YEHEZKIEL 28:13 - WUKE SUSI WATTI'U AL᷊AL᷊USASSA

¹³ Tampa atatanaannu su Eden, wawail᷊annu Ruata. Laungngu lal᷊ogaṛṛannu al᷊awo'u permata: watun delima wuṛṛu intan, topas, watu pirus, watu yakut, ratna, cempaka, watu nilam, zamrud wuṛṛu watu alkali maṛṛamu. Lal᷊ogakka wul᷊awannu lai manambo. Manga saranapa udde niola'a hausannu su allo i'o niriaddi.

YEHEZKIEL 28:13 Iomraidhean Croise

PANDARIADDI 13:10

I Lot nanaile leta'a apan uapal᷊iwutta si tou wuṛṛu i tou naasilo manungku ahewallu Wawal᷊annu Yordan, maddatingngu soan Zoar manambo ua'ene, naal᷊ihidda Waillu Mawu ara'e naal᷊ihidda leta'u Mesir. (Etearoddi olangnge tantal᷊anna Mawu taambe naṛṛimunsa'a manga soan Sodom wuṛṛu Gomora.)

PANDARIADDI 2:8

Nanansunna udde Ruata na'ola'a wailla su Eden, su samba'an da'i, wuṛṛu niapaatana'e isudde taumata apan buatte niolang-Nge.

AYUB 28:19

Watu permata maririkka apan tutune wuṛṛu wul᷊awanna tutune, mabbawoanna aregane pallal᷊agu.

YESAYA 14:11

Dorone i'o wabbantuhannu musikku kecapi, arawe orassa indi i'o su tampaten araratuannu runian taumata nate. Manga ul᷊idda maola'a lallowangannu wuṛṛu oa'a maola'a tatimbuṛṛunnu!’

YESAYA 23:16

Anute kecapi, pamal᷊iwutte soa, ei i masandaga niawontohanna apan niabbul᷊iananna! Tengkelle kecapi, pangantarite apia, tadea'u i'o naunganna apia.

YESAYA 24:8

Tate lai aringiṛṛanna tengkellu kecapi apan maal᷊uassa wuṛṛu tingikku rebana apan ma'al᷊ala'a. Paddaramean taumata apan lulluassa naddote.

YESAYA 30:32

Tantal᷊anna i mangitou mammendamma manga papuulle, umattu Mawu lulluassa ringannu musikku tambore wuṛṛu kecapi. Ruata sassane sarun mamangalo mando'appa Asyur.

YESAYA 51:3

Yerusalem, i Ya'u sarun malluassa si'o, wuṛṛu sarangkanambone apan uatana'a su winalal᷊annu. Manga wadda'a apan mamara Ta'u olaanna wailla, naal᷊ihidda Eden, wawail᷊ang-Ku apan masuwukka. Isudde taumata sarun lumuassa wuṛṛu lumala'a wuṛṛu ma'adiangkamanna ringannu manga aantari.

YEHEZKIEL 21:30

Ei taumatan Amon, suṛṛia'e apia hal᷊elenu su ṛomane! I yamiu sarun Ta'u iṛṛuumanna su tampang kami nariaddi wuṛṛu niasungkanga.

YEHEZKIEL 26:13

I Ya'u sarun mapaaddo al᷊awo'u antarinu wuṛṛu musikku kecapinu.

YEHEZKIEL 27:16

Manga mabbawal᷊u'a wuassu wanuan Siria namalli manga saranapa wal᷊u'annu wuṛṛu auntungannu manambo atonna. I mangitou mammaekka ringannu permata wuassu watu zamrud, mal᷊aṛṛenessa maṛṛamu ungu, mal᷊aṛṛenessa pia sujine, linen al᷊ussa, permata wuassu watu koral wuṛṛu watu maṛṛamu delima.

YEHEZKIEL 28:14

Mala'ekatta apan maata'utta Ta'u iaddo isudde iapariagga si'o. I'o uatana'a su wowone-U apan na'ukkassa wuṛṛu u'amatta su pattangngannu watu permata apan lullendappa.

YEHEZKIEL 28:15

Pallal᷊agunu nasuungnga ro'en i'o niriaddi na'oman sara i'o mannattakke ma'ola'a al᷊al᷊eo.

YEHEZKIEL 36:35

Ne anambon taumata sarun tumiangnga, ana waugu leta'a apan tanginna maṛṛasa udde orassa indi nawal᷊ute nabbal᷊i wawail᷊annu Eden, wuṛṛu manga soa apan tanginna mal᷊annabba, naṛṛimunsa'a wuṛṛu naola'e manga winalal᷊anna, orassa indi naola'e manga soa apan matohassa taṛṛapane wuṛṛu manambo tumanangne.

YOEL 2:3

Naal᷊ihidda putungnga apan mannoṛṛobba wuṛṛu maatutungnga i mangitou nangepoddu al᷊awo'u sasuanna. Dorone, wanua udde naal᷊ihidda Eden, waillu Mawu, wua'udde, naal᷊ihidda wadda'u anne apan maṛṛasa. Tawe saran sambau apan nallambe, taweddu naatal᷊angnga wuassu aenggenni mangitou.

SONDAPPA 17:4

Wawine udde ual᷊uṛṛen laubba ungu wuṛṛu maṛṛamu uaitumma, see lal᷊ogaṛṛanu wul᷊awanna, manga permata, wuṛṛu mutiara. Su limane i tou uaaggasa sambau mangko wul᷊awanna napenen inolaanne apan maarantina wuṛṛu lal᷊eo, hessin sasandage.

SONDAPPA 2:7

Isai-sai apan ma'aringikka, ṛinone manutukka apa apan iapaasingkatu Ghaṛṛahon Ruata su manga jamaatta! I mangitou apan naauntunga, sarun Ta'u iwala umanna wua wuassu punnu pabbawiakka apan tuttuwo su Waillu Ruata.”