YEHEZKIEL 27:23 - WUKE SUSI WATTI'U AL᷊AL᷊USASSA

²³ Manga soan Haran, Kane, Eden, manga mabbawal᷊u'a wuassu Syeba, manga soan Asyur wuṛṛu Kilmad, sarangkanambone mabbal᷊u'a ringannu.

YEHEZKIEL 27:23 Iomraidhean Croise

PANDARIADDI 10:10

Paarorone araratuanne naddatingngu Babel, Erekh wuṛṛu Akad, soa tatallu udde su Babilonia.

PANDARIADDI 10:22

Al᷊aṛṛana'i Sem eteudde i Elam, i Asyur, i Arpakhsad, i Lud wuṛṛu i Aram.

PANDARIADDI 10:28

Ofir, Hawila wuṛṛu Yobab. Sarangkanambone udde papapulunni Yoktan.

PANDARIADDI 12:4

I Abram uukke pitun pul᷊o l᷊ima su tonnane su tempo i tou nanantangngu i Haran, ere buatte nirolokku Mawu si tou. I Abram inaite watukku leta'u Kanaan suadio'a ringanni Sarai awingnge wuṛṛu i Lot ana'u tuṛṛangnge, wuṛṛu al᷊awo'u darotongnge see lai manga allangnge apan niasombanganni mangitou su i Haran. Napawe i mangitou na'omate su Kanaan,

PANDARIADDI 2:8

Nanansunna udde Ruata na'ola'a wailla su Eden, su samba'an da'i, wuṛṛu niapaatana'e isudde taumata apan buatte niolang-Nge.

PANDARIADDI 25:3

I Yoksan iamangngi Syeba wuṛṛu i Dedan, wuṛṛu papapulunni Dedan eteudde taumatan Asyur, taumatan Letus, wuṛṛu taumatan Leum.

PANDARIADDI 32:22

Su ṛabbi udde lai i Yakub napu'ote ana see nangapiddu ruan katou awingnge, awingnge su liudde wuṛṛu siri mapul᷊o assa anangnge, tinumumbe Sal᷊ukku Yabok.

2 MARARATU 19:12

Sutempo al᷊amona'u nakkimunsa'a soan Gozan, Haran, wuṛṛu Rezef, lapiddu namate taumatan Eden apan uatana'a su Telasar, tawe saran sangkatou wuassu manga monganni mangitou naasal᷊amatta si mangitou.

DARALO 83:8

walahannu Gebal, Amon wuṛṛu Amalek, walahannu Filistea see lai tumana'u Tirus.

YESAYA 10:9

Ta'u aṛṛoanna manga soan Kalno wuṛṛu Karkemis, Hamat wuṛṛu Arpad. Ta'u aṛṛoanna lai manga soan Samaria wuṛṛu Damsyik.

YESAYA 37:12

Sutempo udde al᷊amona'u nakkimunsa'a soan Gozan, Haran, wuṛṛu Rezef, see lai namate manga taumatan Eden apan uatana'a su Telasar, tawe saran sangkatou wuassu manga monganni mangitou nanal᷊amatta si mangitou.

YESAYA 7:18

Sutempo udde Mawu sarun mamaggo taumatan Mesir wuṛṛu taumatan Asyur, ana see walahanna darua udde rumanta naal᷊ihidda ammul᷊annu lango wuṛṛu attimpua apan uaṛṛimpulunna manga rampissa wuṛṛu loṛṛangngu watu. I mangitou sarun manaappa suapan ahuranganna ṛoaanna wuṛṛu manga tampa nannal᷊one.

YESAYA 7:20

Mawu sarun manewa ratun Asyur tadea'u ma'ola'a Israel naal᷊ihidda sangkatou taṛṛa pol᷊o apan mallunggukka anambon uta'a wuṛṛu waṛṛabbissu awa'a.

YEHEZKIEL 27:24

I mangitou mabbal᷊u'a si'o laubba mangkapia, mal᷊aṛṛenessa maṛṛamu ungu, mal᷊aṛṛenessa pia sujine, manga permadani apan rial᷊u hatine, wuṛṛu manga tal᷊i apan matohassa.

YEHEZKIEL 32:22

Asyur tinumatterete poiaroddi, tatalliwunannu holangngu manga tantarane. I mangitou sarangkanambone natete sulal᷊ummu pangalo. Labbingi mangitou udde su wageangnge apan al᷊al᷊umanne su runian taumata nate. Sutempo ta'e wiakka, i mangitou mammata'utta su runia.

YEHEZKIEL 38:13

Tumana'u Syeba wuṛṛu Dedan see manga mabbawal᷊u'a su manga wanuan Spanyol sarun maiwal᷊o si yamiu arendi, ‘Apa i'o sarun mandolokku tantaranu tumba'u ipangaṛṛo wuṛṛu maṛṛampassa wul᷊awanna sal᷊a'a, winatangnga wuṛṛu darotongnga, see maṛṛoota sarangkanambone udde?’ ”

AMOS 1:5

Manga ngara wahewalla su Damsyik sarun Ta'u hoaṛṛanna, wuṛṛu tumana'u Wawal᷊annu Awen sarun Ta'u sahangginanna wuassu tampa atatanaanni mangitou. Tembonannu Bet-Eden sarun Ta'u iapasossokka wuassu aiananne, wuṛṛu tumana'u Siria sarun iatawanna wua'udde ṛuwoanna watukku wanua Kir.”

AMOS 6:2

Roote pa'ellega su Kalne, wua'udde asal᷊ate amatta watukku Soa Hamat apan wahewalla udde, wua'udde wuatukku soa Gat su Filistin. Sunnanu manga soa udde mappianne wuassu araratuannu Yehuda wuṛṛu Israel? Apa wageangngu leta'i mangitou maggewal᷊anna wuassu wageangngu letangngu?

REENGANNA 24:22

Arawe i yamiu, taumatan Keni, sarun pateanna, tate mal᷊annu lai Asyur mangal᷊appa si yamiu maola'a taumata niatawanna.”

WATTI'U MANGA RASUL 7:4

Ne i Abraham nanantangken wanua Kasdim, see nangingkatte watukku Haran. Napawe iamangngi Abraham natete, Ruata napa'ingkatti Abraham watukku wanua indi atatanaannu manga tuṛṛangnga wuṛṛu manga iamangnga orassa indi.