YEHEZKIEL 31:3 - WUKE SUSI WATTI'U AL᷊AL᷊USASSA

³ I'o naal᷊ihidda cemaran Libanon apan maṛṛansangnga napenen rannane apan uasaṛṛihalo maṛṛamaga. Alune matul᷊idda wuṛṛu matolengnga otongnge naddatingngu winabbawa.

YEHEZKIEL 31:3 Iomraidhean Croise

DARALO 92:12

I ya'u naasilo ararugin manga see'u, manga taumata apan buatte nilumawanga si ya'u, hol᷊agi mangitou apan lal᷊eo niaringiṛṛangkute.

YESAYA 37:24

I'o nandolokku daroloṛṛanna iapatal᷊imoṛṛonganna manungku ringannu manambo keretan pangalonu, i'o buatte namaddon manga wowone matanggakka su Libanon. I'o mammunga manungku i'o buatte nanuwangnga manga punnu cemara apan atanggaṛṛanne wuṛṛu maṛṛamaga, lapiddu sinumuṛṛi su manga mahurangnge apan aappal᷊anne.

YEREMIA 17:8

I tou naal᷊ihidda aal᷊uanna su winggin sal᷊ukka apan mangngelekka; ṛamunne tinumundo naddatingngu ua'e. I tou tawe mata'uttu tempom paddissa, manga rongngane sidutu mangngelomma. Salaiwe wanua niaṛṛiaannu tandiawa, i tou tawe suminggawangnga ana waugu i tou sidutu mabbua.

YEREMIA 50:18

Ana waugu udde, i Ya'u, Mawu Apan Lembontaṛṛino, Ruatan Israel, sarun makkuumanni Ratu Nebukadnezar wuṛṛu wanuane ere lai Ya'u nakkuumannu ratun Asyur.

YEHEZKIEL 17:22

Eteindi apan niwisara Mawu Apan Atanggaṛṛanne, “Wuassu punnu alu cemara apan al᷊angkasanne, sarun ta'u sappoanna lal᷊uwone see Ta'u paddianna sambau rannane apan ta'e wakku; Ta'u isuanna ranna udde su wowone apan manunggakka watukku winabbawa.

YEHEZKIEL 19:11

Pengane matohassa, tawe hampa paddianna ṛinone olaanna ta'innu araratuanna. Puidde matanggakka uatantingnga mangamete manga winabbawa. I tou iaatiangngan awadaalla ana waugu i tou matanggakka wuṛṛu rongngane maappala.

YEHEZKIEL 31:10

Ana waugu udde, i Ya'u, Mawu Apan Atanggaṛṛanne, namasingkatta si'o apa apan sarun mariaddi su aal᷊uanna apan otongnge naddatingngu winabbawa udde. Ana waugu lembon matanggakka, i tou aatambanna wungane.

YEHEZKIEL 31:16

Sutempo aaluanna udde Ta'u niapasossokka su runian taumata nate, tingikku aemangnge sarun mangio'u manga walahanna. Anambon aaluanna su Eden wuṛṛu manga aaluanna apan nipile su Libanon apan naasomba ua'e manambo-nambo, wuṛṛu apan sinumossokke su runia al᷊iuwowane sarun lumuassa ringannu aema'u aaluanna udde.

YEHEZKIEL 31:17

I mangitou sarun manantuṛṛutta watukku runian taumata nate wuṛṛu maammulli mangitou apan nanawote dorone. Wuṛṛu sarangkanambone apan dorone ua'ianna su al᷊ungngu aal᷊uanna udde sarun isal᷊iawukka suwallattu manga walahanna.

YEHEZKIEL 31:5

Ana waugu ua'ene tawe mahaingnga, tatuwone masuwukka, rannane masallakka wuṛṛu mal᷊o'engnga. Wuassu al᷊awo'u aal᷊uanna su manga mahurangnge, ete i tou apan al᷊angkasanne uasampal᷊iu.

YEHEZKIEL 31:6

Al᷊awo'u manu'u winalanganna massal᷊akka su angkanaene. Winatangnga matengnga naṛṛana'a su al᷊ungne. Anambon balahanna wahewa su ahewallu runia inuma'ianna su al᷊unge.

YEHEZKIEL 31:8

Manga punnu cemara su Eden, wawail᷊annu Ruata tawe iasul᷊ungngi tou. Tawe cemara apan botongne maal᷊awangnga si tou, tawe aal᷊uanna apan aroddi al᷊o'engnge rannane. Atonna, su wawail᷊annu Ruata tawe aal᷊uanna aṛṛansangnge ere i tou.

YEHEZKIEL 32:22

Asyur tinumatterete poiaroddi, tatalliwunannu holangngu manga tantarane. I mangitou sarangkanambone natete sulal᷊ummu pangalo. Labbingi mangitou udde su wageangnge apan al᷊al᷊umanne su runian taumata nate. Sutempo ta'e wiakka, i mangitou mammata'utta su runia.

DANIEL 4:10

Sutempo i ya'u tantalanna mattiilla, i ya'u naasilo sambau aaluanna apan tinumuwo su pattangngannu runia.

DANIEL 4:12

Manga rongngane nangelomma wuṛṛu wuane mangke nabbelle'a, mattiudda annanannu anambon tumana'a su ahewallu runia. Manga winatangnga matengnga ual᷊lowangnga su al᷊ungnge wuṛṛu manga manu'u winalanganna massal᷊akka su manga rananne. Wuṛṛu al᷊awo'u riaddianna mabbiakka wotongnge umanna wuane.

DANIEL 4:7

Arawe sutempo manga taṛṛa si'atta, taṛṛa ropa, manga taumata pia asingkanne wuṛṛu mapapanden anumpitanna udde nirumanta wuṛṛu ta'u niwatti'a wal᷊iawa'u udde si mangitou, tawe saran sangkatou apan wontongnge manal᷊a'an atappasanne.

ZEFANYA 2:13

Wua'udde Mawu sarun mappaattu taṛṛino-Ne ipakkimunsa'a Asyur. Soa Niniwe sarun olaanna mal᷊annabba wuṛṛu wadda'a apan lol᷊okka.

ZAKARIA 11:1

Ei Libanon, wu'ate manga ngaranu, tadea'u putungnga manoṛṛobba manga alu arasi yamiu!

ZAKARIA 11:2

Ei punnu daru, lalluaite, ana waugu naṛṛaate manga punnu alu cemara, manga aaluanna apan matohassa nawansalle. Ei manga aaluanna masallakka su Basan, lalluaite. Ana waugu manga mahurangnge mal᷊alangnga buatte niwabbassa mal᷊aukka.

MAL᷊AṚṚUUNGNGA 9:15

Aputta ṛoaanna udde sinumimbakka, ‘Amungkangu i yamiu atonna-tonna maapulu i ya'u maola'a ratunu, wette passirungke su al᷊ungku. Amungkangngu i yamiu maddiri, ne wuassu manga ranna'u apan pia ṛoangnge indi sarun sumabbanga putungnga apan mangepoddu manga aaluanna aras su Libanon, ma'oman sara masue.’ ”