YEHEZKIEL 32:26 - WUKE SUSI WATTI'U AL᷊AL᷊USASSA

²⁶ Mesekh wuṛṛu Tubal isudde lai, papal᷊iwutannu holangu manga tantara mangitou. Ringannu tawe nisunatta, i mangitou sarangkanambone nate sulal᷊ummu pangalo. Sutempo wiakka, i mangitou mammata'utta su runia.

YEHEZKIEL 32:26 Iomraidhean Croise

PANDARIADDI 10:12

wuṛṛu Resen apan addone su wallatu Niniwe wuṛṛu Kalah. Sarangkanambone udde manga soa wahahewalla.

PANDARIADDI 10:2

Al᷊aṛṛana'i Yafet eteudde i Gomer, i Magog, i Madai, i Yawan, i Tubal, i Mesekh wuṛṛu i Tiras.

1 TAWARIKH 1:5

Al᷊aṛṛana'i Yafet eteudde i Gomer, i Magog, i Madai, i Yawan, i Tubal, i Mesekh wuṛṛu i Tiras. Ete i mangitou udde al᷊amonan apan nisaggo tumuṛṛuttu aranni mangitou.

YESAYA 66:19

I Ya'u sarun mangaddon sambau tatiala su pattangnganni mangitou. Sambageanganna addio'a suwallatti mangitou Ta'u iapaasal᷊amatta. I mangitou sarun Ta'u irolokka ringannu manga walahanna su manga wanua marau apan taambe saran paassa naaringikka si Ya'u ara'e naasilo awawantuga wuṛṛu taṛṛino-U: watukku Spanyol, Libia, wuṛṛu Lida ringannu manga mamamitingnge apan masiṛṛongnga, watukku Tubal wuṛṛu Yunani. I mangitou sarun mamasingkattu awawantu-Ku su pattangngannu manga walahanna udde.

YEHEZKIEL 27:13

I'o mabbal᷊u'a watukku Yunani, su Tubal, wuṛṛu su Mesekh, wuṛṛu naola'a wawaekke i'o nanengkamma wuassi mangitou manga allangnga wuṛṛu manga saranapa wuassu witu'a.

YEHEZKIEL 32:27

I mangitou tawe nilabbingnga ringannu mawantuga ere pahlawanna sutempo dorone apan sinumossokka su runian taumata nate ringannu ahidda nasuungnga. Manga pahlawanna udde nilabbinga ringannu hal᷊ele aillul᷊unanna wuṛṛu allungnga uarandanga su ro'o Sutempo ta'e wiakka, manga pahlawanna udde matohassa na'oman sara mammata'utta al᷊awo'u taumata.

YEHEZKIEL 32:32

Ete i Ya'u apan na'ola'a ratu Mesir napasabbangu atata'utta su manga taumata apan wiakka, arawe i tou wuṛṛu tantarane sarun mawiṛṛua wuṛṛu iapal᷊allowanga suadio'a ringannu anambon taumata apan waggan Duata wuṛṛu nate sull᷊ummu pangalo. I Ya'u Mawu Apan Atanggaṛṛanne buatte nabbisara.”

YEHEZKIEL 39:1

Mawu Apan Atanggaṛṛanne nabbisara, “Ei taumata apan mattate, wansaha'e i Gog, ratu mawantuga wuassu manga wanua Mesekh wuṛṛu Tubal, wuṛṛu wal᷊oa'e si tou manungku i Ya'u indi seenne.