YEHEZKIEL 30:17 - WUKE SUSI WATTI'U AL᷊AL᷊USASSA

¹⁷ Manga umbasannu soa Heliopolis wuṛṛu Bubastis sarun mate sulal᷊ummu pangalo, wuṛṛu manga wawine sarun sametanna.

YEHEZKIEL 30:17 Iomraidhean Croise

PANDARIADDI 41:45

Ana see ratu nangonggolu sambau arannu Mesir si Yusuf, eteudde i Zafnat-Paaneah. I tou lai nangonggolu sangkatou awingnge aranne i Asnat, ana'i Potifera apan naola'a imam su soan Heliopolis. I Yusuf uukke tallun pul᷊o su tonnane su tempo i tou nanattaka mammanara ringannu ratu Mesir. Ne i Yusuf nanantangken wal᷊en araratuanna wuṛṛu inaite namal᷊iwutta ahewallu araratuanna.

PANDARIADDI 46:20

Su Mesir i Yusuf naasomba ana'a darua, eteudde i Manasye wuṛṛu i Efraim apan niasungkangngu awingnge i Asnat, ana'i Potifera, apan uaagassa manara imam su Heliopolis.

YEREMIA 43:13

Manga diṛṛin paal᷊uanna su Heliopolis su Mesir, sarun ṛimunsaanna, wuṛṛu manga kuillu manga mongannu Mesir sarun soṛṛowanna insueanna.”

YEHEZKIEL 30:16

wuṛṛu soa udde sarun lembon matataṛṛangnga. Atonna, i Ya'u sarun manoṛṛobba Mesir. Manga darandungngu soa Tebe sarun maṛṛa'a wuṛṛu soa udde sarun sanggiurannu manawangnga.

YEHEZKIEL 30:23

I Ya'u sarun manal᷊iawukku taumatan Mesir su ahewallu runia.

AMOS 1:5

Manga ngara wahewalla su Damsyik sarun Ta'u hoaṛṛanna, wuṛṛu tumana'u Wawal᷊annu Awen sarun Ta'u sahangginanna wuassu tampa atatanaanni mangitou. Tembonannu Bet-Eden sarun Ta'u iapasossokka wuassu aiananne, wuṛṛu tumana'u Siria sarun iatawanna wua'udde ṛuwoanna watukku wanua Kir.”