YEHEZKIEL 32:24 - WUKE SUSI WATTI'U AL᷊AL᷊USASSA

^24-25 Elam poiaroddi lai ringannu holangngu tantarane uapal᷊iwutta si tou. Tawe nisunatta, i mangitou sarangkanambone nate sulal᷊ummu pangalo, ana see nilumintukke su runian taumata nate. Sutempo wiakka, i mangitou mammata'utta, arawe orassa indi i mangitou natete wuṛṛu ṛinone mamasanna asasili suadio'a ringannu manga taumata apan natete sulal᷊ummu pangalo.

YEHEZKIEL 32:24 Iomraidhean Croise

PANDARIADDI 10:22

Al᷊aṛṛana'i Sem eteudde i Elam, i Asyur, i Arpakhsad, i Lud wuṛṛu i Aram.

PANDARIADDI 14:1

Siri appata ratu, eteudde: i Amrafel wuassu Babilonia, i Ariokh wuassu Elasar, i Kedorlaomer wuassu Elam, wuṛṛu i Tideal wuassu Goyim

1 TAWARIKH 1:17

Manga ana'i Sem esakka eteudde i Elam, i Asyur, i Arpakhsad, i Lud, i Aram, i Us, i Hul, i Geter wuṛṛu i Mesekh. I mangitou udde al᷊amonan manga walahanna apan nisaggo tumuṛṛuttu aranni mangitou.

AYUB 28:13

Asingkatta tawe su pattangngannu taumata; taweddu maasingkattu aregane apan atonna.

DARALO 142:5

Sutempo i ya'u nanaile sandiṛṛanna, i ya'u naasilo tawe sasumbala si ya'u. Taweddu mallu'adda si ya'u, ara'e piaddu ma'ellega si ya'u.

YESAYA 11:11

Su allo udde Mawu sarun paassa lai mappaattu taṛṛino-Ne mangapidda mapul᷊e uman-Ne lambene su Asyur wuṛṛu su Mesir, su manga wanua Patros, Sudan wuṛṛu Elam, su Babel, Hamat wuṛṛu manga taṛṛanusa apan marau.

YESAYA 38:11

Wisara'u, i ya'u tate lai ma'ellega Mawu su runia, ara'e ma'ellega taumata su runia indi.

YEREMIA 11:19

I ya'u naal᷊ihidda domba apan ringannu tawe antimma lal᷊eo niapidda sutampa pamamototanna. I ya'u wagga manungku ete i ya'u apan maola'a punnu manga hol᷊agi mangitou apan dal᷊eo udde. I mangitou nabbisara, “Wette i ite manuwangnga alu indi tantal᷊anna i tou ta'e mangngonggollu wuane; i ite mamate si tou tadea'u aranne abbul᷊ianannu taumata.”

YEHEZKIEL 16:54

Ringannu aroddi i'o sarun masili su watangannu sassane, wuṛṛu al᷊al᷊eonu sarun mapal᷊iatta'a su manga tuṛṛangngu aroddi apiane pal᷊addi mangitou.

YEHEZKIEL 26:20

Ana see i'o Ta'u iiringnga watukku runian taumata nate tadea'u iapaammulu manga taumata wuassu tempon al᷊amona. Ta'u iwala i'o mamanua su runian taumata nate udde, su pattangngannu lanna'u winalalanna sarangkalo'engnge, suadio'a ringannu taumata nate. Ne letangngu tate atanaanna apia, wuṛṛu i'o tate ireengnga suwallattu taumata wiakka.

YEHEZKIEL 31:14

Sarangkanambone udde mariaddi tadea'u manattakka orassa indi, tate lai aaluanna apan tumuwo atanggakke ereudde; tate lai puiddu aal᷊uanna apan maddatingngu winabbawa salaiwe maasomba ua'e manambo-nambo. Sarangkanambone sarun mate ere taumata apan mattate, wuṛṛu maammullu manga taumata apan buatte sinumossokka su runian taumata nate.”

YEHEZKIEL 31:18

Aaluanna udde sasummandingngu ratu Mesir wuṛṛu walahanne. Tawe aaluanna su Eden apan aroddi atanggakke wuṛṛu mawantuga. Arawe orassa indi, ere manga aaluanna lai su Eden, aaluanna udde lai sarun sumossokka watukku runian taumata nate wuṛṛu maammulli mangitou apan tawe maaillal᷊a Ruata wuṛṛu ringanni mangitou apan nate sulal᷊ummu pangalo. I Ya'u, Mawu Apan Atanggaṛṛanne buatte nabbisara.”

