YEHEZKIEL 29:16 - WUKE SUSI WATTI'U AL᷊AL᷊USASSA

¹⁶ Israel tate lai maddorongnga sasumbala si'o. Pal᷊addu pabbiaṛṛannu ei walahannu Mesir sarun mapanaungngu Israel aroddi nial᷊iwune mangngasakku Mesir, ere buatte niolangne. Ne Israel naasingkatte manungku ete i Ya'u Mawu Apan Atanggaṛṛanne.”

YEHEZKIEL 29:16 Iomraidhean Croise

1 MARARATU 17:18

Ana see unnu wawine wal᷊u udde si Elia, “Allangngu Ruata, anio Iamangnga na'ola'a olangnge indi su saruangku? Apa Iamangnga rumanta tadea'u Ruata manaungnga rosa'u, na'oman sara ana'u rinone mate?”

DARALO 25:7

Ampungewe rosa wuṛṛu pasasal᷊a'u sutempo i ya'u ta'e dario'a, naungewe ringannu darangngu wuṛṛu apapia-Nu.

DARALO 79:8

Arie makkuumanni yami ana waugu rosan al᷊amonan kami. Akkanaawe paal᷊ihakka i yami, ana waugu i yami niasueanten antimma.

YESAYA 20:5

Manga taumata apan mangngasakku ara'e mangngantimma Sudan wuṛṛu mangngasakku Mesir sarun sumassilla wuṛṛu awul᷊iannu antimma.

YESAYA 64:9

Nariaddi ariewe tumanite masa'u, oh Mawu, ariete lai mannaungnga rosang kami; ellehete, i yami indi uman-Nu.

YEREMIA 14:10

Su ola'u walahanna udde Mawu nabbisara, “I Ya'u tawe mal᷊uassa su manga taumata udde apan maapulu tumal᷊angngu watanganne wua dingang-Ku, wuṛṛu tawe maaatokku watanganne. I Ya'u tawe maabul᷊i pasasal᷊a mangitou, i Ya'u sarun makkuumanni mangitou ana waugu rosa mangitou.”

LAL᷊ALLU 4:17

Matan kami naasilote, ual᷊aṛṛaddo sumbala apan tawe rumanta. I yami uaantimma aontollu sambau walahanna, apan ṛinone tawe mapangonggollu manga apa.

YEHEZKIEL 21:23

Tumana'u Yerusalem tawe mangimanna manungku i mangitou pappangaloanna, ana waugu i mangitou buatte na'ola'a paaire ringannu Babel. Arawe pani'atta indi sarun mapanaungngi mangitou manungku i mangitou sarun sametanna ana waugu manga rosa mangitou.

YEHEZKIEL 28:26

I mangitou sarun mabbiakka ringannu matammudda isudde wuṛṛu mapararisikku manga wal᷊en see ma'ola'a manga waillu anggore. I Ya'u sarun makkuumannu anambon al᷊indonganni mangitou apan buatte nangal᷊uandaga si mangitou, ma'oman sara Israel maola'a mal᷊angnganna. Ne i mangitou masingkatte manungku ete i Ya'u, Mawu Ruata mangitou.”

YEHEZKIEL 29:21

Napawe olangnge udde nariaddite, i Ya'u sarun ma'ola'a Israel walahanna apan matohassa, wuṛṛu nangonggollu tempo si'o Yehezkiel, mabbisara ringannu apulunu sassane ma'oman sara awadaalla wotongnge maddaringikka si'o. Ne i mangitou masingkatte manungku ete i Ya'u Mawu.”

YEHEZKIEL 29:9

Mesir sarun mabbal᷊i leta'a apan mal᷊annabba. Ne i yamiu masingkatte manungku ete i Ya'u Mawu.” Mawu nabbisara, “Ei ratu Mesir! Ana waugu i'o nabbisara manungku Sal᷊ukku Nil udde pussa'anu wuṛṛu manungku ete i'o apan na'ola'a,

HOSEA 12:1

Mawu nabbisara, “Walahannu Israel uapal᷊iwutta si Ya'u ringannu awusu wuṛṛu wawahia; walahannu Yehuda sidutu lullawangnge si Ya'u, Ruata Apan Susi wuṛṛu satia.

HOSEA 14:3

Pabbelengke ringannu Mawu wuṛṛu apira'e aal᷊iomanna indi maola'a sasambanu si Tou, “Mawu, ampungewe al᷊awo'u rosan kami, wuṛṛu sengkampe aal᷊iomanni yami indi, ne i yami sarun maddalo Si'o ere buatte pina'ireng kami.

HOSEA 5:13

Walahannu Israel wuṛṛu walahannu Yehuda naatutkka inolaanne apan dal᷊eo, ne Israel inaite watukku Asyur tadea'u maddorongnga sumbala su ratu wahewalla. Arawe i tou udde tawe ma'ontolla wuṛṛu mangapia ola'u pabbiaṛṛanni mangitou.

HOSEA 7:11

Israel uapapal᷊ele tawe atanaanne naal᷊ihidda merpati apan woddo. Paarororne manga taumatane naddorongnga sumbala su Mesir, wua'udde i mangitou tinumal᷊angnga ringannu Asyur!

HOSEA 8:13

I mangitou apulune mangngonggollu sasamba si Ya'u, wuṛṛu u'inassa ṛemessu sasamba udde, arawe i Ya'u Mawu, tawe mal᷊uassa ringannu manga sasamba udde. Orassa indi i Ya'u mannaungke rosan mangitou wuṛṛu makkuumanni mangitou ana waugu manga rosa udde; i Ya'u sarun mangirimmi mangitou mabelengnga apia su Mesir!

HOSEA 9:9

Tumaniten dal᷊eo inolaannu ere buatte niola'u tamata su Gibea Ruata sarun mannaungnga pasasal᷊anu, wuṛṛu makkuumanni yamiu ana waugu rosanu.

REENGANNA 5:15

Sulal᷊ummu darua inolaana udde, esakka udde ṛinone mangapiddu awingnge ringannu imam. I tou lai ṛinone mangapiddu sasamba hunan pandumma udde, eteudde sangkilo taponnu gandumma. Taponna udde tawe wotongnge lal᷊inannu lanan zaitun ara'e sal᷊iawuṛṛannu amania, ana waugu maola'a sasamban pallal᷊u'adda wuṛṛu pandumanne ipattiala manungku esakka pia naungnga mallu'adda awingnge.

IBRANI 10:17

Ruata nabbisara lai, “I Ya'u tate mannaungnga manga rosa wuṛṛu manga al᷊al᷊eo mangitou.”

IBRANI 10:3

Arawe wutte'e manga sasamba apan tinantilla suapan tonna udde, ewe'e mappaanaungnga su taumata su ola'u manga rosa mangitou,

SONDAPPA 16:19

Soa wahewalla udde natahia tallung kaadoanna, wuṛṛu naṛṛimunsa'e lai manga soa su anambon araratuanna su runia. See Ruata naanaungnga Babel apan wahewalla udde. Ne Ruata napa'inummi tou anggore wuassu cawannu Ruata – eteudde anggoru asasa'u-Ne apan nangillembo.