YEHEZKIEL 28:26 - WUKE SUSI WATTI'U AL᷊AL᷊USASSA

²⁶ I mangitou sarun mabbiakka ringannu matammudda isudde wuṛṛu mapararisikku manga wal᷊en see ma'ola'a manga waillu anggore. I Ya'u sarun makkuumannu anambon al᷊indonganni mangitou apan buatte nangal᷊uandaga si mangitou, ma'oman sara Israel maola'a mal᷊angnganna. Ne i mangitou masingkatte manungku ete i Ya'u, Mawu Ruata mangitou.”

YEHEZKIEL 28:26 Iomraidhean Croise

DARALO 149:9

ipakkuumannu manga walahanna wuassu parentan Duata. Eteudde auntungannu umatta apan arangnguan-Ne. Paddalote Mawu!

SASABANGNGA 29:46

I mangitou sarun maasingkatta manungku ete i Ya'u Ruata mangitou apan nangapiddi mangitou sinumabbangnga wuassu Mesir, tadea'u i Ya'u wotongnge matana'a su pattangnganni mangitou. Ete i Ya'u Ruata mangitou.”

AMSAL 14:26

Taumata apan mangngimanna Mawu mabbal᷊i mal᷊angnganna, wuṛṛu amonanne uatahuanna mandariagane.

YESAYA 17:14

Sutempo wawallo i mangitou mandantan atata'utta apan masaddatta, arawe napawe marua allote i mangitou nawul᷊ite. Eteudde pal᷊addu taumata apan maṛṛampassa si ite.

YESAYA 33:1

Nasilakate manga seetti ite! I mangitou makkampassa salaiwe i mangitou tawe nipakkampassanna, wuṛṛu mandal᷊eo salaiwe tawe nilal᷊eo. Arawe napawe buatte nakkampassa wuṛṛu nandal᷊eo, i mangitou sarun mabbal᷊i sal᷊em pallaṛṛampassa wuṛṛu pandalal᷊eo.

YEREMIA 12:14

Mawu nabbisara, “Eteindi tanata-U su manga araratuanna ual᷊indongannu Israel apan buatte nanggohakka wanua apan Ta'u nionggolla su uma-U Israel. Ere sinuananna apan niabbutta wuassu leta'a, etearoddi lai manga taumata lal᷊eo udde sarun Ta'u iapasabbangnga wuassu manga wanua mangitou, wuṛṛu Yehuda sarun ipallossa wuassu lima mangitou.

YEREMIA 29:28

Taumata udde ṛinone sappinganna moṛṛongnge, ana waugu i tou mabbisara su manga taumatang kite su Babel manungku i mangitou ta'e mal᷊annu matana'a poiaroddi. Wuṛṛu ana waugu udde, wisarane, i mangitou ṛinone mapararisikku wal᷊en see mamabbassa wailla wuṛṛu umanna hessine.”

YEREMIA 30:16

Arawe orassa indi sarangakanambone apan nangaluppa si'o sarun allupanna, wuṛṛu anambon seennu sarun ṛootanna su pamuanganna. I Ya'u sarun mangallanga iangana'a apan nangallanga si yamiu, i Ya'u sarun mangaṛṛo si sai apan nangaṛṛo si yamiu.

YEREMIA 32:15

Mawu Apan Lembontaṛṛino, Ruatan Israel, nabbisara manungku wal᷊en, leta'a, wuṛṛu waillu anggore sal᷊immurine sarun ipabbawalli apia su wanua indi.”

YEREMIA 32:37

I Ya'u sarun manggemonnu walahanna indi wuassu anambon banua sutampa i mangitou Ta'u nisal᷊iawukka ana waugu asasa'u-U wuṛṛu araṛṛagi-U si mangitou. I mangitou sarun Ta'u iapidda mapul᷊e watukku tampa indi wuṛṛu Ta'u iwala matana'a isindi ringannu matammudda.

YEREMIA 32:43

Taumata mabbisara manungku wanua indi naola'e ere wadda'u anne apan tawe atanaannu taumata wuṛṛu winatangnga, wuṛṛu manungku wanua indi nanawote su liman taumatan Babel. Arawe i Ya'u mabbisara manungku allo addantane manga wawail᷊annu sarun ipabbawalli apia su wanua indi;

YEREMIA 33:16

Taumatan Yehuda wuṛṛu tumana'u Yerusalem sarun iapaasal᷊amatta wuṛṛu mabbiakka ringannu mal᷊angnganna. Soan Yerusalem sarun isaggo ‘Mawu Mananal᷊amatti Ite’.

LAL᷊ALLU 1:8

Yerusalem malluhudda watanganne sassane ringannu ma'ola'a manambo rosa apan maarantinna. Sarangkanambone apan dorone mangngaddatta si tou, orassa indi mangngal᷊uandaga ana waugu naasilo uatantol᷊ene. I tou sussal᷊iomanna, ana waugu inawul᷊ianten hatine.

YEHEZKIEL 28:22

Pasingkata'e su tumanangnge manungku i Ya'u Mawu Apan Atanggaṛṛanne mabbisara si mangitou, ‘I Ya'u indi seennu, ei Sidon. Manga taumata sarun maddalo si Ya'u ana waugu inolaang-Ku su saruannu. Sutempo i Ya'u nakkuumannu tumanangngu, i mangitou sarun maasingkatta manungku ete i Ya'u Mawu apan na'ukkassa.

