YEHEZKIEL 30:6 - WUKE SUSI WATTI'U AL᷊AL᷊USASSA

⁶ Mawu Apan Atanggaṛṛanne nabbisara, “Wuassu Migdol su sawannakka maddatingngu Aswan su timukka, anambon hawe Mesir sarun mapul᷊idda sulal᷊ummu pangalo. Wuṛṛu tantara Mesir apan mawunga udde sarun maṛṛimunsa'a uatal᷊eṛṛonga. I Ya'u Mawu Apan Atanggaṛṛanne buatte nabbisara.

YEHEZKIEL 30:6 Iomraidhean Croise

AYUB 9:13

Ruata tawe maṛṛaddannu asasa'u wuṛṛu al᷊al᷊oson naung-Nge; manga masasumbalan Rahab, uasuṛṛubbawa lai si Tou.

YESAYA 31:3

Taumata Mesir tumbau taumata, wal᷊ine Ruata. Awal᷊on mangitou riaddianna wiasa, wal᷊ine mawu. Napawe Mawu mammanarate, walahanna apan mantul᷊ungnga udde sarun itara wuṛṛu walahanna apan nitul᷊ungnga udde sarun manawo. Ne itarua sarun mate.

YESAYA 49:12

Wuassu marau uma-U pasi rantate, wuassu sawannakka, waṛṛatta wuṛṛu Sinim su timukka.”

YEREMIA 48:14

Ereapa wotongnge esakku Moab waṛṛani mabbisara, ‘I yami waṛṛani, manga tantara apan matohassa buatte nisal᷊u'atanna sulal᷊ummu pangalo?’

YEHEZKIEL 29:10

ne i Ya'u naola'e seennu, wuṛṛu seettu Sal᷊ukku Nil pussa'anu. Ahewallu Mesir sarun Ta'u olaanna leta'a apan mal᷊annabba manattakka wuassu soa Migdol su sawannakka maddatingngu soa Aswan su timukka, ma'oman sara passarannu Sudan.

YEHEZKIEL 33:28

Wanua udde sarun Ta'u olaanna wadda'u anne apan mal᷊annabba, wuṛṛu taṛṛino apan ipammunga mangitou sarun masue. Manga wowone su Israel sarun mabbal᷊i mal᷊annabba ma'oman sara tawe saran sangkatou waṛṛani umamatta isudde.

NAHUM 3:9

Tebe uaparenta Sudan wuṛṛu Mesir, wuṛṛu taṛṛinone tawe pattaal᷊anne; Libia wuṛṛu Put uddewe hawene.