YEHEZKIEL 33:11 - WUKE SUSI WATTI'U AL᷊AL᷊USASSA

¹¹ Wal᷊oa'a si mangitou manungku sulal᷊ummu arang-Ku, Ruata apan biakka, Mawu Apan Atanggaṛṛanne, i Ya'u tawe mal᷊uassa amungkangngu taumata lal᷊eo mate; arawe i Ya'u mappulu manantangngu manga rosane tadea'u i tou sidutu wiakka. Ei walahannu Israel, uddita'e ma'ola'a rosa! Anio i yamiu mappulu nate?

YEHEZKIEL 33:11 Iomraidhean Croise

2 SAMUEL 14:14

I ite sarangkanambone sarun mate; i ite indi naal᷊ihidda ua'e apan nabboso su leta'a wuṛṛu tate iaammulla apia. Ruata lai tawe mapaawiakku taumata apan natete; ana waugu udde ṛinone doronganna i Tuangku maṛṛingida tadea'u taumata niwuangnga udde sarun mapul᷊e apia.

AYUB 37:23

Wahewalla atonna taṛṛinon Duatan kite; i ite tawe mapangundani-Ne, I Tou sidutu tawe awusune wuṛṛu matul᷊idda; tawe saran paassa i Tou mangallangnga taumata.

DARALO 51:15

Ne i ya'u sarun mangaṛa'u parenta-Nu su taumata marosa, tadea'u i mangitou mabelengnga ringan-Nu.

AMSAL 1:23

Paddaringikka si ya'u amungkangu i ya'u managgu si'o, ne ete si'o sarun ta'u iapal᷊iatta'a lal᷊oṛṛon naungku wuṛṛu ta'u iaṛṛa'a asingka'u.

AMSAL 8:36

Isai tawe maasomba si ya'u, mandugi watanganne sassane; taumata apan maddantingku, mandangngu papate.”

YESAYA 21:12

I ya'u sinumimbakka, “Marua allo rumantate, arawe sarun maṛṛabbi apia. Amungkangngu mappulu maiwal᷊o, rantate paiwal᷊o apia.”

YESAYA 49:18

Pa'ellege wuṛṛu panutudde apan uaoal᷊iwutta si'o, tumana'u soanu naammulle wuṛṛu rumantate ringannu. Ana waugu i Ya'u, Ruata apan biakka, i Ya'u mabbisara, atonna i'o sarun lumuassa ana waugu tumana'u soanu, naal᷊ihidda maawingnga wawine lulluassa ana waugu alaṛṛansangnge.

YEREMIA 22:24

Mawu nabbisara si ratu Yoyakhin, ana'i Yoyakim ratun Yehuda, “Ringannu arang-Ku, Ruata apan biakka, i Ya'u mabbisara manungku salaiwe i'o si Ya'u ere sinsingnga meterai su lima uanang-Ku, arawe i'o sarun Ta'u sawutanna

YEREMIA 3:12

Mawu nandolo'u inai mamasingkattu olangnge indi su Israel: “Ei Israel apan mal᷊awangnga, pabbelengke ringang-Ku! I Ya'u napenen aakkanna wuṛṛu mangke sidutu massa'u si yamiu.

YEREMIA 3:22

Ei i yamiu sarangkanambone apan nanantangke Mawu, pabbelengke! I tou sarun mangapia si yamiu, wuṛṛu ma'ola'a si yamiu mabbal᷊i satia. I yamiu mabbisara, “Ore, orassa indi i yami rumantate ringannu Mawu, ana waugu i Tou Ruatan kami.

YEREMIA 44:7

Wuṛṛu orassa indi Ya'u, Mawu Apan Lembontaṛṛino, Ruatan Israel, maiwal᷊o anio i yamiu ma'ola'a inolaanna apan maarantan asasilaka apan bahewalla su watangannu. Apa i yamiu mappulu mamate anambon taumata – esakka, wawine, al᷊aṛṛana'a, wuṛṛu ana'a ta'e addio'a – ma'oman tawe saran sangkatou wuassu walahannu apan mallambe?

YEREMIA 44:8

Anio i yamiu ma'ola'a manga inolaanna apan maasa'u si Ya'u? I yamiu nirumanta wuṛṛu natana'a su Mesir, wanua apan awaganannu udde, wua'udde i yamiu nassubbate pa'al᷊uanna wuṛṛu nangonggollu sasamba su manga mongannu wanua udde! Apa i yamiu mappulu makkimunsa'a watangannu sassane tadea'u i yamiu heloannu anambon balahanna su runia wuṛṛu arannu ipaatta ipammontoga?

YEREMIA 46:18

I Ya'u Ruata apan biakka, i Ya'u ratu, Mawu Apan Lembontaṛṛino. Ere Wowon Tabor nanampal᷊iu manga wowone waine, wuṛṛu Wowon Karmel ual᷊iatta'a su wowon tahal᷊oangnga, etearoddi atohanne i tou rumanta mamangalo si'o.

LAL᷊ALLU 3:33

i Tou tawe ringannu naungnga mal᷊uassa mamalan kite uatataṛṛangnga wuṛṛu massusa.

YEHEZKIEL 14:6

Pasingkata'a lai su taumatan Israel manungku i Ya'u, Mawu Apan Atanggaṛṛanne nabbisara si mangitou, ‘Awal᷊ute wuassu manga rosanu, wuṛṛu tantanga'e manga paal᷊uannu apan ma'amuta udde.’

