YEREMIA 25:3

“Al᷊annune ruan pul᷊o su tonnane, ro'en tonna mapul᷊o tallu ro'en i Yosia ana'i Amon uaparenta Yehuda, naddatingngu allo indi, Mawu buatte nabbisara si ya'u wuṛṛu tate lai maabul᷊i mamasingkatta si yamiu apa apan buatte niwisara-Ne. Arawe i yamiu maddiri maddaringikka.

YEREMIA 6:17

Ana see Mawu masokka-sokka mamile manga mandariagga huna mappanaungngi mangitou tadea'u maddaringikka tingikku tatiala trompetta. Arawe umatta nabbisara, “I yami maddiri maddaringikka.”

YEHEZKIEL 18:13

I tou napawallassa ringannu bungane. Apa taumata aroddi wotonge mabbiakka? Tawe! I tou buatte na'ola'a anambon inolaanna apan ma'arantinna udde, wuṛṛu i tou sarun mate! Papatene eteudde pangillul᷊eannu inolaanne sassane.

YEHEZKIEL 33:9

Amungkangngu i'o mapanaungngu taumata lal᷊eo udde wuṛṛu i tou maddiri mangillol᷊o ma'ola'a al᷊al᷊eo, i tou sarun nate ere sangkatou apan marosa, arawe i'o sassane sarun masal᷊amatta.”

IMAMATTA 20:9

Mawu nangonggolu manga atoranna indi, “Taumata apan mammontoga iamangnge ara'e inangnge ṛinone iṛṛuumanna pateanna. I tou nate ana waugu sal᷊ane sassane.

WATTI'U MANGA RASUL 18:6

Arawe ana waugu manga taumata sidutu mannompolla wuṛṛu mangngal᷊uandaga si tou, ne i Paulus nangesogen awu wuassu laungnge, maola'a sambau pananaunganna si mangitou su pasasal᷊a mangitou. I tou nabbisara, “Amungkangngu i yamiu nasilaka, sal᷊anu sassane! I ya'u waggate! Manattakka orassa indi ya'u inaite ringannu manga taumata apan wal᷊ine Yahudi.”

WATTI'U MANGA RASUL 20:26

Ana waugu udde ringannu atonna i ya'u mabbisara si yamiu allo indi manungku amungkangngu su wallatti yamiu apan piaddu mate, udde wal᷊ine sal᷊a'u.

YAKOBUS 1:22

Ṛinone i yamiu tumuṛṛutta apa apan niwisaran Duata, arie tumba'u maddaringikka, na'oman sara i yamiu mangawusu watanganni yamiu sassane.