YEHEZKIEL 28:16 - WUKE SUSI WATTI'U AL᷊AL᷊USASSA

¹⁶ I'o tawe atanaanne mabbal᷊u'a, wuṛṛu eteudde apan nangapiddu watukku araṛṛagissa wuṛṛu rosa. Ne i'o Ta'u nilimbuaṛṛanna wuassu wowone-U apan na'ukkassa, wuṛṛu mala'ekatta uariaga si'o nallimbuakka si'o wuassu pattangngannu permata apan lullendappa udde.

YEHEZKIEL 28:16 Iomraidhean Croise

PANDARIADDI 3:24

Wua'udde, su samba'an da'i wuassu wailla udde su saruannu ngara suttanna, Ruata nangaddon manga mala'ekattam, wuṛṛu sammata hal᷊ele pia putungnge apan tuttiri su al᷊awo'u tampa, ipandiaga lal᷊anna watukku punnu alu apan mangngonggolu wiakka udde. Ringannu aroddi tawe saran sangkatou apan hotongnge maasutta mangundanin punnu alu udde.

PANDARIADDI 6:11

Arawe anambon taumata waine lal᷊eo su aellegu Ruata, wuṛṛu araṛṛagissa mariaddi su al᷊awo'u tampa.

YESAYA 22:19

Ana waugu udde i'o sarun Ta'u iapaillol᷊o wuassu manaranu wuṛṛu Ta'u isossokka pangkannu apan matanggakka.

YESAYA 23:9

Mawu Apan Lembontaṛṛino, ete i Tou apan makkawessa wuṛṛu manguddussu awawungan tumanangnge su anambon hessi manara apan buatte niola'i mangitou, wuṛṛu namawo manga taumata apan aaddatanna su runia.

YEHEZKIEL 28:14

Mala'ekatta apan maata'utta Ta'u iaddo isudde iapariagga si'o. I'o uatana'a su wowone-U apan na'ukkassa wuṛṛu u'amatta su pattangngannu watu permata apan lullendappa.

YEHEZKIEL 8:17

Mawu nabbisara si ya'u, “Ei taumata apan mattate, i'o maasilo udde? Manga taumatan Yehuda indi tawe mawusa amungkangngu tumba'u ma'ola'a manga inolaanna apan maarantinna udde wuṛṛu ma'ola'a pallal᷊agu apan tawe umakkannu sansul᷊ungnga taumata su ahewallu wanua. I mangitou ewe'e lai ma'ola'a sarangkanambone udde isindi, sulal᷊ummu Wal᷊e-U wuṛṛu naaola'a i Ya'u lembon nasa'u lai. Pa'ellege ereapa i mangitou mallobbossa si Ya'u ringannu olangnge apan al᷊al᷊eone indi!

HOSEA 12:7

Ana waugu udde, ei i yamiu papapulunni Yakub, pangimante Ruatanu wuṛṛu pabbelengke ringanni Tou. Pabbiakke ringannu napenen darangngu wuṛṛu atatul᷊idda, wuṛṛu paṛṛaddote ringannu sabare ma'oman sara Ruatanu mammanara.

AMOS 3:9

Al᷊iata'e su anga taumata apan uatana'a su wal᷊en araratuannu Mesir wuṛṛu Asdod, “Paammulle su manga wowone maranin Samaria, wuṛṛu panutukke aal᷊iba'ukka apan wahewalla see pangangallangnga apan niola'a poiaroddi.”

OBAJA 1:3

I'o niaawusuannu naungngu apan mawunga. Inangngu soanu uddewe wowon batu apan matohassa; tampa tatanaannu su puiddu wowone apan matanggakka. Ana waugu udde i yamiu maṛṛingidda, ‘Isai apan wotongnge mangema'u?’

MIKHA 2:10

Darisikke wuṛṛu roote; isindi tate lai matammudda. Manga rosanu buatte napaarantan asasilaka apan maata'utta su tampa indi.

MIKHA 2:2

Amungkangngu i mangitou maapulun sambau wawail᷊anna, i mangitou sarun mangaṛṛo. Amungkangngu i mangitou maapulu sambau wal᷊en, i mangitou manganu wal᷊en udde. Mawae darotongnga ara'e lai amonanna, taweddu matamudda.

MIKHA 6:12

Manga taumata ala su soanu mangngallangnga taumata asiangnga, wuṛṛu sarangkanambone taṛṛa awusu.

HABAKUK 2:17

I'o mannuwangnga manga aaluanna su mahurangngu Libanon, wuṛṛu orassa indi i'o sassane apan sarun tuwanganna. I'o mammate manga winatangnge, wuṛṛu orassa indi manga winatangnga mamma'utta si'o. Sarangkanambone udde mariaddi ana waugu pamamate wuṛṛu araṛṛagissa apan buatte niolangngu su saruannu manga wanua, manga soa wuṛṛu manga tumanangnge.

HABAKUK 2:8

I'o buatte nangaṛṛo manambo walahanna, arawe manga walahanna apan naal᷊assangnga sarun mangaṛṛo si'o, ana waugu pamamate apan buatte niolangngu, wuṛṛu ana waugu araṛṛagissa apan buatte niolangngu su manga wanua, manga soa wuṛṛu tumanangnge.

ZEFANYA 1:9

I Ya'u sarun makkuumannu anambon taumata apan mattaṛṛamawu ere taumata apan tawe maailal᷊a si Ya'u, wuṛṛu apan nanna'o see mammate tadea'u malloṛṛo wal᷊en mawune ringannu manga saranapa apan niaṛṛo.”

YOHANES 2:16

See i Tou nabbisara su mabawal᷊u'u manu'a merpati, “Pangingkatta wua isindi. Arie Wal᷊en Iamang-Ku maola'a tampam pabawal᷊u'anna!”

SONDAPPA 12:9

Naga apan bahewalla udde niramme su liudde! Ete i tou atoanna timmade udde apan aranne Setanna ara'e Ghaṛṛaho Lal᷊eo, apan nangawusu ahewallu runia. I tou niramme su runia su sambau ringannu manga mala'ekanne.