YEHEZKIEL 32:19 - WUKE SUSI WATTI'U AL᷊AL᷊USASSA

¹⁹ Wal᷊oa'e si mangitou, ‘Su sunnanu ete i yamiu apan aṛṛamahanne? I yamiu sarun lumintikka su runian taumata nate, wuṛṛu iapal᷊allowanga suwallattu manga taumata apan tawe maaillal᷊a Ruata.’

YEHEZKIEL 32:19 Iomraidhean Croise

YEHEZKIEL 28:10

I'o sarun mate ere lai taumata dal᷊ebone ana waugu nipaten taumata raho apan tawe maaillal᷊a Ruata. I Ya'u, Mawu Apan Atanggaṛṛanne buatte nabbisara.”

YEHEZKIEL 31:18

Aaluanna udde sasummandingngu ratu Mesir wuṛṛu walahanne. Tawe aaluanna su Eden apan aroddi atanggakke wuṛṛu mawantuga. Arawe orassa indi, ere manga aaluanna lai su Eden, aaluanna udde lai sarun sumossokka watukku runian taumata nate wuṛṛu maammulli mangitou apan tawe maaillal᷊a Ruata wuṛṛu ringanni mangitou apan nate sulal᷊ummu pangalo. I Ya'u, Mawu Apan Atanggaṛṛanne buatte nabbisara.”

YEHEZKIEL 31:2

“Ei taumata apan mattate, wal᷊oa'e tanata-U indi su ratu Mesir wuṛṛu su anambon balahanne: Tumaniten bahewalla awawantugu! Taweddu wotongnge maola'a ro'ammu!

YEHEZKIEL 32:21

Manga pahlawanna apan waṛṛani wuṛṛu manga taumata apan napapangalo nanamba'a Mesir mannal᷊oho ringannu lulluassa darantan taumata Mesir su runian taumata nate. I mangitou u'ui arendi, ‘Manga taumata apan waggan Duata udde natete sulal᷊ummu pangalo. Orassa indi i mangitou nirumantate isindi wuṛṛu tinumatterete isindi!’

YEHEZKIEL 32:24

Elam poiaroddi lai ringannu holangngu tantarane uapal᷊iwutta si tou. Tawe nisunatta, i mangitou sarangkanambone nate sulal᷊ummu pangalo, ana see nilumintukke su runian taumata nate. Sutempo wiakka, i mangitou mammata'utta, arawe orassa indi i mangitou natete wuṛṛu ṛinone mamasanna asasili suadio'a ringannu manga taumata apan natete sulal᷊ummu pangalo.

YEHEZKIEL 32:26

Mesekh wuṛṛu Tubal isudde lai, papal᷊iwutannu holangu manga tantara mangitou. Ringannu tawe nisunatta, i mangitou sarangkanambone nate sulal᷊ummu pangalo. Sutempo wiakka, i mangitou mammata'utta su runia.

1 SAMUEL 17:26

Ana see i Daud nabbisara, “Waṛṛani atonna taumatan Filistin apekka udde mannal᷊u'atta tantaran Duata apan biakka!” Wua'udde ya'u naiwal᷊o su sangkatou tantara, “Apate apan sarun ionggolla su taumata apan naapate taumatan Filistin udde wuṛṛu namappassa aal᷊uandaga wuassu Israel?”

1 SAMUEL 17:36

Allangngu buatte namate singa wuṛṛu beruangnga, wuṛṛu taumatan Filistin apekka udde lai sarun ta'u pateanna ere manga winatangnga udde, ana waugu i tou waṛṛani mangal᷊uandaga tantaran Duata apan biakka.