YEHEZKIEL 3:18 - WUKE SUSI WATTI'U AL᷊AL᷊USASSA

¹⁸ Napawe i Ya'u mamasingkatta manungku sangkatou mandal᷊al᷊eo sarun mate, arawe i'o tawe mapanaungnga si tou tadea'u i'o mamal᷊u pallal᷊agune ma'oman sara i tou masal᷊amatta, ne i tou sarun mate ta'e lai sangkatou apan marosa, wuṛṛu su ola'u papatene, sarun pangansil᷊anne wuassi'o.

YEHEZKIEL 3:18 Iomraidhean Croise

PANDARIADDI 2:17

tumba'u wuassu wuan kalu apan mangonggollu asingkatta su ola'u apapia wuṛṛu al᷊al᷊eo. Imbaṛṛangnga i'o umanna wuane, amungkangngu i'o umana; i'o sarun mate su allo udde lai.”

PANDARIADDI 42:22

I Ruben nabbisara, “Wal᷊inewe dorone i ya'u buatte nabbisara si yamiu tadea'u ana'a udde arie lal᷊eoanna. Arawe i yamiu madiri maddaringikka. Ne orassa indi papatene niwal᷊issanna si ite.”

2 SAMUEL 4:11

Lembon awakkatanne lai ṛuumanna apan sarun ta'u iema'a su taumata lal᷊eo apan buatte namate taumata tawe sal᷊ane wuṛṛu tantal᷊anna mattiilla su wal᷊ene sassane! Orassa indi ya'u mabbal᷊issa si'o su ola'u pamamate udde, wuṛṛu manginsue si yamiu wuassu wowon dunia indi!”

2 MARARATU 1:4

Wal᷊oa'a su ratu manungku Mawu nabbisara arendi, ‘I'o sarun tawe mapia, i'o sarun mate!’ ” Napawe i Elia napaamatten parentan Mawu udde,

AMSAL 14:32

Taumata lal᷊eo nate ana waugu al᷊al᷊eo, taumata mapia nilu'arannu apapiane.

YESAYA 3:11

Arawe nasilakate taumata lal᷊eo! I mangitou sarun olaanna ere lai i mangitou buatte na'ola'a taumata waine.

YEHEZKIEL 18:13

I tou napawallassa ringannu bungane. Apa taumata aroddi wotonge mabbiakka? Tawe! I tou buatte na'ola'a anambon inolaanna apan ma'arantinna udde, wuṛṛu i tou sarun mate! Papatene eteudde pangillul᷊eannu inolaanne sassane.

YEHEZKIEL 18:20

Taumata apan ma'ola'a rosa, ete i tou apan sarun mate. Ana'a sarun tawe mamasanna pangillul᷊eannu pasasal᷊an iamange; ewe'e, iamange lai sarun tawe mamasanna pangillul᷊eannu manga rosan anange. Taumata apan mapia sarun maasomba bawal᷊inne apan mapia ana waugu inolaanne apan mapia. Wuṛṛu taumata apan dal᷊eo sarun matataṛṛanga ana waugu pangillul᷊eannu al᷊al᷊eone.

YEHEZKIEL 18:4

Niawa suapan taumata uddewe tatahuanang-Ku, mawae ete niawan taumata timmadde aroddi lai niawan anange. Taumata apan marosa, ete i tou apan sarun nate.

YEHEZKIEL 3:20

Amungkangngu sangkatou apan mapia manatakke ma'ola'a rosa, wuṛṛu i tou Ta'u iapasaruanna asasilaka, ne i tou sarun mate napawe i'o tawe mapanaungngi tou. I tou sarun nate ana waugu manga rosane, wuṛṛu manga inolaanne apan mapia tate Ta'u naunganna. Arawe su ola'u papatene udde sarun Ta'u ipa'iwal᷊o si'o.

YEHEZKIEL 33:12

Ne, taumata mattate, wal᷊oa'e su taumatan Israel manungku amungkangngu taumata mapia ma'ola'a rosa, ne apapiane dorone udde tawe maatulungnga si tou. Amungkangngu taumata lal᷊eo naddote ma'ola'a rosa, i tou tawe iṛṛuumanna wuṛṛu amungkangngu taumata mapia ma'ola'a rosa, tawe masal᷊amatta.