YEHEZKIEL 32:18

“Ei taumata apan mattate, lallal᷊ote su lal᷊oṛṛon soa su Mesir. Doloṛṛa'e i mangitou watukku runian taumata nate suadio'a ringannu manga wanua apan matohassa waine.

YEHEZKIEL 32:19

Wal᷊oa'e si mangitou, ‘Su sunnanu ete i yamiu apan aṛṛamahanne? I yamiu sarun lumintikka su runian taumata nate, wuṛṛu iapal᷊allowanga suwallattu manga taumata apan tawe maaillal᷊a Ruata.’

YEHEZKIEL 32:21

Manga pahlawanna apan waṛṛani wuṛṛu manga taumata apan napapangalo nanamba'a Mesir mannal᷊oho ringannu lulluassa darantan taumata Mesir su runian taumata nate. I mangitou u'ui arendi, ‘Manga taumata apan waggan Duata udde natete sulal᷊ummu pangalo. Orassa indi i mangitou nirumantate isindi wuṛṛu tinumatterete isindi!’

YEHEZKIEL 32:30

Anambon parinsi wuassu sawannakka udde poiaroddi, aroddi lai manga taumatan Sidon. Dorone taṛṛino mangitou nandatan atata'utta, arawe orassa indi i mangitou niapaasili wuṛṛu ringannu tawe nisunatta sinumossokka su runian taumata nate suadio'a ringannu manga taumata nate sulal᷊ummu pangalo. Poiaroddi i mangitou ual᷊allowangnga wuṛṛu uapasanna pasasal᷊a su sampunna ringannu manga taumata apan sinumossokka su runian taumata nate.

YEHEZKIEL 34:29

I Ya'u sarun mapaasuwukku manga wawail᷊anni mangitou ma'oman sara tate tempon ṛutumma lai su wanua udde. I mangitou tate al᷊uandahannu manga walahanna waine.

YEHEZKIEL 36:15

Tate gunane lai leta'a indi maddaringikka aal᷊uandagu manga walahanna ara'e mamasanna hahelon taumata. Leta'a indi tate lai maaradda'a walahanna apan uatana'a isudde. I Ya'u Mawu Apan Atanggaṛṛanne buatte nabbisara.’ ”

YEHEZKIEL 39:26

Napawe i mangitou matana'e apia ringannu matammudda su wanua mangitou sassane, tate saran sangkatou apan mamansaggi mangitou, i mangitou sarun maabul᷊i ereapa i mangitou buatte nipansilianna ana waugu nallobbossa si Ya'u.

YEHEZKIEL 44:13

I mangitou imbaṛṛanga lai mangimbe si Ya'u maola'a sangkatou imam ara'e mangeṛṛetta apa apan na'ukkassa si Ya'u, ara'e sumutta su tampa Apan Lembonsusi. Eteudde ṛuumanna ana waugu manga inolaanna apan maarantinna apan buatte niola'i mangitou.

DANIEL 8:2

Sulal᷊ummu sondappa udde inauranna i ya'u poite su propinsi Elam, su Susan, inangu soa Persia. I ya'u uarisikka maranin Sal᷊ukku Ulai,

HABAKUK 2:16

Orassa indi nia'omante i'o pansilianna, wuṛṛu wal᷊ine tadea'u aadatanna. Aadannu sarun mawal᷊u mabbal᷊i aal᷊uandaga. Mawu sarun mamatangngu ma'inumma wuassu cawanna apan lal᷊oṛṛoannu ṛuumanna si'o. I'o sarun ma'inumma wuṛṛu sumassedekka.

MATIUS 11:23

Wuṛṛu i yamiu, Kapernaum! Apa i yamiu sarun iapaatanggakka ma'oman sara surga? Tawe! Ewe'e i yamiu sarun iwontolla su naraka! Ana waugu unnu wisara manga al᷊aṛṛindu'a apan niola'a su pattangnganni yamiu udde suete niola'a su Sodom, saran orassa indi ta'e pia Sodom!