YEHEZKIEL 32:7 - WUKE SUSI WATTI'U AL᷊AL᷊USASSA

⁷ Sutempo i Ya'u mamate si'o, langitta sarun Ta'u oosanna wuṛṛu manga anumpitanna Ta'u paddumanna. Matannallo sarun Ta'u iwuni sulal᷊ummu winabbawa wuṛṛu wul᷊anna tate semakke.

YEHEZKIEL 32:7 Iomraidhean Croise

AYUB 9:7

Ruata wotongnge maningaddu matannallo sumabbangnga sutempo marua allo, wuṛṛu maningaddu anumpittanna ṛumena ṛabbi.

AMSAL 13:9

Taumata susi naal᷊ihidda semakka lullansiangnga; taumata lal᷊eo naal᷊ihidda sol᷊o nappadumma.

MANNANASE 12:2

Napewe nia'omante tempo udde matanu tate lai masemakka, na'oman sara mal᷊abbukke semakku matannallo, wul᷊anna wuṛṛu anumpitanna. Winabbawa pia rallamme uaapiddu uranna, sidutu uarundinganna si'o ere asasilaka.

YESAYA 13:10

Suapan anumpitanna wuṛṛu ammul᷊annu anumpitanna sarun umaddo manemakka; matannallo sarun maddandumma sutempo i tou sumabbangnga, wuṛṛu wul᷊anna sarun tate semakke lai.

YESAYA 34:4

Matannallo, wul᷊anna wuṛṛu manga anumpitanna sarun maṛṛimunsa'a. Langitta sarun lul᷊unanna ere lul᷊unnu suratta. Manga anumpitanna sarun manawo ere manga rongnga apan natontongnga wuassu alune.

YEREMIA 13:16

Mawu Ruatanu ṛinone wantuhannu tantal᷊anna i Tou taambe nandantan ararandumma, wuṛṛu leddanu matara su panenteanna, su taambe asasemakka apan aantimannu waluan-Ne mabbal᷊i wasatuudda.

YEHEZKIEL 30:18

Sutempo i Ya'u manginsue awawantugu Mesir wuṛṛu manganu taṛṛinone apan ipammungane, Tahpanhes sarun oopannu ararandumma wuṛṛu manga wawinene sarun sametanna.

YEHEZKIEL 31:15

Etearendi wisara Mawu Apan Atanggaṛṛanne, “Amungkangngu aaluanna udde sinumossokka su runian taumata nate, i Ya'u mandolokku ua'e sulal᷊ummu leta'a maṛṛamone tatialan lullal᷊o. I Ya'u sarun manaṛṛangnga ua'en sal᷊ukka wuṛṛu maṛṛapinga manga sungene. Ana waugu aaluanna udde natete, i Ya'u sarun mandantan ararandumma su manga wowonen Libanon wuṛṛu mapatolangngu anambon aaluanna su mahurangne.

YEHEZKIEL 34:12

maola'a sangkatou mallal᷊u'adda ṛinone maddea'a wuṛṛu mangammullu manga dombane apan nassal᷊iawukka ana see mamadul᷊i si mangitou. I mangitou sarun Ta'u iapidda mapul᷊e wuassu al᷊awo'u tampa i mangitou nassal᷊iawukka su allo apan marandumma wuṛṛu lal᷊eo udde.

YOEL 2:10

Tantal᷊anna i mangitou inai, runia nangindo, wuṛṛu langitta lai mangngiladda. Ana see naddandumpe matannallo wuṛṛu wul᷊anna, wuṛṛu semakku manga anumpitanna nawul᷊ite.

YOEL 2:2

Allo udde marandumma wuṛṛu wasa, napenen ṛawu'a apan mal᷊abbukka. Tantaran saṛṛappalanna mangke pasi ranta naal᷊ihidda winabbawa apan namare su puiddu panenteanna. Araradiana ereudde taambe saran paassa pia, wuṛṛu tawe masul᷊e apia saran mal᷊annu-l᷊annu.

YOEL 2:31

Matannallo sarun mabbal᷊i marandumma wuṛṛu wul᷊anna mabbal᷊i maṛṛamu ere daṛṛa. Sarangkanambone udde sarun mariaddi tantal᷊anna Allon Mawu taambe nia'omanna, allo apan wahewalla wuṛṛu maata'utta!

YOEL 3:15

Matannallo wuṛṛu wul᷊anna mabbal᷊i marandumma, wuṛṛu manga anumpitanna tate lai semakke.”

AMOS 8:9

Sarun a'omanna tempone i Ya'u sarun mapaatuppu matannallo sutempo allattune wuṛṛu runia mabbal᷊i marandumma sutempo allo. I Ya'u, Mawu Apan Atanggaṛṛanne, buatte nabbisara.

MATIUS 24:29

“Tawe nal᷊annu wuassu asasusa su tempo udde, matannallo sarun maddandumma, wuṛṛu wul᷊anna tate lai semakke. Manga anumpitanna sarun manawo wuassu langitta, wuṛṛu manga tembonannu winalanganna sarun massal᷊iawukka.

MARKUS 13:24

“Napawe tempon asasusa udde nal᷊iudde, matannallo sarun maddandumma, wuṛṛu wul᷊anna tate lai semakke.

LUKAS 21:25

“Paṛṛadote, su matannallo, wul᷊anna, wuṛṛu manga anumpitanna sarun asiloanna manga tatialane. Su runia, manga taumata sarun matta'utta wuṛṛu ma'al᷊iwu sumaruanna wallada wuṛṛu tingikku lua'a.

SONDAPPA 8:12

See mala'ekatta aiappane nattiuppa trompeti tou. Ne niapuulle sepertiga wuassu matannallo, sepertiga wuassu wul᷊anna, wuṛṛu sepertiga wuassu manga anumpitanna, na'oman sara nawul᷊ite sepertiga wuassu semakki mangitou. Wuṛṛu lai sepertiga wuassu allo tawe maasemakka wuṛṛu aroddi lai sepertiga wuassu ṛabbi.