YEHEZKIEL 33:6

Arawe amungkangngu mandariaga udde naasilo seetta nirumanta wuṛṛu i tou tawe napantuntingikku tatialan silaka, see seetta namate manga taumata marosa udde, winabbawa su ola'u papate mangitou Ta'u ipandansilanna si tou.

YEHEZKIEL 34:10

I Ya'u, Mawu Apan Atanggaṛṛanne mabbisara si yamiu, manungku i Ya'u indi seennu. Manga domba-U udde sarun Ta'u anuanna apia wuassi yamiu wuṛṛu tate lai Ta'u iapariaga si yamiu; i yamiu tate lai Ta'u iwala maṛṛingiddu hausannu sassane. Manga domba-U sarun Ta'u iapaasal᷊amatta wuassi'o ma'oman sara i mangitou tate lai mabbal᷊i a'inasannu.’ ”

REENGANNA 26:65

Mawu buatte nabbal᷊o manungku i mangitou sarangkanambone sarun mate su wadda'a. Wuṛṛu atonna i mangitou sarangkanambone nate, tumba'u i Kaleb ana'i Yefune wuṛṛu i Yosua ana'i Nun.

LUKAS 13:3

Atonna-tonna tawe! Arawe paanaunge: amungkangngu i yamiu tawe mawal᷊u wuassu manga rosang kamiu, sarangkanambone sarun mate lai ere i mangitou.

LUKAS 13:5

Atonna-tonna tawe! Paassa lai ya'u mabal᷊o: Amungkangngu i yamiu tawe mawal᷊u wuassu manga rosang kamiu, i yamiu sarangkanambone mate lai ere i mangitou.”

YOHANES 8:21

Mawu Yesus nabbisara apia si mangitou, “I Ya'u inaite, wuṛṛu i yamiu sarun maddea'a si Ya'u, arawe i yamiu sarun mate sulal᷊ummu rosanu. Su tampa Ta'u rantanna, i yamiu tawe maaranta.”

YOHANES 8:24

Ana waugu udde i Ya'u mabbisara si yamiu, manungku i yamiu sarun mate sulal᷊ummu manga rosanu. Wuṛṛu atonna i yamiu sarun mate sulal᷊ummu manga rosanu, amungkangngu i yamiu tawe mangngimanna manungku, ‘ete i Ya'u i Tou apan isassago I YA'U INDI’. ”

WATTI'U MANGA RASUL 2:40

Ete aroddi i Petrus mannal᷊a'a si mangitou. Wuṛṛu ringannu wisara apan manambo waine lai i tou nandolokki mangitou tadea'u i mangitou mapaal᷊iun watanganne wuassu walahanna apan dal᷊eo indi apan sarun iṛṛuumannu Ruata.

WATTI'U MANGA RASUL 3:19

Ana waugu udde manga tuṛṛangnga, awal᷊ute wuassu manga rosanu wuṛṛu pabelengke ringannu Ruata tadea'u i Tou mamapassa manga rosanu.

1 TIMOTIUS 4:16

Paariagai ririnu wuṛṛu paariagai lai al᷊aṛṛangngu. Ṛinone i'o matuṛṛuta ma'ola'a sarangkanambone udde, ana waugu ringannu aroddi i'o sarun manal᷊amatta mawae su ririnu sassane aroddi lai manga taumata apan maddaringikka si'o.

1 TIMOTIUS 5:22

Arie tumaniten mal᷊ihakka mangal᷊amatta sangkatou itenega maola'a mangangimbe su Mawu. Amungkangu taumata waine marosa, arie lai al᷊iuannu rosa udde. Paariagai ririnu tadea'u sidutu waresi.

1 SAMUEL 8:9

Ana waugu udde utungete darorongngi mangitou, arawe i mangitou paanaunga'a ringannu atonna-tonna, wuṛṛu pasingkata'a ereapa i mangitou sarun parentannu sangkatou ratu.”