YEHEZKIEL 32:18 - WUKE SUSI WATTI'U AL᷊AL᷊USASSA

¹⁸ “Ei taumata apan mattate, lallal᷊ote su lal᷊oṛṛon soa su Mesir. Doloṛṛa'e i mangitou watukku runian taumata nate suadio'a ringannu manga wanua apan matohassa waine.

YEHEZKIEL 32:18 Iomraidhean Croise

DARALO 30:9

Ete Si'o, oh Mawu, i ya'u ma'ial᷊are, ete su Mawu i ya'u sussal᷊ande,

DARALO 63:9

I ya'u uaṛṛaggo Si'o ma'ikka-ikkata, lima-Nu ua'ehetta si ya'u.

YESAYA 14:15

Wutte'e i'o niwontolla su wageangnge apan alal᷊umanne wuassu runian taumata nate.

YESAYA 16:9

Orassa indi i ya'u lulluaiten baillu anggori Sibma ere lai i ya'u lulluain Yaezer. Allo mata'u tinumuro ana waugu Hesybon wuṛṛu Eleale, ana waugu hessin sinuananne ni'annu seetta sara nasue.

YEREMIA 1:10

Allo indi i Ya'u mangonggolla si'o taṛṛino su manga walahanna wuṛṛu manga araratuanna – taṛṛino ipanuwangnga wuṛṛu ipangema'a, tadea'u ipamaddo wuṛṛu ipamate, iapararisikka wuṛṛu ipassuanna.”

YEHEZKIEL 26:20

Ana see i'o Ta'u iiringnga watukku runian taumata nate tadea'u iapaammulu manga taumata wuassu tempon al᷊amona. Ta'u iwala i'o mamanua su runian taumata nate udde, su pattangngannu lanna'u winalalanna sarangkalo'engnge, suadio'a ringannu taumata nate. Ne letangngu tate atanaanna apia, wuṛṛu i'o tate ireengnga suwallattu taumata wiakka.

YEHEZKIEL 31:14

Sarangkanambone udde mariaddi tadea'u manattakka orassa indi, tate lai aaluanna apan tumuwo atanggakke ereudde; tate lai puiddu aal᷊uanna apan maddatingngu winabbawa salaiwe maasomba ua'e manambo-nambo. Sarangkanambone sarun mate ere taumata apan mattate, wuṛṛu maammullu manga taumata apan buatte sinumossokka su runian taumata nate.”

YEHEZKIEL 31:16

Sutempo aaluanna udde Ta'u niapasossokka su runian taumata nate, tingikku aemangnge sarun mangio'u manga walahanna. Anambon aaluanna su Eden wuṛṛu manga aaluanna apan nipile su Libanon apan naasomba ua'e manambo-nambo, wuṛṛu apan sinumossokke su runia al᷊iuwowane sarun lumuassa ringannu aema'u aaluanna udde.

YEHEZKIEL 32:12

Manga tantara wuassu manga walahanna apan maṛṛagissa sarun Ta'u irolokka manawutta hal᷊ele mangitou sarun maṛṛata anambon tumanangngu. Tumanangngu wuṛṛu al᷊awo'u apa apan ipammunganu sarun mawul᷊i maṛṛimunsa'a.

YEHEZKIEL 32:16

Tatagu apan maṛṛagissa indi sarun maola'a aantarin lall᷊al᷊o. Manga wawine wuassu manga walahanna waine sarun mangantari maola'a tatiala lullal᷊o su Mesir wuṛṛu anambon tumanangnge. I Ya'u, Mawu Apan Atanggaṛṛanne buatte nabbisara.”

YEHEZKIEL 32:2

“Ei taumata apan mattate, onggol᷊e'on tatagu apan maṛṛagissa su ratu Mesir. Wal᷊oa'e tanata-U indi si tou, ‘I'o nattanno ere singa parangganga suwallattu manga walahanna, arawe i'o naal᷊ihidda wuala apan mannalangnga sulal᷊ummu ua'e. Leddanu mallabukka wuṛṛu mannapadda al᷊awo'u sal᷊ukka.

YEHEZKIEL 32:21

Manga pahlawanna apan waṛṛani wuṛṛu manga taumata apan napapangalo nanamba'a Mesir mannal᷊oho ringannu lulluassa darantan taumata Mesir su runian taumata nate. I mangitou u'ui arendi, ‘Manga taumata apan waggan Duata udde natete sulal᷊ummu pangalo. Orassa indi i mangitou nirumantate isindi wuṛṛu tinumatterete isindi!’

YEHEZKIEL 43:3

Aellega uasul᷊ungnga ere lai ta'u niasiloanna sutempo Ruata nirumanta makkimunsa'a Yerusalem, wuṛṛu ere lai ta'u niasiloanna su Sal᷊ukku Kebar. Ana see i ya'u naṛṛa'a wuṛṛu niumal᷊intudda.

HOSEA 6:5

Ana waugu udde i Ya'u nandolokku manga nabi-U iapapasingkatta si yamiu laṛṛawe-U manungku i yamiu ṛinone iṛṛuumanna wuṛṛu pateanna. Apan ipaapulu-U wuassi yamiu nasemakke wuṛṛu natualage:

MIKHA 1:8

Ana waugu udde i ya'u, Mikha, massusa naungnga wuṛṛu sussal᷊iomanna. I ya'u sarun umamatta ringannu tawe laubba wuṛṛu tawe sapatu tadea'u iapal᷊iatta'a aroddi asusane naungku. I ya'u sarun tumawanna ere asun ahuranganna wuṛṛu maggontol᷊anna, ere manu'a unta.

MATIUS 11:23

Wuṛṛu i yamiu, Kapernaum! Apa i yamiu sarun iapaatanggakka ma'oman sara surga? Tawe! Ewe'e i yamiu sarun iwontolla su naraka! Ana waugu unnu wisara manga al᷊aṛṛindu'a apan niola'a su pattangnganni yamiu udde suete niola'a su Sodom, saran orassa indi ta'e pia Sodom!

LUKAS 19:41

Su tempo Mawu Yesus maraniten Yerusalem, wuṛṛu naasilote soa udde, i Tou nilumuain Yerusalem.

ROMA 12:15

Lalluasse su sambau ringannu manga taumata apan lulluassa, wuṛṛu luaite ringanni mangitou apan lulluai.