YEHEZKIEL 33:16 - WUKE SUSI WATTI'U AL᷊AL᷊USASSA

¹⁶ I Ya'u tate lai mannaungnga manga rosane apan buatte niolangne, wuṛṛu i tou sarun mabbiakka ana waugu pallal᷊agune naṛṛino wuṛṛu mapia.

YEHEZKIEL 33:16 Iomraidhean Croise

DARALO 103:9

I Tou tawe sidutu mandona, wuṛṛu tawe masa'u sarangkal᷊o'engnge.

YESAYA 1:18

Mawu nabbisara, “Wette i ite manginsue hatto indi. Salaiwe i yamiu maṛṛamu ungu ana waugu manga rosanu, i yamiu sarun Ta'u raddasanna mabbal᷊i mawira waresi naal᷊ihidda sangarenna ara'e wungkassa. Salaiwe manga rosanu manambo wuṛṛu mawakkatta, i yamiu sarun Ta'u ampunganna atonna-tonna.

YESAYA 43:25

Arawe i Ya'u Ruata apan namappassa rosanu, i Ya'u nangampungnga si'o ana waugu etearoddi apulu-U; i Ya'u tate mannaungnga rosanu.

YESAYA 44:22

Pasasal᷊anu Ta'u limbuaṛṛanna ere winabbawa, rosanu Ta'u iapasal᷊iu ere abbunga. Pabbelengke ringang-Ku, ana waugu i Ya'u buatte namallonnu!”

YEHEZKIEL 18:22

Anambon rosane sarun ampunganna; i tou sarun mabbiakka, ana waugu inolaanne suṛṛinone.

YEHEZKIEL 20:11

Poiaroddi Ta'u nionggolla si mangitou manga parenta-U wuṛṛu Ta'u niaṛṛaannu manga tita-U apan ṛinone tuṛṛutanni mangitou, ana waugu taumata apan tuttuṛṛuta sidutu sarun wiakka.

YEHEZKIEL 33:17

Arawe walahanna udde mabbisara manungku inolaang-Ku udde tawe matul᷊idda! Sumbal᷊i ete inolaanni mangitou apan tawe matul᷊idda.

ROMA 5:16

Aonggolu Ruata lai lembon anamboanne wuassu rosan taumata sangkatou udde. Ana waugu napawe sangkatou taumata na'ola'a pasasal᷊a, sinumabbangke wisara laṛṛawessa, “Nassal᷊a”. Arawe napawe manambote taumata na'ola'a rosa, dirumantate aonggolu Ruata apan namasingkata manungku, “Tawe nassal᷊a”.

ROMA 5:21

Ne, i ite ṛinone mate ana waugu i ite ma'ola'a rosa. Arawe Ruata mandangngu si ite wuṛṛu nangonggolu lal᷊anne si ite mabelengnga apia ringanni Tou. Wuṛṛu ana waugu paa'aukki ite ringannu Ruata naola'e mapia, i Tou nangonggola apia wiakka tutune wuṛṛu saran mal᷊annu-l᷊annu si ite sulal᷊ummu Yesus Kristus Mawun kite.