YEHEZKIEL 33:13 - WUKE SUSI WATTI'U AL᷊AL᷊USASSA

¹³ Wotongnge mariaddi i Ya'u buatte naddiandi sarun manal᷊amatta taumata mapia, arawe amungkangngu i tou mannattakke ma'ola'a rosa wuṛṛu uaantimma manungku i tou sarun masal᷊amatta ana waugu apapiane dorone udde, i tou nial᷊iwune. I Ya'u tate lai mannaungnga apapiane apan dorone niolangnge wuṛṛu i tou sarun mate ana waugu manga rosane.

YEHEZKIEL 33:13 Iomraidhean Croise

YEHEZKIEL 18:24

Arawe amungkangngu sangkatou apan mapia tate ma'ola'a apapia lai, ewe'e mannatakke ma'ola'a al᷊al᷊eo wuṛṛu al᷊awo'u inolaanna ma'arantinna apan inanaramanne a'olaannu taumata lal᷊eo, apa i tou sidutu wiakka? Tawe! Wuassu manga inolaanne apan mapia udde, tawe saran sambau apan naunganna apia. I tou sarun mate ana waugu na'ola'a rosa wuṛṛu tawe satia si Ya'u.

YEHEZKIEL 18:26

Amungkangngu taumata apan mapia tate ma'ola'a apapia lai, ewe'e mannatakke ma'ola'a al᷊al᷊eo, i tou sarun mate, ana waugu al᷊al᷊eo apan buatte niolange.

YEHEZKIEL 18:4

Niawa suapan taumata uddewe tatahuanang-Ku, mawae ete niawan taumata timmadde aroddi lai niawan anange. Taumata apan marosa, ete i tou apan sarun nate.

YEHEZKIEL 3:20

Amungkangngu sangkatou apan mapia manatakke ma'ola'a rosa, wuṛṛu i tou Ta'u iapasaruanna asasilaka, ne i tou sarun mate napawe i'o tawe mapanaungngi tou. I tou sarun nate ana waugu manga rosane, wuṛṛu manga inolaanne apan mapia tate Ta'u naunganna. Arawe su ola'u papatene udde sarun Ta'u ipa'iwal᷊o si'o.

YEHEZKIEL 33:18

Passa lai Ta'u isul᷊e, maungku amungkangngu taumata mapia mannattakke ma'ola'a al᷊al᷊eo, i tou sarun nate ana waugu udde.

ROMA 10:3

I mangitou wagga olangnge Ruata ma'ola'a paa'aukku taumata ringanni Tou maola'a apia. Wuṛṛu ana waugu i mangitou maapulu tumuṛṛutta apulun mangitou sassane, ne i mangitou maddiri tumuṛṛutta su lal᷊anna apan niaṛṛa'u Ruata.

FILIPI 3:9

wuṛṛu atonna-tonna uaaukka ringanni Tou. Pasasambau apan mapia ringannu Ruata tate ta'u manaranna sassane, ringannu tuttuṛṛuta titan agama. Orassa indi ya'u pia paa'aukka apan mapia ringannu Ruata, ana waugu i ya'u mangngimanna si Kristus. Nariaddi, paa'aukka apan mapia udde darantane wuassu Ruata, wuṛṛu pinangiannne ana waugu mangngimanna si Yesus Kristus.

IBRANI 10:38

Wuṛṛu pabbawala'u apan naṛṛino sarun mangngimanna wuṛṛu mabbiakka; arawe amungkangu pia wuassu wallatti mangitou apan sussoṛṛota ne i Ya'u tawe mal᷊uassa si tou.”

1 YOHANES 2:19

Manga seetti Kristus eteudde manga taumata apan suete nanantangi ite, ana waugu i mangitou su ṛinone wal᷊ine taumata su sambau ringanni ite. Amungkangu i mangitou taumata su sambau ringanni ite, i mangitou mangke uaammulla ringanni ite. Arawe i mangitou nanantangi ite, tadea'u matualage manungku tawe saran sangkatou wuassi mangitou apan atonna-tonna nasutta su reenganni ite.