YEHEZKIEL 28:24

Mawu nabbisara, “Manga wanua al᷊indonganne apan buatte nallobbossa Israel, tate maola'a sambau roa'a wuṛṛu larangnga apan maataddu'a Israel. I mangitou sarun maatutukka manungku ete i Ya'u Mawu Apan Atanggaṛṛanne.”

YEHEZKIEL 34:14

Atonna, i Ya'u sarun manaddia si mangitou manga wadda'u nannal᷊o apan masuwukka su panenteanna wuṛṛu su manga wawal᷊annu leta'u Israel. Poiaroddi i mangitou sarun mangillol᷊o wuṛṛu umanna nannal᷊o ringannu amanna.

YEHEZKIEL 34:31

Atonna, ete i yamiu ammul᷊annu domba-U apan Ta'u nionggol᷊annu anna. I yamiu uddewe uma-U, wuṛṛu i Ya'u Ruatanu. I Ya'u, Mawu Apan Atanggaṛṛanne buatte nabbisara.”

YEHEZKIEL 36:9

I Ya'u uasamba'a si yamiu ei Israel, wuṛṛu i Ya'u manantunna ringannu atonna manungku letangngu sarun pasol᷊anna apia wuṛṛu asi'annu wualanna.

YEHEZKIEL 38:11

I'o nakkawessa inai mamangalo wanua apan tawe tanda batune udde, suapa tumanangnge mabbiakka ringannu matammuda wuṛṛu mal᷊angnganna su manga soa apan tawe darandungnge wuṛṛu tawe ahiddu pangalo.

YEHEZKIEL 38:8

Manga pira tonna lai i tou sarun Ta'u parentanna iapapangalo sambau wanua ringannu tumanangnge apan buatte niammulla apia wuassu wallattu manambo walahanna wuṛṛu apan wua'udde natana'a su wanua udde ringannu matammudda. Gog sarun mangaṛṛo manga wowonen Israel apan mal᷊annute mal᷊annabba wuṛṛu napenen bilal᷊anna, arawe orassa indi tatanaannu tumanangnge apan mabbiakka ringannu paddarame.

YEHEZKIEL 39:10

Nariaddi i mangitou salaiwe lasa'e mangammulu alu papputunganna su wawail᷊anna ara'e manuwangnga alu su mahurangnge, ana waugu manga lutangnga apan nitantanga udde tumaniten manambo maola'a alu papputunganna. I mangitou sarun mangaṛṛo wuṛṛu maṛṛampassa darotongngu manga taumata apan buatte nangaṛṛo wuṛṛu naṛṛampassa darotongngi mangitou. I Ya'u, Mawu Apan Atanggaṛṛanne buatte nabbisara.”

HOSEA 11:11

Wuassu Mesir i mangitou sarun dumanta ere al᷊ihakku manu'u winalanganna, wuṛṛu wuassu Asyur Tau iapidda mabbelengnga watukku wal᷊en mangitou. I Ya'u, Mawu, apan nabbisara.”

HOSEA 2:15

Manga waillu anggorene sarun Ta'u iul᷊e apia si tou, wuṛṛu Wawal᷊annu Asasusa sarun Ta'u olaanna ngaran pangangantimma. Poiaroddi i tou sarum manal᷊oho si Ya'u ere sutempo i tou ta'e saṛṛen tumuwo, sutempo i tou wakkute sinumabbangnga wuassu Mesir.

HOSEA 2:18

Sutempo udde i Ya'u sarunma'ola'a paaire ringannu al᷊awo'u hatin binatangnga tadea'u i mangitou tate manal᷊asa'u uma-U. I Ya'u sarun mapaaddon al᷊awo'u pangalo wuṛṛu manahangginna manga ahiddu pangalo wuassu wanuan uma-U udde, wuṛṛu ma'ola'a si mangitou mabbiakka ringannu mal᷊angnganna wuṛṛu matammudda.

HABAKUK 2:8

I'o buatte nangaṛṛo manambo walahanna, arawe manga walahanna apan naal᷊assangnga sarun mangaṛṛo si'o, ana waugu pamamate apan buatte niolangngu, wuṛṛu ana waugu araṛṛagissa apan buatte niolangngu su manga wanua, manga soa wuṛṛu tumanangnge.

ZAKARIA 1:15

Arawe i Ya'u tuminiten massa'u su manga walahanna apan uapendamma mal᷊annabba wuṛṛu matammudda. Ana waugu sutempo i Ya'u naṛṛaddannu asasa'u-U su uma-U, manga walahanna udde mannamba asasusan uma-U.

TAHIUL᷊E 12:10

Napawe i yamiu buatte nilumewessa Sal᷊ukku Yordan, Mawu Ruatanu sarun mantul᷊ungngi yamiu matana'a wuṛṛu mamanua su leta'a samba'an sal᷊ukka udde. I Tou sarun mallu'adda si yamiu wuassu al᷊awo'u seetta, wuṛṛu i yamiu sarun mabbiakka ringannu matammamudda wuṛṛu mal᷊uassa.