YEHEZKIEL 29:10 - WUKE SUSI WATTI'U AL᷊AL᷊USASSA

¹⁰ ne i Ya'u naola'e seennu, wuṛṛu seettu Sal᷊ukku Nil pussa'anu. Ahewallu Mesir sarun Ta'u olaanna leta'a apan mal᷊annabba manattakka wuassu soa Migdol su sawannakka maddatingngu soa Aswan su timukka, ma'oman sara passarannu Sudan.

YEHEZKIEL 29:10 Iomraidhean Croise

SASABANGNGA 14:2

“Doloṛṛa'a taumatan Israel mabelengnga wuṛṛu maddasanna su saruannu soa Pi-Hahirot, su wallatu soa Migdol wuṛṛu Tahal᷊oangngu Gelagah, maranin soa Baal-Zefon.

YEREMIA 44:1

Mawu nabbisara si ya'u su ola'u anambon taumatan Israel apan uatana'a su Mesir, eteudde su soa Migdol, Tahpanhes, Memfis, wuṛṛu su wageangngu timukka.

YEREMIA 46:14

“Yeremia, al᷊iata'e watti'a indi su manga soa Mesir, eteudde su Memfis, Migdol wuṛṛu Tahpanhes, ‘Paasaddiate mangesakku watangannu ana waugu anambo apan tatahuanannu sarun masue sulal᷊ummu papangaloanna!

YEHEZKIEL 21:3

manungku i Ya'u, Mawu, nabbisara arendi, ‘I Ya'u indi seennu. I Ya'u sarun manawutta hal᷊ele-U wuṛṛu mamate si yamiu sarangkanambone, apan dal᷊eo ara'e lai mapia.

YEHEZKIEL 26:3

Mawu Apan Atanggaṛṛanne nabbisara, “I Ya'u indi seennu, ei Tirus! I Ya'u sarun mangapiddu manambo walahanna iapapangalo si'o, wuṛṛu i mangitou sarun dumanta naal᷊ihidda lua'a su tahal᷊oangnga.

YEHEZKIEL 29:11

Tawe taumata ara'e winatangnga apan umamatta isudde. Al᷊annune appatu pul᷊o su tonnane tawe taumata apan matana'a isudde.

YEHEZKIEL 29:3

Mawu Apan Atanggaṛṛanne nandolo'u iapapasingkatta su ratu Mesir tanata indi, “I ya'u indi seennu, ei wuala masallakka apan ual᷊allowanga su sal᷊ukka. I'o mammahia manungku Sal᷊ukku Nil uddewe pussa'anu wuṛṛu manungku ete i'o apan na'ola'a.

YEHEZKIEL 29:9

Mesir sarun mabbal᷊i leta'a apan mal᷊annabba. Ne i yamiu masingkatte manungku ete i Ya'u Mawu.” Mawu nabbisara, “Ei ratu Mesir! Ana waugu i'o nabbisara manungku Sal᷊ukku Nil udde pussa'anu wuṛṛu manungku ete i'o apan na'ola'a,

YEHEZKIEL 30:12

I Ya'u sarun mapaamaran Sal᷊ukku Nil wuṛṛu manantillu ahewallu Mesir su manga taumata lal᷊eo. Manga taumata raho sarun Ta'u irolokka iapaṛṛimunsa'a wanua udde. I Ya'u, Mawu, buatte nabbisara.”

HABAKUK 3:8

Oh Mawu, ana wauge ete tahal᷊oangnga I'o nasa'u? Ete manga sal᷊ukka apan naaola'a Si'o mandona? I'o sinuma'e winabbawa naola'a awal᷊o wuṛṛu keretan pangalo, sutempo uman-Nu nionggol᷊a-Nu auntunganna.