YEHEZKIEL 33:10 - WUKE SUSI WATTI'U AL᷊AL᷊USASSA

¹⁰ Mawu nabbisara si ya'u, “Ei taumata apan mattate, sul᷊ea'a su taumatan Israel wisaram mangitou indi, ‘I yami maṛṛasa ana waugu uapasanna rosa wuṛṛu al᷊al᷊eong kami. Ereapa i yami wotongne mabbiakka?’

YEHEZKIEL 33:10 Iomraidhean Croise

2 TAWARIKH 34:24

‘I Ya'u sarun makkumannu Yerusalem wuṛṛu tumanangnge sarangkanambone ringannu tatal᷊a apan uawoṛṛetta sulal᷊ummu wuke udde apan buatte niwasa su saruannu ratu.

EZRA 9:15

Mawu, Ruatan Israel! I'o matul᷊idda, salaiwe aroddi I'o namalan kami wiakka. I yami tawe su tampane sumaruanna aṛṛa'uan-Nu.”

DARALO 130:7

Pangantimpe Mawu, ei al᷊aṛṛanang-Nge, ana waugu i Tou sidutu marangngu, wuṛṛu sidutu uasaddiate manal᷊amatta.

YESAYA 49:14

Arawe tumana'u Yerusalem nabbisara, “Mawu buatte nanantangngi ite, Mawu naabul᷊iten kite.”

YESAYA 51:20

Suapan pentakku lal᷊anna manga taumatanu nal᷊iundu'a niasueannu ikkatta ere rusa apan nul᷊ussa su pu'itta. I mangitou naṛṛiaannu asasa'u Mawu, wuṛṛu naṛṛinoannu lal᷊imbuakku Ruatanu.

YEREMIA 2:25

Israel, imbaṛṛangnga i'o tumal᷊angnga mangenggenna manga monganna, wuṛṛu imbaṛṛangnga mangintul᷊i mamaggo si mangitou, sal᷊immurine leddanu mal᷊essa wuṛṛu tonggol᷊annu mamara ana waugu marou. ‘Tawe, i ya'u tawe suṛṛinone maawelengnga,’ i'o mabbisara, ‘ana waugu i ya'u marangngu manga monganna, wuṛṛu mappulu tumantalongnga si mangitou.’ ”

YEHEZKIEL 18:19

Arawe asinungka pia taumata apan maiwal᷊o anio ana'a udde tawe lai suadio'a mamasanna pangillul᷊eannu manga rosan iamange. Sasimbakke eteudde, ana waugu ana'a udde mapia wuṛṛu tawe awusune. I tou matuṛṛutta su manga tita-U wuṛṛu mappaamatta ringannu satia, ne i tou sidutu wiakka.

YEHEZKIEL 24:23

I yamiu sarun tawe umamatta ringannu tawe tatindungu pua ara'e apampakku ledda, tawe lumallu ara'e lumuai. I yamiu sarun lembon maṛṛasa ana waugu manga rosanu; i yamiu sarun sumal᷊iomanna sangkatou ringannu waine.

YEHEZKIEL 37:11

Ruata nabbisara si ya'u, “Ei taumata apan mattate, manga duṛṛi indi atappasanne walahannu Israel. I mangitou sussal᷊iomanna manungku i mangitou naaiga, tawe antimma wuṛṛu tate allo addantane.

YEHEZKIEL 4:17

I mangitou sarun masusa ana waugu asueannu roti wuṛṛu ua'e, wuṛṛu panginsueanne i mangitou mate ana waugu manga rosa mangitou.”

IMAMATTA 26:16

i yamiu sarun Ta'u iṛṛuumanna. I Ya'u sarun mandantan asasilaka si yamiu, radda'a wuṛṛu sal᷊iubba apan tawe ia'undamma, ma'oman sara matanu mabbal᷊i wuta wuṛṛu i yamiu mabbiakka sansara. I yamiu sarun mabbailla arawe tawe maal᷊ewa hessine, ana waugu manga seennu sarun dumanta mamaddon kamiu wuṛṛu manginsue sinuanannu.

IMAMATTA 26:39

Sambageanganna addio'a wuassi yamiu apan ta'e wiakka su wanuan seennu sarun masusa ana waugu rosan sassane wuṛṛu rosan al᷊amonanu.