YEHEZKIEL 16:48

Sulal᷊ummu arang-Ku, Ruata apan biakka, unnu Mawu Apan Atanggaṛṛanne, tuṛṛangngu Sodom ringannu manga ampunge taambe saran paassa al᷊al᷊eone ere i'o ringannu manga ampungu.

YEHEZKIEL 18:23

Apa i'o maṛṛingidda manungku i Ya'u Mawu Apan Atanggaṛṛanne mal᷊uassa amungkangngu taumata lal᷊eo mate? Mangke tawe! I Ya'u mappulu i tou manantangngu manga rosane tadea'u i tou sidutu wiakka.

YEHEZKIEL 5:11

I Ya'u uddewe Ruata apan biakka, Mawu Apan Atanggaṛṛanne, wuṛṛu indiwe wisara-U: Ana waugu i'o buatte nandal᷊eo Wal᷊e-U ringannu al᷊awo'u inolaannu apan dal᷊eo wuṛṛu maarantinna, i Ya'u sarun makkimunsa'a si'o ringannu tawe ampunge.

DANIEL 9:13

Al᷊awo'u asasilaka apan uaweoṛṛetta sulal᷊ummu Titan Musa buatte niapaṛṛia'u Mawu si yami. Arawe salaiwe aroddi, oh Mawu Ruatan kami, i yami ta'e lai mannol᷊a'a malluassa naung-Nu. I yami sidutu maddiri manantangngu manga rosan kami wuṛṛu maddiri lai maddaringikka manga al᷊aṛṛang-Ngu.

HOSEA 11:8

Mawu nabbisara, “Ei Israel, tawe mariaddi i'o Ta'u iwala ara'e Ta'u itantangnga. Wotongngewe i'o Ta'u ṛimunsaanna ere Adma? Ara'e Ta'u olaanna ere Zeboim? Tawe maola'a naung-Ku mapaammattu olangnge udde, ana waugu darangngu-U tumaniten bahewalla si yamiu!

HOSEA 14:1

Samaria ṛinone iṛṛumanna ana waugu mandona nilumawangnga si Ya'u. Tumanangnge sarun mate sulal᷊ummu pangalo; al᷊aṛṛanangnge maradio'a sarun ilaranna, wuṛṛu manga wawine pia illoṛṛo waana tianne.”

YOEL 2:12

Mawu nabbisara, “Arawe orassa indi, pabbelengke ringang-Ku ringannu al᷊al᷊uassu naungnga, lapiddu mappuasa, sumangitta wuṛṛu lumuai.

ZEFANYA 2:9

Ringannu arang-Ku apan wiakka, Ruatan balahannu Israel, i Ya'u sarun manahangginna ma'oman sara mawaresi Moab wuṛṛu Amon ere lai Sodom wuṛṛu Gomora. Manga wanua udde sarun mapenen manga paṛṛihin asimma wuṛṛu manga tuidda tate maṛṛa'a apan tinumuwo su ṛapusi'a ṛoaanna. Lamben uma-U apan naal᷊assangnga sarun mangaṛṛo tumanangnge, wuṛṛu manganu leta'i mangitou.”

REENGANNA 14:21

Arawe i Ya'u ma'ire ringannu watangang-Ku wuṛṛu wangu i Ya'u apan biakka wuṛṛu uataṛṛino su runia indi,

REENGANNA 14:28

Iraddua ṛinone sumimbakka si mangitou arendi: Mawu nabbisara, ‘I Ya'u massalu sulal᷊ummu arang-Ku apan wiakka manungku i yamiu sarun Ta'u olaanna ere lai buatte niwisaran kamiu su saṛuang-Ku. I Ya'u, Mawu, buatte nabbisara.

WATTI'U MANGA RASUL 26:20

Ringannu uahahatti ya'u namasingkatta su manga taumata manungku i mangitou ṛinone mawal᷊u wuassu manga rosa mangitou, wuṛṛu manantillu wadangngi mangitou su Ruata see lumiatta'a sulal᷊ummu wiakki mangitou manungku i mangitou nawal᷊ute wuassu manga rosa mangitou. I ya'u namasingkattu watti'a udde paarorone su Damsyik, wua'udde su Yerusalem wuṛṛu su ahewallu Yudea wuṛṛu su wallattu manga taumata apan wal᷊ine Yahudi.

WATTI'U MANGA RASUL 3:19

Ana waugu udde manga tuṛṛangnga, awal᷊ute wuassu manga rosanu wuṛṛu pabelengke ringannu Ruata tadea'u i Tou mamapassa manga rosanu.

ROMA 14:11

Sulal᷊ummu Wuke Susi uawoṛṛetta, “Mangke atonna,” wisaran Mawu, “sangkatou-sangkatou sarun massubba su saruang-Ku; wuṛṛu sangkatou-sangkatou sarun manga'u manungku ete i Ya'u Ruata.”

1 TIMOTIUS 2:4

I Tou maapulu tadea'u anambon taumata maasomba asasal᷊amatta wuṛṛu masingkatu apapia.

2 PETRUS 3:9

Mawu tawe mal᷊iwue mangonggolu apa apan suete nipa'ire-Ne, salaiwe piaddu massunna aroddi. Arawe i Tou masabare si yamiu, ana waugu i Tou maddiri pia sangkatou apan mate. I Tou maapulu tadea'u anambon taumata mawal᷊u wuassu manga rosane.